ಎಲೆಕೋಸು ಮಸಾಲೆ ವಡೆ

ಬೇಕಾಗುವ ಪದಾರ್ಥಗಳು

• ಕಡಲೆಬೇಳೆ- 3/4 ಬಟ್ಟಲು
• ಉದ್ದಿನ ಬೇಳೆ- 1/4 ಬಟ್ಟಲು
• ತೊಗರಿಬೇಳೆ- 1/4 ಬಟ್ಟಲು
• ತುರಿದ ಎಲೆಕೋಸು- 2 ಬಟ್ಟಲು
• ಹಸಿಮೆಣಸಿನ ಕಾಯಿ- ಸಣ್ಣಗೆ ಹೆಚ್ಚಿದ್ದು ಸ್ವಲ್ಪ
• ಕೊತ್ತಂಬರಿ ಸೊಪ್ಪು- ಸಣ್ಣಗೆ ಹೆಚ್ಚಿದ್ದು ಸ್ವಲ್ಪ
• ಸಬ್ಬಕ್ಕಿ ಸೊಪ್ಪು- - ಸಣ್ಣಗೆ ಹೆಚ್ಚಿದ್ದು ಸ್ವಲ್ಪ
• ಕರಿಬೇವು- ಸಣ್ಣಗೆ ಹೆಚ್ಚಿದ್ದು ಸ್ವಲ್ಪ
• ಜೀರಿಗೆ- 1 ಚಮಚ
• ಇಂಗು-ಚಿಟಿಕೆಯಷ್ಟು
• ಉಪ್ಪು-ರುಚಿಗೆ ತಕ್ಕಷ್ಟು
• ಎಣ್ಣೆ-ಕರಿಯಲು

ಮಾಡುವ ವಿಧಾನ...

• ಮೊದಲು ತೊಗರಿಬೇಳೆ, ಕಡಲೆಬೇಳೆ, ಉದ್ದಿನಬೇಳೆಯನ್ನು ತೊಳೆದು 2 ಗಂಟೆಗಳ ಕಾಲ ನೆನೆಸಿಟ್ಟುಕೊಳ್ಳಬೇಕು. ನಂತರ ನೀರು ಹಾಕದೆ ಬೇಳೆಯನ್ನು ತರಿತರಿಯಾಗಿ ರುಬ್ಬಿಕೊಳ್ಳಬೇಕು. 
• ರುಬ್ಬಿಕೊಂಡ ಬೇಳೆಗೆ ತುರಿದ ಎಲೆಕೋಸು, ಹಸಿಮೆಣಸಿನ ಕಾಯಿ, ಕೊತ್ತಂಬರಿ ಸೊಪ್ಪು, ಸಬ್ಬಕ್ಕಿ ಸೊಪ್ಪು, ಕರಿಬೇವು, ಜೀರಿಗೆ, ಇಂಗು, ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕು. 
• ನಂತರ ವಡೆ ರೀತಿ ತಟ್ಟಿ ಕಾದ ಎಣ್ಣೆಯಲ್ಲಿ ಹಾಕಿ ಕೆಂಪಗೆ ಕರಿದರೆ ರುಚಿಕರವಾದ ಎಲೆಕೋಸು ಮಸಾಲೆ ವಡೆ ಸವಿಯಲು ಸಿದ್ಧ.