ಜಗತ್ತಿನ ಸಾಂಕ್ರಾಮಿಕ ರೋಗಗಳ ಇತಿಹಾಸದಲ್ಲೇ ಅತ್ಯಂತ ಹೆಚ್ಚು ಮಂದಿಯ ಬಲಿ ಪಡೆದ ಮಾರಕ ಕೊರೋನಾ ವೈರಸ್ ಇದೀಗ ಮೂರನೇ ಅಲೆಯ ಭೀತಿ ಸೃಷ್ಟಿಸಿದೆ. ಆದರೆ ಸೋಂಕು ನಿರ್ವಹಣೆ ವಿಚಾರವಾಗಿ ವೈದ್ಯ ಲೋಕಕ್ಕೆ ಬಹುಮುಖ್ಯ ಅಸ್ತ್ರವೊಂದು ದೊರೆತಿದೆ ಎನ್ನಲಾಗಿದೆ.
ಮುಂದಿನ ಕೆಲವೇ ತಿಂಗಳುಗಳ ಅಂತರದಲ್ಲಿ ದೇಶದಲ್ಲಿ ಮೂರನೇ ಅಲೆ ಅಪ್ಪಳಿಸುವ ಸಾಧ್ಯತೆ ಇದೆ ಎಂದು ತಜ್ಞರು ಆತಂಕ ವ್ಯಕ್ತಪಡಿಸಿದ್ದಾರೆ. ಮೂರನೇ ಅಲೆಯನ್ನು ಪರಿಣಾಮಕಾರಿಯಾಗಿ ನಿಯಂತ್ರಿಸಲು ಸರ್ವರಿಗೂ ಲಸಿಕೆ ನೀಡುವುದೇ ಸರ್ವೋತ್ತಮ ಮಾರ್ಗ ಎಂದು ತಜ್ಞರು ಹೇಳುತ್ತಿದ್ದಾರೆ. ಆದರೆ ವ್ಯಾಕ್ಸಿನೇಷನ್ ಸೋಂಕು ನಿಯಂತ್ರಿಸುವ ಉತ್ತಮ ಮಾರ್ಗವೇ ಆದರೂ, ಲಸಿಕೆಯೊಂದೇ ಕೋವಿಡ್ 3ನೇ ಅಲೆಯನ್ನು ತಡೆಯಬಲ್ಲ ಏಕೈಕ ಮಾರ್ಗವೇ..? ಎಂಬುದು ದೊಡ್ಡ ಪ್ರಶ್ನೆಯಾಗಿದೆ.
ಭಾರತದಲ್ಲಿ ಲಸಿಕೆ ಅಭಿಯಾನ ಭರದಿಂದ ಸಾಗಿದ್ದು, ದೇಶದ ಎಲ್ಲ ಪ್ರಜೆಗಳಿಗೂ ಲಸಿಕೆ ಹಾಕಲು ಕೆಲವು ತಿಂಗಳುಗಳು ಅಥವಾ ವರ್ಷಗಳೇ ಬೇಕು ಎಂದು ಅಂದಾಜಿಸಲಾಗಿದೆ. ಆದರೆ ಸಂಭಾವ್ಯ ಮೂರನೇ ಅಲೆಗೆ ಲಸಿಕೆ ಹಾಕಿಸಿಕೊಳ್ಳದವರೇ ಹೆಚ್ಚಾಗಿ ತುತ್ತಾಗುವ ಸಾಧ್ಯತೆ ಇದೆ. ಹೀಗಾಗಿ ಲಸಿಕೆ ಹಾಕಿಸಿಕೊಳ್ಳದವರು ಅಪಾಯದಲ್ಲಿದ್ದು, ಇದಕ್ಕೆ ಇಂಬು ನೀಡುವಂತೆ ಕೋವಿಡ್ ಸೋಂಕು ಪ್ರಮಾಣ ತಗ್ಗಿದ ರಾಜ್ಯಗಳಲ್ಲಿ ಲಾಕ್ ಡೌನ್ ಬಹುತೇಕ ಸಡಿಲಗೊಳಿಸಿವೆ. ಹೀಗಾಗಿ ಖಂಡಿತ ಸೋಂಕು ಹರಡಿಕೆ ಪ್ರಮಾಣ ಏರಿಕೆಯಾಗುವ ಭೀತಿ ಇದೆ. ಮೂರನೇ ಅಲೆ ವೇಳೆ ಇದು ಸಂಭವಿಸಿದ್ದೇ ಆದರೆ 2ನೇ ಅಲೆ ವೇಳೆ ಸಂಭವಿಸಿದ ಸಾವು-ನೋವಿನ ಪ್ರಮಾಣಕ್ಕಿಂತ ಹೆಚ್ಚಿನ ಸಾವು-ನೋವು ಸಂಭವಿಸುವ ಸಾಧ್ಯತೆ ಇದೆ. ಹೀಗಾಗಿ ನಾವು ಈಗ ಮೂರನೇ ಅಲೆಯನ್ನು ನಿಯಂತ್ರಿಸುವ ಅನಿವಾರ್ಯತೆ ಇದೆ.
