ರಿಯಲ್‏ಮಿ ಮೊದಲ 5ಜಿ ಸ್ಮಾರ್ಟ್‌ಫೋನ್ ಜನವರಿ 7 ರಂದು ಬಿಡುಗಡೆ

2019 ರಲ್ಲಿ ಅನೇಕ 5ಜಿ ಸ್ಮಾರ್ಟ್‌ಫೋನ್‌ಗಳು ಬಿಡಿಗಡೆಯಾಗಿದ್ದರೂ ಸಹ, ಹಲವಾರು ಅಧ್ಯಯನಗಳು 2020 ರಲ್ಲಿ ಈ 5ಜಿ ವಿಭಾಗವು ಟ್ರೆಂಡ್‌ಸೆಟರ್ ಆಗಲಿದೆ ಎಂದು ಸೂಚಿಸಿವೆ.

Published: 25th December 2019 01:02 PM  |   Last Updated: 25th December 2019 01:02 PM   |  A+A-


Realme 5G smartphone X50

ರಿಯಲ್‏ಮಿ, ಎಕ್ಸ್50 5ಜಿ

Posted By : Prasad SN
Source : The New Indian Express

2019 ರಲ್ಲಿ ಅನೇಕ 5ಜಿ ಸ್ಮಾರ್ಟ್‌ಫೋನ್‌ಗಳು ಬಿಡಿಗಡೆಯಾಗಿದ್ದರೂ ಸಹ, ಹಲವಾರು ಅಧ್ಯಯನಗಳು 2020 ರಲ್ಲಿ ಈ 5ಜಿ ವಿಭಾಗವು ಟ್ರೆಂಡ್‌ಸೆಟರ್ ಆಗಲಿದೆ ಎಂದು ಸೂಚಿಸಿವೆ. ಏಕೆಂದರೆ ಮುಂದಿನ ಪೀಳಿಗೆಯ ವೈರ್‌ಲೆಸ್ ಸಂವಹನವನ್ನು ಬೆಂಬಲಿಸಲು ಅನೇಕ ಮಾರುಕಟ್ಟೆಗಳು 2020ರಲ್ಲಿ ತಮ್ಮ ನೆಟ್‌ವರ್ಕ್ ಪರಿಸರ ವ್ಯವಸ್ಥೆಯನ್ನು ನವೀಕರಿಸುತ್ತಿವೆ.

ಈ ಸ್ಪರ್ಧೆಯಲ್ಲಿ ಮುಂಚೂಣಿಗೆ ಬರಲು, ಚೀನಾದ ಸ್ಮಾರ್ಟ್‌ಫೋನ್‌ ತಯಾರಕ ರಿಯಲ್‏ಮಿ, ಎಕ್ಸ್50 5ಜಿ ಅನ್ನು ಮುಂದಿನ ವರ್ಷ ಜನವರಿ 7 ರಂದು ಬಿಡುಗಡೆ ಮಾಡುವುದಾಗಿ ಮಂಗಳವಾರ ಘೋಷಿಸಿದ್ದು, ಇದು ಕಂಪನಿಯ ಮೊದಲ 5 ಜಿ ಸ್ಮಾರ್ಟ್‌ಫೋನ್‌ ಆಗಿರುತ್ತದೆ.

ರಿಯಲ್‏ಮಿ ಫೋನ್ ಸ್ನ್ಯಾಪ್‌ಡ್ರಾಗನ್ 765ಜಿ ಎಸ್‌ಒಸಿಯಿಂದ ಚಾಲಿತವಾಗಲಿದೆ ಮತ್ತು ಕ್ವಾಡ್-ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿರುತ್ತದೆ ಎಂದು ತಿಳಿದುಬಂದಿದೆ.

ಇದಲ್ಲದೆ, ಇದು ಡ್ಯುಯಲ್-ಚಾನೆಲ್ ವೈ-ಫೈ ವಿಒಒಸಿ ಚಾರ್ಜಿಂಗ್ ವೈಶಿಷ್ಟ್ಯವನ್ನು ಹೊಂದಿದ್ದು ಅದು ನಾಲ್ಕು ಪಟ್ಟು ವೇಗವಾಗಿರುತ್ತದೆ, ಕೇವಲ 30 ನಿಮಿಷಗಳಲ್ಲಿ ಬ್ಯಾಟರಿಯನ್ನು ಶೇಕಡಾ 0 ರಿಂದ 70 ರವರೆಗೆ ಚಾರ್ಜ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ. ಕ್ಯಾಮೆರಾವಾರು, ಹೊಸ ಫೋನ್ 64 ಮೆಗಾಪಿಕ್ಸೆಲ್ ಮುಖ್ಯ ಹಿಂಬದಿಯ ಕ್ಯಾಮೆರಾ ಮತ್ತು ಡ್ಯುಯಲ್ ಸೆಲ್ಫಿ ಕ್ಯಾಮೆರಾ ಸೆಟಪ್ ಹೊಂದಿರುವ ನಿರೀಕ್ಷೆಯಿದೆ.

ಸೆಟಪ್ ಜೊತೆಗೆ ಹಿಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಮತ್ತು ಎರಡು 2 ಮೆಗಾಪಿಕ್ಸೆಲ್ ಸೆನ್ಸಾರ್ ಗಳು ಇರಬಹುದು. 8 ಮೆಗಾಪಿಕ್ಸೆಲ್ ಸೆಕೆಂಡರಿ ಲೆನ್ಸ್‌ನೊಂದಿಗೆ 32 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಕೂಡ ಇರಲಿದೆ ಎಂದು ವರದಿಗಳು ಹೇಳುತ್ತವೆ.

ಹೊಸ ರಿಯಲ್ಮೆ ಸ್ಮಾರ್ಟ್‌ಫೋನ್‌ನ ಹ್ಯಾಂಡ್‌ಸೆಟ್ "ಐದು ಆಯಾಮದ ಐಸ್-ಕೂಲ್ಡ್" ಹೀಟ್ ಡಿಸ್ಸಿಪೇಶನ್ ವ್ಯವಸ್ಥೆಯನ್ನು ಒಳಗೊಂಡಿರುವ ನಿರೀಕ್ಷೆಯಿದೆ, ಇದು ಫೋನ್‌ನೊಳಗಿನ ಶೇಕಡಾ 100 ರಷ್ಟು ತಾಪದ ಮೂಲಗಳನ್ನು ತಂಪಾಗಿಸಲು ಸಹಾಯ ಮಾಡುತ್ತದೆ. ಕೆಲವು ವರದಿಗಳ ಪ್ರಕಾರ, ಫೋನ್ 6.44-ಇಂಚಿನ ಅಮೋಲ್ಡ್ ಡಿಸ್ಪ್ಲೇಯನ್ನು ಹೊಂದಿರುತ್ತದೆ.

Stay up to date on all the latest ಗ್ಯಾಡ್ಜೆಟ್ಸ್ news with The Kannadaprabha App. Download now
Poll
'Nationalism', 'citizenship', 'demonetisation' among chapters dropped from CBSE syllabus

ಹಿರಿಯ ತರಗತಿಗಳ ಪಠ್ಯಕ್ರಮವನ್ನು 30% ರಷ್ಟು ಕಡಿಮೆ ಮಾಡುವ ಸಿಬಿಎಸ್‌ಇ ನಡೆ ಸರಿಯೇ?


Result
ಸರಿ
ತಪ್ಪು
ಗೊತ್ತಿಲ್ಲ
flipboard facebook twitter whatsapp