ಆಲೂ ಮಸಾಲೆ

ಬೇಕಾಗುವ ಪದಾರ್ಥಗಳು

• ಆಲೂಗಡ್ಡೆ- ಕಾಲು ಕೆಜಿ
• ಕೆಂಪು ಮೆಣಸಿನ ಕಾಯಿ-2
• ಚಕ್ಕೆ (ದಾಲ್ಚಿನ್ನಿ)- ಸ್ವಲ್ಪ
• ಶುಂಠಿ,ಬೆಳ್ಳುಳ್ಳಿ ಪೇಸ್ಟ್- ಸ್ವಲ್ಪ
• ಲವಂಗ- 2
• ದನಿಯಾ ಪುಡಿ- 1 ಚಮಚ
• ಉಪ್ಪು- ರುಚಿಗೆ ತಕ್ಕಷ್ಟು
• ಖಾರದ ಪುಡಿ- 1 ಚಮಚ
• ಕೊತ್ತಂಬರಿ ಸೊಪ್ಪು-ಸ್ವಲ್ಪ
• ಟೊಮೆಟೋ- 2
• ಜೀರಿಗೆ- ಅರ್ಧ ಚಮಚ

ಮಾಡುವ ವಿಧಾನ...

• ಆಲೂಗಡ್ಡೆ ಬೇಯಿಸಿ ಸಿಪ್ಪೆ ತೆಗೆದು ಹೋಳುಗಳಾಗಿ ಮಾಡಿಕೊಳ್ಳಿ. 
• ಜೀರಿಗೆ, ದನಿಯಾ ಪುಡಿಯನ್ನು ಕೆಂಪಗೆ ಹುರಿದುಕೊಂಡು, ಪುಡಿ ಮಾಡಿಕೊಳ್ಳಿ.
• ಒಲೆಯ ಮೇಲೆ ಬಾಣಲೆಯಿಟ್ಟು ಸ್ವಲ್ಪ ಎಣ್ಣೆ ಹಾಕಿ ಅದಕ್ಕೆ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ, ನಂತರ ಟೊಮೆಟೋ ಹಾಗೂ ಜೀರಿಗೆ, ದನಿಯಾ ಪುಡಿ ಹಾಕಿ ಚೆನ್ನಾಗಿ ಬೇಯಿಸಿಕೊಳ್ಳಿ.
• ಬೆಂದ ಟೊಮೆಟೋಗೆ ಆಲೂಗಡ್ಡೆ ಹಾಕಿ, ಲವಂಗ, ದಾಲ್ಚಿನ್ನಿ ಕುಟ್ಟಿ ಪುಡಿ ಮಾಡಿ ಹಾಕಿ. 
• ಬಳಿಕ ಖಾರದ ಪುಡಿ, ಉಪ್ಪು, ಕೊತ್ತಂಬರಿ ಸೊಪ್ಪು ಕತ್ತರಿಸಿ ಹಾಕಿ 5-10 ನಿಮಿಷ ಕುದಿಸಿದರೆ ರುಚಿಕರವಾದ ಆಲೂ ಮಸಾಲೆ ಸವಿಯಲು ಸಿದ್ಧ.