ಬೋಗಸ್ ಕಾರ್ಡ್ ಮಾಫಿಯಾಗೆ ಬ್ರೇಕ್ ಕಷ್ಟದ ಕೆಲಸ: ಗುಂಡೂರಾವ್

ರಾಜ್ಯದಲ್ಲಿ ನಕಲಿ ಪಡಿತರ ಚೀಟಿಗಳು ಚಲಾವಣೆಯಲ್ಲಿರುವುದನ್ನು ಒಪ್ಪಿಕೊಂಡಿರುವ ಆಹಾರ ಮತ್ತು ನಾಗರಿಕ ಪೂರೈಕೆ ಸಚಿವ ದಿನೇಶ್ ಗುಂಡೂರಾವ್ ...

Published: 22nd September 2015 02:00 AM  |   Last Updated: 22nd September 2015 11:48 AM   |  A+A-


Dinesh Gundurao

ದಿನೇಶ್ ಗುಂಡೂರಾವ್

Posted By : Shilpa D
Source : Online Desk
ಬೆಂಗಳೂರು: ರಾಜ್ಯದಲ್ಲಿ ನಕಲಿ ಪಡಿತರ ಚೀಟಿಗಳು ಚಲಾವಣೆಯಲ್ಲಿರುವುದನ್ನು ಒಪ್ಪಿಕೊಂಡಿರುವ ಆಹಾರ ಮತ್ತು ನಾಗರಿಕ ಪೂರೈಕೆ ಸಚಿವ ದಿನೇಶ್ ಗುಂಡೂರಾವ್ ಅವರು ಈ ಮಾಫಿಯಾವನ್ನು ನಿಯಂತ್ರಣಕ್ಕೆ ತರುವುದು ಅಷ್ಟು ಸುಲಭದ ಕೆಲಸವಲ್ಲ ಎಂದು ತಮ್ಮ ಅಸಹಾಯಕತೆ ವ್ಯಕ್ತಪಡಿಸಿದ್ದಾರೆ.

ರಾಜ್ಯದಲ್ಲಿ ನಡೆಯುತ್ತಿರುವ ಬೋಗಸ್ ರೇಷನ್ ಕಾರ್ಡ್ ಮಾಫಿಯಾ ಹಾಗೂ ಅನ್ನ-ಭಾಗ್ಯಕ್ಕೆ ಕನ್ನ ಹಾಕುವ ಗೋದಾಮು ಮಾಫಿಯಾದ ಕರಾಳ ಮುಖಗಳನ್ನು ಖಾಸಗಿ ಚಾನಲ್ ತಂಡ ರಹಸ್ಯ ಕಾರ್ಯಾಚರಣೆ ಮಾಡಿ ಬಯಲು ಮಾಡಿತ್ತು. ಈ ಮಾಫಿಯಾದಲ್ಲಿ ಆಹಾರ ಇಲಾಖೆಯ ಅಧಿಕಾರಿಗಳೇ ನೇರವಾಗಿ ಭಾಗಿಯಾಗಿರು-ವುದನ್ನು ದಾಖಲೆ ಸಮೇತ ಸಾಬೀತುಪಡಿಸಿತ್ತು. ವರದಿ ಪ್ರಸಾರವಾಗುತ್ತಿದ್ದಂತೆ ರಾಜ್ಯಾದ್ಯಂತ ತಲ್ಲಣವುಂಟು ಮಾಡಿತ್ತು. ಅಲ್ಲದೆ ಪ್ರತಿಪಕ್ಷ ನಾಯಕರು ಈ ಹಗರಣದ ತನಿಖೆ ಒತ್ತಾಯ ಮಾಡಿದ್ದರು.

ಹಗರಣದ ಬಗ್ಗೆ ಯಾವ ಪ್ರತಿಕ್ರಿಯೇ ನೀಡದೆ ಮೌನಕ್ಕೆ ಶರಣಾಗಿದ್ದ ಸಚಿವರು ಸೋಮವಾರ ಮೌನಮುರಿದಿದ್ದಾರೆ. ತಮ್ಮ ಇಲಾಖೆಯಲ್ಲಿ ಸಿಬ್ಬಂದಿಗಳ ಕೊರತೆಯೂ ಇದೆ. ಇದರಿಂದ ಬೋಗಸ್ ಕಾರ್ಡ್ ಮಾಫಿಯಾ ನಿಯಂತ್ರಣಕ್ಕೆ ಬರುತ್ತಿಲ್ಲ. ಈ ಬೋಗಸ್ ಕಾರ್ಡ್‍ಗಳಿರುವುದರಿಂದಲೇ ಗೋದಾಮುಗಳಲ್ಲಿ ಪಡಿತರ ಪದಾರ್ಥ ಕಾಳ ಸಂತೆ
ಸೇರುತ್ತಿದೆ ಅನ್ನುವುದು ಸತ್ಯ. ತಾವು ಈಗಾಗಲೇ 11 ಸಾವಿರ ಬೋಗಸ್ ಕಾರ್ಡಗಳನ್ನು ರದ್ದು ಮಾಡಿದ್ದು, ಪ್ರತಿ ನಿತ್ಯ ಮೂರು ಸಾವಿರಕ್ಕೂ ಹೆಚ್ಚು ಕಾರ್ಡ್‍ಗಳನ್ನು ರದ್ದು ಮಾಡುತ್ತಿದ್ದೇವೆ ಎಂದು ಹೇಳಿದರು. ಅಧಿಕಾರಗಳ ಅಮಾನತು: ಇನ್ನು ನಮ್ಮ ರಹಸ್ಯ ಕಾರ್ಯಾಚರಣೆಯಲ್ಲಿ ಸಿಕ್ಕಿಬಿದ್ದ ದಾವಣಗೆರೆ ಹಾಗೂ ಹರಿಹರ ಆಹಾರ ನಾಗರಿಕ ಸರಬರಾಜು ನಿಗಮದ ಗೋದಾ ಮಿನ ಭ್ರಷ್ಟ ಅಧಿಕಾರಿಗಳಾದ ರಮೇಶ್ ಹಾಗೂ ಮಹೇಶ ಎಂಬ ಅಧಿಕಾರಿಗಳನ್ನು ಅಮಾನತು ಮಾಡಿರುವುದಾಗಿ ತಿಳಿಸಿದರು.

Stay up to date on all the latest ಜಿಲ್ಲಾ ಸುದ್ದಿ news with The Kannadaprabha App. Download now
facebook twitter whatsapp