ಇಷ್ಟಕ್ಕೂ ಮೂರನೇ ಅಲೆಯನ್ನು ಹೇಗೆ ನಿಯಂತ್ರಿಸಬಹುದು? ದಶಕಗಳ ಹಿಂದೆಯೇ ವೈದ್ಯ ಲೋಕಕ್ಕೆ ದೊರೆತಿತ್ತು 'ಬ್ರಹ್ಮಾಸ್ತ್ರ'. 1979 ರಲ್ಲಿ, ಕ್ಯಾಂಪ್‌ಬೆಲ್ ಮತ್ತು ಓಮುರಾ ಎಂಬ ಇಬ್ಬರು ವಿಜ್ಞಾನಿಗಳು ಐವರ್ಮೆಕ್ಟಿನ್ ಎಂಬ ಔಷಧಿಯನ್ನು ಕಂಡುಹಿಡಿದಿದ್ದರು. ಇದು ಹಲವಾರು ಪರಾವಲಂಬಿ ಸೋಂಕಿನ ವಿರುದ್ಧವಾಗಿ ಪರಿಣಾಮಕಾರಿ ಎಂದು ಕಂಡುಬಂದಿತ್ತು. ಮೆರ್ಕ್ ಔಷಧಿ ಕಂಪನಿ ಈ ಔಷಧಿಯನ್ನು ತಯಾರಿಸಿತ್ತು. ಕಳೆದ 40 ವರ್ಷಗಳಲ್ಲಿ, 3.7 ಬಿಲಿಯನ್ ಮಾತ್ರೆಗಳನ್ನು ವಿಶ್ವಾದ್ಯಂತ ಪೂರೈಕೆ ಮಾಡಲಾಗಿದೆ. ಇದು ವಿಶ್ವ ಆರೋಗ್ಯ ಸಂಸ್ಥೆಯ ಅಗತ್ಯ ಔಷಧಿಗಳ ಪಟ್ಟಿಯಲ್ಲಿ ಕೂಡ ಇದೆ. ಈ ಔಷಧಿಯನ್ನು ಕಂಡು ಹಿಡಿದ ಈ ಇಬ್ಬರು ವಿಜ್ಞಾನಿಗಳಿಗೆ ಅವರ ಸಂಶೋಧನೆಗಾಗಿ ರಸಾಯನಶಾಸ್ತ್ರದ ನೊಬೆಲ್ ಪ್ರಶಸ್ತಿ ಕೂಡ ನೀಡಲಾಗಿತ್ತು. ಸಾಮಾನ್ಯವಾಗಿ ಬಳಸುವ ಇಬುಪ್ರೊಫೇನ್, ಪ್ಯಾರೆಸಿಟಮಲ್, ಪೆನ್ಸಿಲಿನ್ ಮತ್ತು ಆಸ್ಪಿರಿನ್ ಔಷಧಿಗಳಿಗಿಂತ ಐವರ್ಮೆಕ್ಟಿನ್ ಸುರಕ್ಷಿತವಾಗಿದೆ ಎಂದು ತಜ್ಞ ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ. ಭಾರತದಲ್ಲಿ, ಪ್ರತಿಯೊಬ್ಬ ವೈದ್ಯಕೀಯ ವೈದ್ಯರು ಈ ಔಷಧಿಯನ್ನು ಮಕ್ಕಳಿಗೆ ಸುರಕ್ಷಿತವಾಗಿದೆ ಎಂದು ನಂಬುತ್ತಿದ್ದಾರೆ. ಆದಾಗ್ಯೂ, ಈ ಔಷಧಿಯನ್ನು ಪರಾವಲಂಬಿ ಸೋಂಕು