2019 ರ ಲೋಕಸಭಾ ಚುನಾವಣೆಯಲ್ಲಿ ಪ್ರತಿಪಕ್ಷಗಳ ಲೆಕ್ಕಾಚಾರವನ್ನು ಬುಡಮೇಲು ಮಾಡಿ ನಾವೇ ಅಧಿಕಾರಕ್ಕೆ ಬರೋದು ಎಂಬ ವಿಶ್ವಾಸದಲ್ಲಿದೆ ಬಿಜೆಪಿ.
ಬಿಜೆಪಿ ರಾಷ್ಟ್ರಾಧ್ಯಕ್ಷ ಅಮಿತ್ ಶಾ ಅವರ ಪ್ರಕಾರ ಬಿಜೆಪಿ 300 ಕ್ಕಿಂತಲೂ ಹೆಚ್ಚಿನ ಸ್ಥಾನ ಪಡೆಯಲಿದೆ. ಈ ನಡುವೆ ಬಿಹಾರದ ಪಾಟ್ನಾ ಸಾಹೀಬ್ ನಿಂದ ಸ್ಪರ್ಧಿಸಿರುವ ಕಾಂಗ್ರೆಸ್ ಅಭ್ಯರ್ಥಿ ಶತ್ರುಘ್ನ ಸಿನ್ಹಾ ಮತದಾನ ಮಾಡಿ ಮಾತನಾಡಿದ್ದು, ಬಿಜೆಪಿ ಎಲ್ಲಿಂದ 300 ಸ್ಥಾನಗಳನ್ನು ತರುತ್ತೆ ಎಂದು ಕೇಳಿದ್ದಾರೆ.
ಬಿಜೆಪಿ 300 ಸ್ಥಾನಗಳನ್ನು ಎಲ್ಲಿಂದ ತರುತ್ತೆ? ಚೋರ್ ಬಜಾರ್ ಇಂದ ತರುತ್ತಾರಾ? ಅಥವಾ ಕರೋಲ್ ಬಾಘ್ ಇಂದ ತರುತ್ತಾರಾ? ಎಂದು ಪ್ರಶ್ನಿಸಿದ್ದಾರೆ.