2023ರ ಏಷ್ಯಾ ಕಪ್ ಗುಂಪು ಹಂತದ ಪಟ್ಟಿ ಬಿಡುಗಡೆ: ಬದ್ಧ ವೈರಿ ಭಾರತ-ಪಾಕ್ ಒಂದೇ ಗುಂಪಿನಲ್ಲಿ!

ನವದೆಹಲಿ: 2023ರ ಏಷ್ಯಾಕಪ್‌ನ ಗುಂಪು ಹಂತದ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ. ಭಾರತ ಮತ್ತು ಪಾಕಿಸ್ತಾನ ತಂಡಗಳು ಒಂದೇ ಗುಂಪಿನಲ್ಲಿವೆ. ಸೆಪ್ಟೆಂಬರ್‌ನಲ್ಲಿ ಎರಡೂ ತಂಡಗಳು ಮತ್ತೊಮ್ಮೆ ಮುಖಾಮುಖಿಯಾಗಲಿವೆ. 

ಆಸ್ಟ್ರೇಲಿಯಾದ ನಡೆದಿದ್ದ ಟಿ20 ವಿಶ್ವಕಪ್‌ನಲ್ಲಿ ಉಭಯ ತಂಡಗಳೂ ಕೊನೆಯ ಬಾರಿ ಮುಖಾಮುಖಿಯಾಗಿದ್ದವು. ಈ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆಲುವು ಸಾಧಿಸಿತ್ತು. ಕಳೆದ ವರ್ಷ ಎರಡು ತಂಡಗಳ ನಡುವೆ ಎರಡು ಪಂದ್ಯಗಳು ನಡೆದಿತ್ತು. ಮೊದಲ ಪಂದ್ಯದಲ್ಲಿ ಭಾರತ ಗೆದ್ದರೆ, ಎರಡನೇ ಪಂದ್ಯದಲ್ಲಿ ಪಾಕಿಸ್ತಾನ ಗೆದ್ದಿತ್ತು. ಟೀಂ ಇಂಡಿಯಾ ಸೂಪರ್-4 ಸುತ್ತಿನಲ್ಲಿಯೇ ಹೊರಬಿದ್ದಿತ್ತು. ಆದರೆ ಫೈನಲ್‌ನಲ್ಲಿ ಪಾಕಿಸ್ತಾನವನ್ನು ಸೋಲಿಸಿ ಶ್ರೀಲಂಕಾ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿತು.

ಏಷ್ಯಾಕಪ್ ಈ ಬಾರಿ ಪಾಕಿಸ್ತಾನದಲ್ಲಿ ನಡೆಯಲಿದೆ. ಆದಾಗ್ಯೂ, ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ (ಎಸಿಸಿ) ಅಧ್ಯಕ್ಷ ಜಯ್ ಶಾ ಕಳೆದ ವರ್ಷ ಪಂದ್ಯಾವಳಿಯನ್ನು ತಟಸ್ಥ ಸ್ಥಳದಲ್ಲಿ ಆಡಿಸಲಿ. ಟೀಂ ಇಂಡಿಯಾ ಪಾಕಿಸ್ತಾನ ಪ್ರವಾಸ ಮಾಡುವುದಿಲ್ಲ ಎಂದು ಹೇಳಿದ್ದರು. ಈ ಹೇಳಿಕೆಗೆ ಪಾಕಿಸ್ತಾನ ವಿರೋಧ ವ್ಯಕ್ತಪಡಿಸಿತ್ತು. ಅಂದಿನಿಂದ ಇಲ್ಲಿಯವರೆಗೆ ಪಂದ್ಯಾವಳಿ ಎಲ್ಲಿ ನಡೆಯಬೇಕು ಎಂಬುದು ನಿರ್ಧಾರವಾಗಿಲ್ಲ. ಸದ್ಯಕ್ಕೆ ಪಾಕಿಸ್ತಾನ ಅಧಿಕೃತ ಆತಿಥ್ಯ ವಹಿಸಿದೆ.

ಈ ಬಾರಿಯ ಪಂದ್ಯಾವಳಿ ಏಕದಿನ ಮಾದರಿಯಲ್ಲಿ ನಡೆಯಲಿದೆ
ಏಷ್ಯಾಕಪ್ ಕೊನೆಯ ಬಾರಿ ಟಿ20 ಮಾದರಿಯಲ್ಲಿ ನಡೆದಿತ್ತು. 2016ರಲ್ಲೂ ಟಿ20 ಆವೃತಿಯಲ್ಲೇ ನಡೆದಿತ್ತು. ಅಕ್ಟೋಬರ್-ನವೆಂಬರ್‌ನಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ ದೃಷ್ಟಿಯಿಂದ ಈ ಬಾರಿ ಸ್ವರೂಪವನ್ನು ಬದಲಾಯಿಸಲಾಗಿದೆ. ಈಗ ಅದನ್ನು ಅದರ ಮೂಲ ಸ್ವರೂಪದಲ್ಲಿ ಏಕದಿನದಲ್ಲಿ ಆಡಲಾಗುತ್ತದೆ. ಸ್ಪರ್ಧೆಯ 16ನೇ ಆವೃತ್ತಿಯು ಸೂಪರ್ 4 ಹಂತ ಮತ್ತು ಫೈನಲ್ ಸೇರಿದಂತೆ ಒಟ್ಟು 13 ಪಂದ್ಯಗಳು ಇರಲಿವೆ.