ಚಿಕಿತ್ಸೆಯಲ್ಲಿ ಆಫ್ರಿಕಾ ಮತ್ತು ಏಷ್ಯಾದ ಆರ್ಥಿಕವಾಗಿ ಹಿಂದುಳಿದ ದೇಶಗಳಲ್ಲಿ ನಿಷೇಧವಾಗಿದೆ. ಉತ್ಪಾದಕರಿಗೆ, ಇದು ಲಾಭ ಗಳಿಸುವ ಔಷಧವಲ್ಲ, ಆದ್ದರಿಂದ ಆರಂಭಿಕ ವರ್ಷಗಳ ನಂತರ ಮೆರ್ಕ್ ತನ್ನ ಪೇಟೆಂಟ್ ಅನ್ನು ನವೀಕರಿಸಲಿಲ್ಲ. ಐವರ್ಮೆಕ್ಟಿನ್ ಅನ್ನು ಈಗ ಹಲವಾರು ಕಂಪನಿಗಳು ಉತ್ಪಾದಿಸುತ್ತಿವೆ.
ಕೋವಿಡ್ ಸೋಂಕಿತರ ಮೇಲೆ ಪರಿಣಾಮಕಾರಿ
2020 ರಲ್ಲಿ ಸಾಂಕ್ರಾಮಿಕ ರೋಗದ ಆರಂಭಿಕ ತಿಂಗಳುಗಳಲ್ಲಿ, ಆಸ್ಟ್ರೇಲಿಯಾದ ವಿಜ್ಞಾನಿ ಐವರ್ಮೆಕ್ಟಿನ್ ಇನ್ ವಿಟ್ರೊವನ್ನು ಪ್ರಯೋಗಿಸಿದಾಗ ಅದು ಕೋವಿಡ್-19 ವೈರಸ್ ಅನ್ನು ಕೊಂದಿತ್ತು ಎಂದು ಕಂಡುಹಿಡಿಯಲಾಗಿತ್ತು ಎಂದು ಅವರು ತಮ್ಮ ಸಂಶೋಧನೆಗಳ ಬಗ್ಗೆ ಬರೆದಿದ್ದಾರೆ. ಇದನ್ನು ಬಾಂಗ್ಲಾದೇಶದ ದೊಡ್ಡ ಸರ್ಕಾರಿ ಆಸ್ಪತ್ರೆಯಲ್ಲಿ ಕೆಲಸ ಮಾಡುವ ವೈದ್ಯರು ಗಮನಿಸಿದ್ದರು. ಅವರು 60 ರೋಗಿಗಳ ಮೇಲೆ ಐವರ್ಮೆಕ್ಟಿನ್ ಅನ್ನು ಪ್ರಯೋಗ ಮಾಡಿದ್ದರು. ಅಚ್ಚರಿ ಎಂಬಂತೆ ಈ ಔಷಧಿ ಪಡೆದ ಬಹುತೇಕ ಸೋಂಕಿತರು ಗುಣಮುಖರಾಗಿದ್ದರು. ಅಂತೆಯೇ ಈ ಔಷಧಿ ಪಡೆದ ಬಳಿಕ ಯಾವುದೇ ರೋಗಿ ಕೂಡ ಗಂಭೀರ ಸ್ಥಿತಿಗೆ ಹೋಗಿರರಲಿಲ್ಲ. ಕೋವಿಡ್ ಚಿಕಿತ್ಸೆಯಲ್ಲಿ ಈ ಔಷಧಿ ಪರಿಣಾಮಕಾರಿಯಾಗಿದೆ ಎಂಬ ಸುದ್ದಿ ಹರಡುತ್ತಿದ್ದಂತೆ, ಸಾವಿರಾರು ವೈದ್ಯರು ಇದನ್ನು ಪ್ರಪಂಚದಾದ್ಯಂತ ಬಳಸಲು ಪ್ರಾರಂಭಿಸಿದರು.
