ಬಾಳೆಹಣ್ಣಿನ ಮಾಲ್ಪುವಾ

ಬೇಕಾಗುವ ಪದಾರ್ಥಗಳು...

• ಚುಕ್ಕಿ ಬಾಳೆಹಣ್ಣು- 1
• ಹಾಲು- 3 ಬಟ್ಟಲು
• ಸಕ್ಕರೆ- 1.5 ಬಟ್ಟಲು
• ಗೋಧಿ ಹಿಟ್ಟು- 1 ಬಟ್ಟಲು
• ಸಣ್ಣ ರವೆ- ಒಂದು ಸಣ್ಣ ಬಟ್ಟಲು
• ಜೀರಿಗೆ- ಒಂದು ಚಮಚ
• ಏಲಕ್ಕಿ ಪುಡಿ- ಅರ್ಧ ಚಮಚ
• ಕ್ರೀಮ್- 2 ಚಮಚ
• ಕೇಸರಿ ದಳ- 10
• ಎಣ್ಣೆ-ಕರಿಯಲು

ಮಾಡುವ ವಿಧಾನ...

• ಮೊದಲು ಮಿಕ್ಸಿ ಜಾರ್'ಗೆ ಒಂದು ಬಾಳೆಹಣ್ಣು ಹಾಗೂ ಅರ್ಧ ಬಟ್ಟಲು ಹಾಲನ್ನು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಬೇಕು.
• ನಂತರ ಇದನ್ನು ಒಂದು ಪಾತ್ರೆಗೆ ಹಾಕಿಕೊಂಡು, ಗೋಧಿಹಿಟ್ಟು, ರವೆ, ಜೀರಿಗೆ, ಜೀರಿಗೆ, ಏಲಕ್ಕಿ ಪುಡಿ, ಕ್ರೀಮ್ ಹಾಕಿ ಮಿಶ್ರಣ ಮಾಡಿಕೊಂಡು, ಸ್ವಲ್ವ ಸ್ವಲ್ಪವೇ ಹಾಲನ್ನು ಹಾಕಿ ಉಂಡೆ ಕಟ್ಟದಂತೆ ಇಡ್ಲಿ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಬೇಕು.
• ಒಲೆಯ ಮೇಲೆ ಒಂದು ಪಾತ್ರೆಯನ್ನು ಇಟ್ಟು ಅದಕ್ಕೆ ಸ್ವಲ್ಪ ನೀರು, ಸಕ್ಕರೆ ಹಾಗೂ ಕೇಸರಿ ದಳವನ್ನು ಹಾಕಿ ಪಾಕ ಸಿದ್ದಪಡಿಸಿಟ್ಟುಕೊಳ್ಳಬೇಕು.
• ಒಲೆಯ ಮೇಲೆ ಬಾಣಲೆಯಿಟ್ಟು ಎಣ್ಣೆಯನ್ನು ಹಾಕಬೇಕು. ಎಣ್ಣೆ ಕಾದ ನಂತರ ಹಿಟ್ಟನ್ನು ಹಾಕಿ ಎರಡೂ ಬದಿಯಲ್ಲಿ ಚಿನ್ನದ ಬಣ್ಣ ಬರುವರೆಗೂ ಕರಿಯಬೇಕು. ನಂತರ ಈಗಾಗಲೇ ತಯಾರಿಸಿಕೊಂಡ ಸಕ್ಕರೆ ಪಾಕಕ್ಕೆ ಹಾಕಿ, 2 ನಿಮಿಷಗಳಾದ ಬಳಿಕ ತೆಗೆದರೆ ರುಚಿಕರವಾದ ಬಾಳೆಹಣ್ಣಿನ ಮಾಲ್ಪುವಾ ಸವಿಯಲು ಸಿದ್ಧ.