ಇದನ್ನೂ ಓದಿ: ಏಷ್ಯಾಕಪ್ ಗೆ ಟೀಮ್ ಇಂಡಿಯಾ ಪಾಕಿಸ್ತಾನಕ್ಕೆ ಬರದಿದ್ದರೆ, 2023 ವಿಶ್ವಕಪ್ ಗೆ ನಾವೂ ಭಾರತಕ್ಕೆ ಹೋಗುವುದಿಲ್ಲ: ಪಿಸಿಬಿ

ಪ್ರೀಮಿಯರ್ ಕಪ್ ಗೆದ್ದ ತಂಡಕ್ಕೆ ಏಷ್ಯಾಕಪ್ ನಲ್ಲಿ ಸ್ಥಾನ
ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ (ಎಸಿಸಿ) ಅಧ್ಯಕ್ಷ ಜಯ್ ಶಾ ಅವರು 2023-24ರ ಕ್ರಿಕೆಟ್ ಕ್ಯಾಲೆಂಡರ್ ಅನ್ನು ಬಿಡುಗಡೆ ಮಾಡಿದ್ದಾರೆ. ಇದರಲ್ಲಿ ಮಿತ್ರ ರಾಷ್ಟ್ರಗಳಿಗೆ ಪೈಪೋಟಿಯಲ್ಲಿ ಸ್ಥಾನ ಪಡೆಯುವ ಮಾರ್ಗವನ್ನೂ ಹೇಳಲಾಗಿದೆ. ಭಾರತ, ಪಾಕಿಸ್ತಾನ, ಬಾಂಗ್ಲಾದೇಶ, ಅಫ್ಘಾನಿಸ್ತಾನ ಮತ್ತು ಶ್ರೀಲಂಕಾ ಈಗಾಗಲೇ ತಮ್ಮ ಸ್ಥಾನಗಳನ್ನು ಭದ್ರಪಡಿಸಿಕೊಂಡಿವೆ. ಪುರುಷರ ಪ್ರೀಮಿಯರ್ ಕಪ್ ಗೆದ್ದವರು ಟೂರ್ನಿಯಲ್ಲಿ ಸ್ಥಾನ ಪಡೆಯಲಿದ್ದಾರೆ.

ಪ್ರೀಮಿಯರ್ ಕಪ್‌ನಲ್ಲಿ 10 ತಂಡಗಳು ಆಡಲಿವೆ
ಪ್ರೀಮಿಯರ್ ಕಪ್‌ನಲ್ಲಿ 10 ತಂಡಗಳು ಆಡಲಿವೆ. ಅವುಗಳನ್ನು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಈ ಅವಧಿಯಲ್ಲಿ ಒಟ್ಟು 20 ಪಂದ್ಯಗಳು ನಡೆಯಲಿವೆ. 2022ರಲ್ಲಿ ಹಾಂಗ್ ಕಾಂಗ್ ಏಷ್ಯಾಕಪ್‌ಗೆ ಪ್ರವೇಶಿಸಿತು. ಇದನ್ನು ಭಾರತ ಮತ್ತು ಪಾಕಿಸ್ತಾನದೊಂದಿಗೆ ಗುಂಪು ಮಾಡಲಾಗಿತ್ತು. ಈ ಬಾರಿ ಪ್ರೀಮಿಯರ್ ಕಪ್‌ನ ಗುಂಪು-Aನಲ್ಲಿ ಯುಎಇ, ನೇಪಾಳ, ಕುವೈತ್, ಕತಾರ್ ಮತ್ತು ಕ್ಲಾರಿಫೈಯರ್-1 ತಂಡಗಳು ಇರುತ್ತವೆ. ಆದರೆ, ಗ್ರೂಪ್-ಬಿ ಒಮಾನ್, ಹಾಂಗ್ ಕಾಂಗ್, ಸಿಂಗಾಪುರ್, ಮಲೇಷ್ಯಾ ಮತ್ತು ಕ್ಲಾರಿಫೈಯರ್-2 ಅನ್ನು ಹೊಂದಿರುತ್ತದೆ. ಪ್ರೀಮಿಯರ್ ಕಪ್‌ನ ಕ್ವಾಲಿಫೈಯರ್-1 ಮತ್ತು ಕ್ವಾಲಿಫೈಯರ್-2 ಅನ್ನು ಚಾಲೆಂಜರ್ ಕಪ್ ನಿರ್ಧರಿಸುತ್ತದೆ.