ಅಸಾಧಾರಣ ಫಲಿತಾಂಶ
ಸೋಂಕಿನ ಮೊದಲ ಹಂತದಲ್ಲಿ ಅಂದರೆ ಸೋಂಕು ತಗುಲಿದ ಮೊದಲ ಐದು ದಿನಗಳು ಈ ಔಷಧಿಯನ್ನು ಇತರೆ ಪೋಷಕ ಜೀವಸತ್ವಗಳೊಂದಿಗೆ ನೀಡಿದಾಗ, ಐವರ್ಮೆಕ್ಟಿನ್ ಇತರ ದುಬಾರಿ ಔಷಧಿಗಳಿಗಿಂತ ಹೆಚ್ಚು ಪರಿಣಾಮಕಾರಿಯಾಗಿತ್ತು. ರೋಗದ ನಂತರದ ಹಂತಗಳಲ್ಲಿ ಇದು ಉರಿಯೂತದಂತಹ ಗುಣಲಕ್ಷಣಗಳ ಮೇಲೂ ಕಾರ್ಯನಿರ್ವಹಿಸುತ್ತಿದೆ. ಅಲ್ಲದೆ ಇದು ಗಂಭೀರ ತೊಡಕುಗಳನ್ನು ತಪ್ಪಿಸಲು ಸಹಾಯ ಮಾಡುತ್ತದೆ ಎಂದು ತಜ್ಞರು ಹೇಳಿದ್ದಾರೆ.
ಆಗಸ್ಟ್ 2020 ರ ಹೊತ್ತಿಗೆ, ಐವರ್ಮೆಕ್ಟಿನ್ ಅನ್ನು ಬಾಂಗ್ಲಾದೇಶ, ಮೆಕ್ಸಿಕೊ, ದಕ್ಷಿಣ ಆಫ್ರಿಕಾ, ಇಸ್ರೇಲ್, ಸ್ಪೇನ್, ಇಟಲಿ, ಸ್ಲೋವಾಕಿಯಾ ಮತ್ತು ಜಪಾನ್, ಅಮೆರಿಕ, ಬ್ರಿಟನ್ ಮತ್ತು ಯುರೋಪಿನ ಅನೇಕ ದೇಶಗಳಲ್ಲಿ ಬಳಸಲಾಗುತ್ತಿತ್ತು. ಭಾರತದಲ್ಲಿ, ಉತ್ತರ ಪ್ರದೇಶದ ಡಿಯೋರಿಯಾ ಜಿಲ್ಲೆಯ ವೈದ್ಯರು 4,000 ಕ್ಕೂ ಹೆಚ್ಚು ರೋಗಿಗಳಿಗೆ ಚಿಕಿತ್ಸೆ ನೀಡಿದ್ದಾರೆ. ಮುಂಬೈನ ಕಾಂಡಿವಲಿಯಲ್ಲಿ ವೈದ್ಯರೊಬ್ಬರು 6,000 ಜನರಿಗೆ ಇದೇ ಔಷಧಿಯ ಚಿಕಿತ್ಸೆ ನೀಡಿದ್ದಾರೆ. (ಹೆಚ್ಚಿನವರು ಕಾರ್ಪೊರೇಟ್ ಸಂಸ್ಥೆಗಳಿಗೆ ಸೇರಿದವರು) ಮತ್ತು ಮಂಗಳೂರಿನಲ್ಲಿ ಕೆಲಸ ಮಾಡುತ್ತಿರುವ ಇಎನ್‌ಟಿ ಪ್ರಾಧ್ಯಾಪಕರೊಬ್ಬರು 4,000 ಕ್ಕೂ ಹೆಚ್ಚು ರೋಗಿಗಳಿಗೆ ಇದೇ ಔಷಧಿಯ ಚಿಕಿತ್ಸೆ ನೀಡಿದ್ದಾರೆ. ರೋಗಿಗಳಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಚಿಕಿತ್ಸೆ ನೀಡಿದ ಇನ್ನೂ ಅನೇಕರು ಇದ್ದಾರೆ. ನಮ್ಮಲ್ಲಿ ಈ ಚಿಕಿತ್ಸೆ ಪಡೆದ ಸಣ್ಣ ಪಟ್ಟಣಗಳು ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಕೆಲಸ ಮಾಡುವವರು ಹಲವಾರು ನೂರಾರು ಸಕಾರಾತ್ಮಕ ಅನುಭವ ಹೊಂದಿದ್ದಾರೆ.
