ಪನೀರ್ ಎಗ್ ಗ್ರೇವಿ

ಬೇಕಾಗುವ ಪದಾರ್ಥಗಳು...

• ಮೊಟ್ಟೆ- ಬೇಯಿಸಿದ್ದು 6
• ಈರುಳ್ಳಿ – ಹೆಚ್ಚಿದ್ದು 1
• ಟೊಮೆಟೋ ಪೇಸ್ಟ್ - 1 ಬಟ್ಟಲು (3)
• ಶುಂಠಿ ಬೆಳ್ಳುಳ್ಳಿ ಪೇಸ್ಟ್ – 1 ಚ್ಚ
• ಹಸಿ ಮೆಣಸಿನ ಕಾಯಿ – 2
• ಕೊತ್ತಂಬರಿ ಸೊಪ್ಪು – ಹೆಚ್ಚಿಕೊಂಡಿದ್ದು ಸ್ವಲ್ಪ
• ಉಪ್ಪು – ರುಚಿಗೆ ತಕ್ಕಷ್ಟು
• ಅಚ್ಚ ಖಾರದ ಪುಡಿ – 1 ಚಮಚ
• ಅರಿಶಿನ ಪುಡಿ – ಅರ್ಧ ಚಮಚ
• ಗರಂ ಮಸಾಲ ಪುಡಿ – 1 ಚಮಚ
• ಎಣ್ಣೆ – 2 ಚಮಚ
• ಬೇಯಿಸಿದ ಬಟಾಣಿ – 1 ಬಟ್ಟಲು
• ಪನೀರ್ – 250 ಗ್ರಾಂ

ಮಾಡುವ ವಿಧಾನ...

• ಮೊದಲಿಗೆ ಬಾಣಲೆಗೆ ಎಣ್ಣೆ ಹಾಕಿ ಪನೀರ್ ಅನ್ನು ತಿಳಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಕರಿದುಕೊಳ್ಳಿ. ಬಳಿಕ ಒಂದು ಪಾತ್ರೆಗೆ ಹಾಕಿ ಪಕ್ಕಕ್ಕಿಡಿ.
• ಇದೇ ಬಾಣಲೆಗೆ ಈರುಳ್ಳಿ ಹಾಕಿ ಚಿನ್ನದ ಬಣ್ಣ ಬರುವವರೆಗೆ ಫ್ರೈ ಮಾಡಿ.
• ಬಳಿಕ ಹಸಿ ಮೆಣಸಿನಕಾಯಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಟೊಮೆಟೊ ಪೇಸ್ಟ್ ಹಾಗೂ ಉಪ್ಪು ಹಾಕಿ
• ನಂತರ ಅಚ್ಚ ಖಾರದ ಪುಡಿ, ಅರಿಶಿನ, ಗರಂ ಮಸಾಲ ಪುಡಿ ಹಾಕಿ ಮಿಶ್ರಣ ಮಾಡಿ. 2 ನಿಮಿಷ ಕೈಯಾಡಿಸಿ. ಬಳಿಕ 1 ಬಟ್ಟಲು ನೀರು ಸೇರಿಸಿ ಗ್ರೇವಿ ಹದಕ್ಕೆ ಬರಲು ಬಿಡಿ.
• ಬಳಿಕ ಬಟಾಣಿ, ಮೊಟ್ಟೆ ಹಾಗೂ ಪನ್ನೀರ್ ಸೇರಿಸಿ ಕಡಿಮೆ ಉರಿಯಲ್ಲಿ 5 ನಿಮಿಷ ಕುದಿಸಿ. ಈಗ ಕೊತ್ತಂಬರಿ ಸೊಪ್ಪು ಸೇರಿಸಿದರೆ ರುಚಿಕರವಾದ ಪನೀರ್ ಎಗ್ ಗ್ರೇವಿ ಸವಿಯಲು ಸಿದ್ಧ.