ಪ್ರವಾಸಿಗರೇ ನೆನಪಿಡಿ, ಚುನಾವಣೆ ದಿನ ಶಿವಮೊಗ್ಗದಲ್ಲಿ ಹೊಟೇಲ್, ರೆಸಾರ್ಟ್ ಬುಕ್ಕಿಂಗ್ ಇಲ್ಲ

ಕರ್ನಾಟಕದಲ್ಲಿ ಲೋಕಸಭೆ ಚುನಾವಣೆಯ ಮತದಾನ ದಿನವಾದ ಏಪ್ರಿಲ್ 18 ಮತ್ತು 23ರಂದು ನೀವು ...

Published: 02nd April 2019 12:00 PM  |   Last Updated: 02nd April 2019 02:41 AM   |  A+A-


Representational image

ಸಾಂದರ್ಭಿಕ ಚಿತ್ರ

Posted By : SUD SUD
Source : The New Indian Express
ಶಿವಮೊಗ್ಗ: ಕರ್ನಾಟಕದಲ್ಲಿ ಲೋಕಸಭೆ ಚುನಾವಣೆಯ ಮತದಾನ ದಿನವಾದ ಏಪ್ರಿಲ್ 18 ಮತ್ತು 23ರಂದು ನೀವು ಶಿವಮೊಗ್ಗಕ್ಕೆ ಹೋಗುವ ಯೋಜನೆ ಹಾಕಿಕೊಂಡಿದ್ದರೆ ಅಲ್ಲಿ ಉಳಿದುಕೊಳ್ಳಲು ಹೊಟೇಲ್ ರೂಂ ಅಥವಾ ಹೋಂ ಸ್ಟೇ, ರೆಸಾರ್ಟ್ ಸಿಗುವ ಸಾಧ್ಯತೆ ಕಡಿಮೆ.

ರಾಜ್ಯದಲ್ಲಿನ ಮತದಾನ ದಿನಾಂಕದಂದು ಇಲ್ಲಿನ ಹೊಟೇಲ್, ರೆಸಾರ್ಟ್ ಮತ್ತು ಹೋಂ ಸ್ಟೇಗಳಲ್ಲಿ ಬುಕ್ಕಿಂಗ್ ಮಾಡಿಕೊಳ್ಳದಂತೆ ಜಿಲ್ಲಾಡಳಿತ ಸೂಚನೆ ನೀಡಿದೆ.

ಚುನಾವಣೆಯ ಮತದಾನದ ದಿನಗಳಂದು ಸಾರ್ವಜನಿಕ ರಜೆ ಘೋಷಿಸಲಾಗಿದೆ. ಸಾಲು ಸಾಲು ರಜೆ ಸಿಗುವಾಗ ಜನರು ಶಿವಮೊಗ್ಗಕ್ಕೆ ರಜೆಗೆ ಪ್ರವಾಸ ಹೋಗುವ ಸಾಧ್ಯತೆ ಹೆಚ್ಚಿದೆ. ಚುನಾವಣೆಯ ದಿನ ಪ್ರವಾಸಿಗರು ರಜೆ ಎಂದು ಭಾವಿಸಿ ಬಂದರೆ ಮತದಾನದ ಶೇಕಡಾವಾರು ಕಡಿಮೆಯಾಗುತ್ತದೆ. ಹೀಗಾಗಿ ಹೊಟೇಲ್, ರೆಸಾರ್ಟ್ ಮತ್ತು ಹೋಂ ಸ್ಟೇ ಗಳು ಬುಕ್ಕಿಂಗ್ ಮಾಡಿಕೊಳ್ಳದಂತೆ ಆದೇಶ ನೀಡಿದ್ದೇವೆ .ಜನರ ಗುರುತು ಚೀಟಿ ನೋಡಿಕೊಂಡು ಅವರು ಯಾವ ಕ್ಷೇತ್ರದಲ್ಲಿ ಬರುತ್ತಾರೆ ಎಂದು ಪರೀಕ್ಷಿಸಿ ಆ ದಿನಗಳಂದು ಮತದಾನವಿದ್ದರೆ ಬುಕ್ಕಿಂಗ್ ಮಾಡದಂತೆ ಸೂಚಿಸಿದ್ದೇವೆ ಎಂದು ಜಿಲ್ಲಾಧಿಕಾರಿ ಮತ್ತು ಜಿಲ್ಲಾ ಚುನಾವಣಾಧಿಕಾರಿ ಕೆ ಎ ದಯಾನಂದ್ ಹೇಳಿದರು.

ಚುನಾವಣೆ ಪ್ರಜಾಪ್ರಭುತ್ವಕ್ಕೆ ಹಬ್ಬವಾಗಿದ್ದು ಪ್ರತಿಯೊಬ್ಬರೂ ಮತ ಹಾಕಬೇಕು. ಈ ನಿಟ್ಟಿನಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನವಾಗಲು ಪ್ರವಾಸೋದ್ಯಮ ಮತ್ತು ಹೊಟೇಲ್ ಉದ್ಯಮ ಕ್ಷೇತ್ರದವರು ಸಹಕಾರ ನೀಡಬೇಕು ಎಂದರು.
Stay up to date on all the latest ಸ್ವಾರಸ್ಯ news with The Kannadaprabha App. Download now
Poll
Coronavirus Lockdown

ಕರ್ಫ್ಯೂ, ಭಾನುವಾರದ ಲಾಕ್ ಡೌನ್ ನಿಂದ ರಾಜ್ಯದಲ್ಲಿ ಕೊರೋನಾ ಪ್ರಮಾಣ ತಗ್ಗಲಿದೆಯೇ?


Result
ಹೌದು
ಇಲ್ಲ
ಗೊತ್ತಿಲ್ಲ
facebook twitter whatsapp