ಕೋವಿಡ್ ಪಾಸಿಟಿವ್ ವ್ಯಕ್ತಿಗಳ ಕುಟುಂಬ ಸದಸ್ಯರು ಮತ್ತು ಆರೋಗ್ಯ ವೃತ್ತಿಪರರು, ಪೊಲೀಸ್, ಟ್ರಾಫಿಕ್ ಮತ್ತು ರೈಲ್ವೆ ಸಿಬ್ಬಂದಿ, ಬಸ್, ಆಟೋ, ಬ್ಯಾಂಕ್ ಉದ್ಯೋಗಿಗಳು ಮತ್ತು ಟ್ಯಾಕ್ಸಿ ಡ್ರೈವರ್‌ಗಳನ್ನು ಒಳಗೊಂಡಿರುವ ಎಲ್ಲಾ ಮುಂಚೂಣಿ ಕಾರ್ಯಕರ್ತರಂತೆ ಸೋಂಕಿನ ಹೆಚ್ಚಿನ ಅಪಾಯದಲ್ಲಿರುವವರಿಗೆ ಐವರ್ಮೆಕ್ಟಿನ್ ಅನ್ನು ಸೋಂಕು ನಿಯಂತ್ರಕ ಔಷಧಿಯಾಗಿ ಬಳಸಲಾಗುತ್ತದೆ. ಕೋವಿಡ್ ನಂತರದ ಆರೋಗ್ಯ ಸಮಸ್ಯೆಗಳು ಮತ್ತು ದೀರ್ಘ ಕೋವಿಡ್‌ಗೆ ಚಿಕಿತ್ಸೆ ನೀಡಲು ಇದು ಉಪಯುಕ್ತವಾಗಿದೆ, ಆದರೂ ಇದನ್ನು ಮೊದಲೇ ಬಳಸಿದಾಗ ಅತ್ಯಂತ ನಾಟಕೀಯ ಮತ್ತು ಸಕಾರಾತ್ಮಕ ಫಲಿತಾಂಶಗಳು ಕಂಡುಬರುತ್ತವೆ.
ದೇಶಾದ್ಯಂತ ಬಳಕೆಗೆ ತರಬೇಕು
ಈ ಔಷಧಿಯನ್ನು ದೇಶಾದ್ಯಂತ ಬಳಕೆಗೆ ತ್ವರಿತವಾಗಿ ತೆರವುಗೊಳಿಸಬೇಕು ಮತ್ತು ಆಶಾ ಕಾರ್ಯಕರ್ತರಿಗೆ ಅವರ ಆರೋಗ್ಯ ಕಿಟ್‌ಗಳಲ್ಲಿ ಈ ಔಷಧಿಯನ್ನೂ ಸಹ ಒದಗಿಸಬೇಕು ಎಂದು ನಾವು ನಂಬುತ್ತೇವೆ. ವಾಸ್ತವವಾಗಿ, ಲಸಿಕೆ ಹಾಕದ ಅಥವಾ ಭಾಗಶಃ ಲಸಿಕೆ ಹಾಕಿದ ಎಲ್ಲರಿಗೂ ಐವರ್ಮೆಕ್ಟಿನ್ ನೀಡಬೇಕು. ಸತತ ಮೂರು ದಿನಗಳಲ್ಲಿ ನೀಡಿದ ಆರಂಭಿಕ ಮೂರು ಮಾತ್ರೆಗಳ ನಂತರ, ವಾರಕ್ಕೊಮ್ಮೆ 12 ಮಿ.ಗ್ರಾಂ. ಡೋಸ್ ಮಾತ್ರೆ ವೈರಸ್ ವಿರುದ್ಧ ಸಾಕಷ್ಟು ರಕ್ಷಣೆ ನೀಡುತ್ತದೆ. ಲಸಿಕೆಗಾಗಿ ಕಾಯುವ ಅವಧಿಯಲ್ಲಿ ಸುರಕ್ಷಿತ ಮತ್ತು ಅಗ್ಗವಾಗಿ ಲಭ್ಯವಿರುವ ಔಷಧವು ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸಿದಾಗ, ಅದನ್ನು ಬಳಸದಿರಲು ಯಾವುದಾದರೂ ಕಾರಣವಿದೆಯೇ? ಈ ಔಷಧಿಯು ಸಾಮೂಹಿಕ ರೋಗನಿರೋಧಕತೆಯು ಪ್ರಸರಣವನ್ನು ನಿಲ್ಲಿಸುವ ಒಂದು ಖಚಿತವಾದ ಮಾರ್ಗವಾಗಿದೆ. ಇದನ್ನು ಕೇಂದ್ರವು ತುರ್ತಾಗಿ ಜಾರಿಗೆ ತರಬೇಕು, ಏಕೆಂದರೆ ವೈರಸ್ ರೂಪಾಂತರ ಮತ್ತು ಹರಡುವಿಕೆಯ ಎಲ್ಲಾ ಕಾರ್ಯವಿಧಾನಗಳು ರಾಷ್ಟ್ರೀಯ ಮಾತ್ರವಲ್ಲದೆ ಅಂತಾರಾಷ್ಟ್ರೀಯ ಪ್ರಾಮುಖ್ಯತೆಯೂ ಆಗಿದೆ.
2020 ರ ಡಿಸೆಂಬರ್‌ನಲ್ಲಿ, ಡಾ. ಆರ್. ಪಾಲ್ ಮಾರಿಕ್, ಉಮೆರ್ಟೊ ಮೆಡುರಿ, ಜೋಸ್ ಇಂಗ್ಲೇಷಿಯಸ್, ಪಿಯರ್ ಕೋರಿ ಮತ್ತು ಜೋ ವರನ್ ನೇತೃತ್ವದ ವೈದ್ಯಕೀಯ ತಜ್ಞರ ಗುಂಪು ಅಂತಾರಾಷ್ಟ್ರೀಯ ಫ್ರಂಟ್-ಲೈನ್ ಕೋವಿಡ್-19 ಕ್ರಿಟಿಕಲ್ ಕೇರ್ ಅಲೈಯನ್ಸ್ (ಎಫ್‌ಎಲ್‌ಸಿಸಿ) ಯನ್ನು ರಚಿಸಿತು. ಬ್ರಿಟನ್ ನಲ್ಲಿ, ಡಾ.ಲಾರಿ ನೇತೃತ್ವದ ತಂಡವು ಬ್ರಿಟಿಷ್ ಐವರ್ಮೆಕ್ಟಿನ್ ಶಿಫಾರಸು ಅಭಿವೃದ್ಧಿ ಫಲಕವನ್ನು (ಬಿಐಆರ್ಡಿ) ಸ್ಥಾಪಿಸಿತು. ಇಲ್ಲಿಯವರೆಗೆ, ಕೋವಿಡ್-19 ಸೋಂಕುಗಳಲ್ಲಿ ಐವರ್ಮೆಕ್ಟಿನ್ ಬಳಕೆಯ ಬಗ್ಗೆ 549 ವಿಜ್ಞಾನಿಗಳು 25 ಸಾವಿರ ರೋಗಿಗಳ ಮೇಲೆ 60 ಕ್ಕೂ ಹೆಚ್ಚು ಕ್ಲಿನಿಕಲ್ ಪ್ರಯೋಗಗಳು ಮತ್ತು 31 ಸಾಂದರ್ಭಿಕ ಕ್ಲಿನಿಕಲ್ ಪ್ರಯೋಗಗಳನ್ನು ಮಾಡಿದ್ದಾರೆ. ಈ ಪ್ರಯೋಗದಿಂದ ಫಲಿತಾಂಶಗಳ ಆಧಾರದಲ್ಲಿ ಅವರು ಔಷಧದ ಸಾರ್ವತ್ರಿಕ ಬಳಕೆಯನ್ನು ದೃಢವಾಗಿ ಅನುಮೋದಿಸಿದ್ದಾರೆ.
