Kannadaprabha The New Indian Express
ಹೆಲ್ಮೆಟ್ ಇಲ್ಲದೆ ಅತಿವೇಗದಲ್ಲಿ ರೈಡಿಂಗ್: ನಿಯಂತ್ರಣ ತಪ್ಪಿ ಬೈಕ್ ಸವಾರ ದುರ್ಮರಣ! 
By select 
10 Jun 2019 12:00:00 AM IST

ಶಿರಸಿ: ಹೆಲ್ಮೆಟ್ ಹಾಕದೆ ವೇಗವಾಗಿ ಬೈಕ್ ಚಲಾಯಿಸಿದ್ದು ಪರಿಣಾಮ ಬೈಕ್ ನಿಯಂತ್ರಣ ತಪ್ಪಿ ಬಿದ್ದ ಪರಿಣಾಮ ಸವಾರನ ತಲೆ ರಸ್ತೆಗೆ ಬಡಿದು ಆತ ಸ್ಥಳದಲ್ಲೇ ಸಾವನ್ನಪ್ಪಿರುವ ದಾರುಣ ಘಟನೆ ನಡೆದಿದೆ.

ಉತ್ತರ ಕನ್ನಡ ಜಿಲ್ಲೆಯ ಶಿರಸಿ ನಗರದ ಝೂ ಸರ್ಕಲ್ ಬಳಿ 25 ವರ್ಷದ ಆಸಿಫ್ ಶುಕುರ್ ಶೇಖ್ ತನ್ನ ತಾಯಿಯನ್ನು ಬೈಕ್ ನಲ್ಲಿ ಕೂರಿಸಿಕೊಂಡು ವೇಗವಾಗಿ ಹೋಗುತ್ತಿದ್ದ ಈ ವೇಳೆ ನಿಯಂತ್ರಣ ತಪ್ಪಿ ಅಪಘಾತ ಸಂಭವಿಸಿದೆ. 

ಅಪಘಾತದಲ್ಲಿ ತಾಯಿಗೆ ಸಣ್ಣ ಪುಟ್ಟ ಗಾಯಗಳಾಗಿವೆ. ಆದರೆ ತನ್ನ ಕಣ್ಣ ಮುಂದೆ ತನ್ನ ಮಗ ಸಾವನ್ನಪ್ಪಿರುವುದು ಕಂಡ ಆ ತಾಯಿಯ ಹೃದಯ ಒಡೆದು ಹೋದಂತಾಗಿತ್ತು. ಅವರನ್ನು ಎಷ್ಟೇ ಸುಧಾರಿಸಿದರು ಆಕೆ ಅಳುತ್ತಲೆ ಇದ್ದರು. 

ಶಿರಸಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Copyright � 2012 Kannadaprabha.com