ಜನವರಿ 13ರಿಂದ ರಣಜಿ ಟ್ರೋಫಿ ಆರಂಭ: ಕೋಲ್ಕತ್ತಾದಲ್ಲಿ ಫೈನಲ್ ಪಂದ್ಯ

ಜನವರಿ 13ರಿಂದ ರಣಜಿ ಟ್ರೋಫಿಯನ್ನು ಆರಂಭಿಸಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಯೋಜಿಸುತ್ತಿದೆ.
ಐಪಿಎಲ್ ಮಾಲೀಕರೊಂದಿಗಿನ ಕಾನ್ಫೆರೆನ್ಸ್ ಸಭೆ ರದ್ದುಗೊಳಿಸಿದ ಬಿಸಿಸಿಐ
ಐಪಿಎಲ್ ಮಾಲೀಕರೊಂದಿಗಿನ ಕಾನ್ಫೆರೆನ್ಸ್ ಸಭೆ ರದ್ದುಗೊಳಿಸಿದ ಬಿಸಿಸಿಐ

ನವದೆಹಲಿ: ಜನವರಿ 13ರಿಂದ ರಣಜಿ ಟ್ರೋಫಿಯನ್ನು ಆರಂಭಿಸಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಯೋಜಿಸುತ್ತಿದೆ.

ಐದು ದಿನಗಳ ಕಡ್ಡಾಯ ಸಂಪರ್ಕತಡೆಯನ್ನು ಮತ್ತು ಎರಡು ದಿನಗಳ ಅಭ್ಯಾಸ ನಡೆಸಲಿವೆ. ಮುಂಬೈ, ಬೆಂಗಳೂರು, ಕೋಲ್ಕತ್ತಾ, ಅಹಮದಾಬಾದ್, ತಿರುವನಂತಪುರ ಮತ್ತು ಚೆನ್ನೈ ತಂಡಗಳ ನಡುವೆ ಸ್ಪರ್ಧೆ ಆರಂಭವಾಗುತ್ತದೆ.

ಐದು ದಿನಗಳ ಕ್ಯಾರೆಂಟೈನ್ ನಂತರ ಫೆಬ್ರವರಿ 20ರಂದು ಆರಂಭವಾಗಲಿರುವ ಪಂದ್ಯಾವಳಿಯ ನಾಕೌಟ್ ಹಂತದ ಪಂದ್ಯಕ್ಕಾಗಿ ಕೋಲ್ಕತ್ತಾವನ್ನು ಕಾಯ್ದಿರಿಸಲಾಗಿದೆ. ಇದರ ನಂತರ ಫೆಬ್ರವರಿ 28 ರಿಂದ ಮಾರ್ಚ್ 3ರವರೆಗೆ ಸತತ ಐದು ದಿನಗಳ ಕಾಲ ಕ್ವಾರ್ಟರ್ ಫೈನಲ್ ಪಂದ್ಯಗಳು ನಡೆಯಲಿವೆ. ಸೆಮಿಫೈನಲ್ ಪಂದ್ಯಗಳು ಮಾರ್ಚ್ 8 ರಿಂದ 12 ರವರೆಗೆ ನಡೆಯಲಿದ್ದು, ಅಂತಿಮ ಪಂದ್ಯ ಮಾರ್ಚ್ 16 ರಿಂದ 20 ರವರೆಗೆ ನಡೆಯಲಿದೆ.

ಸೈಯದ್ ಮುಷ್ತಾಕ್ ಅಲಿ ಟಿ20 ಪಂದ್ಯಾವಳಿ ನವೆಂಬರ್ 4 ರಂದು ಲಖನೌ, ಗುವಾಹಟಿ, ಬರೋಡಾ, ದೆಹಲಿ, ಹರಿಯಾಣ(ನಗರವನ್ನು ಉಲ್ಲೇಖಿಸಲಾಗಿಲ್ಲ) ಮತ್ತು ವಿಜಯವಾಡದಲ್ಲಿ ಆರು ಕೇಂದ್ರಗಳಲ್ಲಿ ಆರಂಭವಾಗುತ್ತದೆ. ನವೆಂಬರ್ 16ರಿಂದ ದೆಹಲಿಯಲ್ಲಿ ನಾಕೌಟ್‌ಗಳು ನಡೆಯಲಿದ್ದು, ನವೆಂಬರ್ 22ಕ್ಕೆ ಅಂತಿಮ ಪಂದ್ಯ ನಡೆಯಲಿದೆ. ಬಿಸಿಸಿಐ ವಿಜಯ್ ಹಜಾರೆ ಟ್ರೋಫಿ 50 ಓವರ್‌ಗಳ ಸ್ಪರ್ಧೆಯ ಸ್ಥಳಗಳನ್ನು ತಿಳಿಸಿಲ್ಲ. ಇದು ಡಿಸೆಂಬರ್ 8 ರಿಂದ 27 ರವರೆಗೆ ನಡೆಯಲಿದೆ.

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com