ನೆಲ್ಲಿಕಾಯಿ ತೊಕ್ಕು

ಬೇಕಾಗುವ ಪದಾರ್ಥಗಳು...

• ನೆಲ್ಲಿಕಾಯಿ -20 
• ಎಣ್ಣೆ- 1 ಬಟ್ಟಲು
• ಸಾಸಿವೆ- 1 ಚಮಚ
• ಅರಿಶಿನದ ಪುಡಿ- 1 ಚಮಚ
• ಜೀರಿಗೆ ಪುಡಿ- 1 ಚಮಚ
• ಇಂಗು- 1 ಚಮಚ
• ಮೆಂತ್ಯೆ- ಹುರಿದು ಪುಡಿ ಮಾಡಿದ್ದು 2 ಚಮಚ
• ಉಪ್ಪು- ರುಚಿಗೆ ತಕ್ಕಷ್ಟು
• ಖಾರದಪುಡಿ- 1 1/2 ಚಮಚ

ಮಾಡುವ ವಿಧಾನ...

• ಕುಕ್ಕರ್'ಗೆ ನೆಲ್ಲಿಕಾಯಿಗಳನ್ನು ಹಾಕಿ 3-4 ವಿಷಲ್ ಕುಗಿಸಿ, ತಣ್ಮಗಾದ ಬಳಿಕ ನೆಲ್ಲಿಕಾಯಿ ಬೀಜಗಳನ್ನು ತೆಗೆಯಿರಿ. ಮಿಕ್ಸಿಯಲ್ಲಿ ನೆಲ್ಲಿಕಾಯಿಗಳನ್ನು ಹಾಕಿ ರುಬ್ಬಿಕೊಳ್ಳಿ.
• ಬಾಣಲೆಗೆ ಎಣ್ಣೆ ಹಾಕಿ ಬಿಸಿ ಮಾಡಿ. ನಂತರ ಸಾಸಿಗೆ, ಇಂಗು, ಅರಿಶಿನದಪುಡಿ, ಮೆಂತ್ಯೆಪುಡಿ ಹಾಕಿ ಮಿಶ್ರಣ ಮಾಡಿ. 
• ನಂತರ ಈಗಾಗಲೇ ರುಬ್ಬಿಕೊಂಡ ನೆಲ್ಲಿಕಾಯಿ ಪೇಸ್ಟ್, ಖಾರದ ಪುಡಿಯನ್ನು ಇದಕ್ಕೆ ಹಾಕಿ ಸಣ್ಣ ಉರಿಯಲ್ಲಿ ಹತ್ತು ನಿಮಿಷ ಹುರಿಯಿರಿ. ನೀರಿನಾಂಶ ಎಲ್ಲಾ ಹೋಗುವವರೆಗೂ ಒಲೆಯ ಮೇಲಿಟ್ಟು ಕೈಯಾಡಿಸಿ. ನಂತರ ತಣ್ಣಗಾದ ಬಳಿಕ ಗಾಳಿಯಾಡದ ಡಬ್ಬಿಯಲ್ಲಿ ತುಂಬಿಟ್ಟರೆ 15 ದಿನ ಇಟ್ಟರೂ ಹಾಳಾಗುವುದಿಲ್ಲ. 
• ಈ ರುಚಿಕರವಾದ ತೊಕ್ಕನ್ನು ಅನ್ನ, ರೊಟ್ಟಿ ಹಾಗೂ ಚಪಾಯಿಯೊಂದಿಗೆ ಸವಿಯಬಹುದು.