ಮೊದಲಿಗೆ ಗೋರಿಕಾಯಿ, ಆಲೂಗಡ್ಡೆಯನ್ನು ಸಣ್ಣಗೆ ಹೆಚ್ಚಿಕೊಳ್ಳಬೇಕು. ನಂತರ ಹಣಸಿನ ಕಾಯಿ, ಶುಂಠಿ ಹಾಗೂ ಬೆಳ್ಳುಳ್ಳಿಯನ್ನು ಮಿಕ್ರಿ ಜಾರ್'ಗೆ ಹಾಕಿ ನೀರು ಹಾಕದಂತೆ ಪೇಸ್ಟ್ ಮಾಡಿಕೊಳ್ಳಬೇಕು.
ಒಲೆಯ ಮೇಲೆ ಕುಕ್ಕರ್ ಇಟ್ಟು ಸ್ವಲ್ಪ ಎಣ್ಣೆ ಹಾಕಿ. ಕಾದ ಬಳಿಕ ಈರುಳ್ಳಿ ಹಾಕಿ. ಕೆಂಪಗಾದ ಬಳಿಕ ಗೋರಿಕಾಯಿ ಹಾಗೂ ಆಲೂಗಡ್ಡೆಯನ್ನು ಹಾಕಿ 2 ನಿಮಿಷ ಹುರಿದುಕೊಳ್ಳಿ.
ನಂತರ ರುಬ್ಬಿಕೊಂಡ ಪೇಸ್ಟ್, ಉಪ್ಪು, ಚಕ್ಕೆ, ಲವಂಗ ಪುಡಿ ಎಲ್ಲವನ್ನೂ ಹಾಕಿ ಮುಚ್ಚಳವನ್ನು ಮುಚ್ಚಿ 1 ಕೂಗು ಸಣ್ಣ ಉರಿಯಲ್ಲಿ ಕೂಗಿಸಿಕೊಳ್ಳಿ.
ನಂತರ ಮೊಟ್ಟೆಯನ್ನು ಒಡೆದು ಹಾಕಿ ಸಣ್ಣ ಉರಿಯಲ್ಲಿ ಕೈಯಾಡಿಸಿ ಕೆಂಪಗೆ ಹುರಿದುಕೊಂಡರೆ ರುಚಿಕರವಾದ ಗೋರಿಕಾಯಿ ಆಲೂ ಮೊಟ್ಟೆ ಪಲ್ಯ ಸವಿಯಲು ಸಿದ್ಧ.