ಔಷಧಿ ಬಳಕೆಗೂ ಸಂದಿಗ್ಧತೆ; ಲಸಿಕಾ ಸಂಸ್ಥೆಗಳ ಅಡ್ಡಗಾಲು?
ಪ್ರಪಂಚದಾದ್ಯಂತದ ಪ್ರಮುಖ ಔಷಧೀಯ ಕಂಪನಿಗಳು ಲಸಿಕೆಗಳ ತಯಾರಿಕೆಯಲ್ಲಿ ಲಕ್ಷಾಂತರ ಡಾಲರ್‌ಗಳನ್ನು ಹೂಡಿಕೆ ಮಾಡಿವೆ. ಪ್ರತಿ ದೇಶಕ್ಕೂ ಲಸಿಕೆಗಳನ್ನು ಮಾರಾಟ ಮಾಡುವ ಮೂಲಕ ವೆಚ್ಚವನ್ನು ಮರುಪಡೆಯಲು ಮತ್ತು ಲಾಭ ಗಳಿಸುವ ಅವರ ಅಗತ್ಯವನ್ನು ಅರ್ಥಮಾಡಿಕೊಳ್ಳಬಹುದು. ಆದರೆ ಈ ಔಷಧೀಯ ಕಂಪೆನಿಗಳಿಗೆ ಸರಿಹೊಂದುವ ಸಲುವಾಗಿ ನಾವು ಲಕ್ಷಾಂತರ ಜೀವಗಳನ್ನು ತ್ಯಾಗ ಮಾಡಬೇಕು ಎಂಬುದು ಸರಿಯಲ್ಲ. ದುಃಖಕರವೆಂದರೆ, ಇದು ನಡೆಯುತ್ತಿದೆ. ಪ್ರಪಂಚದಾದ್ಯಂತದ ಔಷಧ ನಿಯಂತ್ರಣ ಅಧಿಕಾರಿಗಳು ಮತ್ತು (ವಿಪರ್ಯಾಸವೆಂದರೆ) ವಿಶ್ವ ಆರೋಗ್ಯ ಸಂಸ್ಥೆ ಸ್ವತಃ ಐವರ್ಮೆಕ್ಟಿನ್ ನ ನಿರಂತರ ಪರಿಣಾಮಕಾರಿತ್ವವನ್ನು ತಳ್ಳಿಹಾಕಲು ಅಥವಾ ಈ ಔಷಧಿ ಕುರಿತಂತೆ ಅಸಡ್ಡೆ ತೋರುತ್ತಿವೆ. ಸೂಪರ್-ಸ್ಪೆಷಾಲಿಟಿ ಆಸ್ಪತ್ರೆಗಳಲ್ಲಿ ಕೆಲಸ ಮಾಡುವ ವೈದ್ಯಕೀಯ ವೃತ್ತಿಪರರು ಆಸ್ಪತ್ರೆಯ ಅವಲಂಬನೆಯನ್ನು ತೀವ್ರವಾಗಿ ಕಡಿಮೆ ಮಾಡುವ ಔಷಧದ ಬಗ್ಗೆ ಹೆಚ್ಚು ಆಸಕ್ತರಾಗಿಲ್ಲ. ಅದರ ಬಳಕೆಯನ್ನು ಗಂಭೀರವಾಗಿ ನಿರ್ಲಕ್ಷಿಸುತ್ತಿದ್ದಾರೆ.
ಮಾಧ್ಯಮಗಳ ದಿವ್ಯಮೌನ ಮತ್ತು ನಿರ್ಲಕ್ಷ್ಯತೆ
ಈ ಸುದ್ದಿಯ ಅತ್ಯಂತ ದುಃಖಕರ ಸಂಗತಿಯೆಂದರೆ, ನಮ್ಮ ಮಾಧ್ಯಮಗಳು ನಾಣ್ಯದ ಒಂದು ಬದಿಯನ್ನು ಮಾತ್ರ ನೋಡುವುದನ್ನು ಸ್ಪಷ್ಟವಾಗಿ ಆರಿಸಿಕೊಂಡಂತಿವೆ. ಐವರ್ಮೆಕ್ಟಿನ್ ನ ಯಶಸ್ಸು, ಸುರಕ್ಷತೆ ಮತ್ತು ಬಳಕೆಯ ಸುಲಭತೆಯನ್ನು ಮೌನದಿಂದ ಪರಿಗಣಿಸುತ್ತಿದ್ದು, ರೆಮ್ಡೆಸಿವಿರ್ ನಂತಹ ದುಬಾರಿ ಔಷಧಗಳು ಮತ್ತು ಹಲವಾರು ಹೊಸ ಔಷಧಿಗಳಿಗೆ ನೀಡಲಾಗುವ ಪ್ರಚಾರಕ್ಕೆ ಬೇರೆ ಯಾವ ವಿವರಣೆಯಿದೆ?
