Kannadaprabha The New Indian Express
ಟೆನ್ನಿಸ್ ಲೋಕಕ್ಕೆ ಆ್ಯಂಡಿ ಮುರ್ರೆ ಗುಡ್ ಬೈ! 
By select 
11 Jan 2019 12:00:00 AM IST

ಗ್ಲಾಸ್‍ಗೋವ್(ಬ್ರಿಟನ್),ಟೆನ್ನಿಸ್ ಲೋಕದ ದಿಗ್ಗಜ ಆಟಗಾರರಲ್ಲಿ ಒಬ್ಬರಾದ ಆ್ಯಂಡಿ ಮುರ್ರೆ ತಮ್ಮ ವೃತ್ತಿಜೀವನಕ್ಕೆ ವಿದಾಯ ಘೋಷಿಸಿದ್ದಾರೆ. 31 ವರ್ಷ ವಯಸ್ಸಿನ ಮುರ್ರೆ 2019ರ ಆಸ್ಟ್ರೇಲಿಯನ್ ಓಪನ್ ಅವರ ಕೊನೆಯ ಪಂದ್ಯಾವಳಿಯೆಂದು ಹೇಳಿದ್ದಾರೆ.

ಮಾಜಿ ವಿಶ್ವ ನಂ 1 ಆ್ಯಂಡಿ ಮುರ್ರೆ ಪೃಷ್ಟ (ಹಿಪ್) ನೋವಿನಿಂದ ಬಳಲುತ್ತಿದ್ದು ಇದಕ್ಕಾಗಿ ಶಸ್ತ್ರಚಿಕಿತ್ಸೆಗೆ ಒಳಗಾಗಲಿದ್ದಾರೆ. ಹೀಗಾಗಿ ಇದೇ ಮಾಸಾಂತ್ಯದಲ್ಲಿ ನಡೆಯುವ ಆಸ್ಟ್ರೇಲಿಯಾ ಓಪನ್ ಗ್ರ್ಯಾಂಡ್ ಸ್ಲಾಂ ಪಂದ್ಯಾವಳಿಯಲ್ಲಿ ಅವರು ಕಡೆಯ ಬಾರಿಗೆ ಟೆನ್ನಿಸ್ ಅಂಕಣಕ್ಕೆ ಇಳಿಯಲಿದ್ದಾರೆ.

ಈ ಕುರಿತಂತೆ ಪತ್ರಿಕಾಗೋಷ್ಠಿಯಲ್ಲಿ ನೋವಿನಿಂದಲೇ ಹೇಳಿಕೊಂಡಿರುವ ಮರ್ರೆ "ನಾನು ಆಸ್ಟ್ರೇಲಿಯಾದಲ್ಲಿ ಆಡಲಿದ್ದೇನೆ.ನಾನೀಗಲೂ ಒಂದು ಮಟ್ಟದಲ್ಲಿ ಆಡಬಲ್ಲವನಾಗಿದ್ದೇನೆ. ಆದ್ರೆ ನಾನು ಸಂತಸಪಡಬಹುದಾದ ಮಟ್ಟದಲ್ಲಲ್ಲ." ಎಂದಿದ್ದಾರೆ.

77 ವರ್ಷದ ಬಳಿಕ ವಿಂಬಲ್ಡನ್ ಪ್ರಶಸ್ತಿ ಗಳಿಸಿದ್ದ ಬ್ರಿಟನ್ ಆಟಗಾರ ಮುರ್ರೆ ತಾವು ಟೆನ್ನಿಸ್ ಅಂಕಣದಲ್ಲಿ ಆಡಿದ ಪ್ರತಿ ಕ್ಷಣವೂ ಅಮೂಲ್ಯವಾಗಿದ್ದಾಗಿತ್ತು ಎಂದಿದ್ದು ಎಂದರು. 

ಮೂರು ಗ್ರ್ಯಾಂಡ್ ಸ್ಲಾಂ ಪ್ರಶಸ್ತಿಗಳನ್ನು ಗಳಿಸಿಕೊಂಡಿರುವ ಮುರ್ರೆ ಟೆನ್ನಿಸ್ ಲೋಕದ ಅಗ್ರಜರಾದ ರೋಜರ್ ಫೆಡರರ್, ನೊವಾಕ್ ಡಿಕೊವಿಚ್, ರೆಫೆಲ್ ನಡಾಲ್ ಅವರಂತಹವರ ಸಾಲಿನಲ್ಲಿ ನಿಲ್ಲಬಲ್ಲವರು.

Copyright � 2012 Kannadaprabha.com