ಲಾಕ್ ಡೌನ್ ಇಲ್ಲದೇ 'ಮಹಾಮಾರಿ'ಯನ್ನು ಬಡಿದೋಡಿಸಬಹುದು..!
ಮನೆಯಲ್ಲಿ ತೆಗೆದುಕೊಳ್ಳಬಹುದಾದ ಟ್ಯಾಬ್ಲೆಟ್ ಮೂಲಕ ರೋಗಿಗಳು ಶೀಘ್ರವಾಗಿ ಚೇತರಿಸಿಕೊಂಡಿದ್ದೇ ಆದರೆ ನಾವು ಲಾಕ್ ಡೌನ್‌ಗಳನ್ನು ರದ್ದುಗೊಳಿಸಬಹುದು, ವ್ಯಾಪಾರ ಮತ್ತು ಪ್ರವಾಸೋದ್ಯಮವನ್ನು ತೆರೆಯಬಹುದು ಮತ್ತು ಇಡೀ ಜಗತ್ತಿಗೆ ಲಸಿಕೆ ನೀಡುವವರೆಗೂ ಕಾಯದೆ ಕಾಲೇಜುಗಳು ಮತ್ತು ಶಾಲೆಗಳನ್ನು ಪುನಾರಂಭಿಸಬಹುದು. ಈ ಸುದ್ದಿಯ ಮೂಲಕ ವ್ಯಾಕ್ಸಿನೇಷನ್ ಅಗತ್ಯವಿಲ್ಲ ಎಂದು ನಾವು ಹೇಳುತ್ತಿಲ್ಲ. ನಮ್ಮ ಹಾಲಿ ವೈದ್ಯಕೀಯ ಸಾಮರ್ಥ್ಯವನ್ನು ನಾವು ಬಲಪಡಿಸಲು ಪ್ರಯತ್ನಿಸುತ್ತಿದ್ದೇವೆ. ನಾವು ಸಾಧ್ಯವಾದಷ್ಟು ಬೇಗ ಐವರ್ಮೆಕ್ಟಿನ್ ನೊಂದಿಗೆ ಸಾಮೂಹಿಕ ರೋಗನಿರೋಧಕತೆಯ ಸರಳ, ಸುರಕ್ಷಿತ, ತ್ವರಿತ ವಿಧಾನವನ್ನು ಬಳಸಬೇಕು. ಸರಿಯಾಗಿ ಯೋಜಿಸಿದರೆ, ಅದನ್ನು ಕೆಲವೇ ದಿನಗಳಲ್ಲಿ ಮಾಡಬಹುದು.
ಸರಳವಾಗಿ ಹೇಳುವುದಾದರೆ, ಅದೇ ಸಮಯದಲ್ಲಿ ವ್ಯಾಕ್ಸಿನೇಷನ್ ಜೊತೆ ಜೊತೆಗೇ ಜಗತ್ತನ್ನು ಐವರ್‌ಮೆಕ್ಟಿನೈಸ್ ಮಾಡಲು ಇದು ಉತ್ತಮ ಅರ್ಥವನ್ನು ನೀಡುತ್ತದೆ. ಅನೇಕ ಬಡ ದೇಶಗಳ ಕುಸಿದ ಆರ್ಥಿಕತೆಯನ್ನು ಗಮನಿಸಿದರೆ, ಸಾರ್ವತ್ರಿಕ ವ್ಯಾಕ್ಸಿನೇಷನ್ ಬಹಳ ದೂರದಲ್ಲಿದೆ. ಪ್ರತಿಯೊಬ್ಬ ಕೋವಿಡ್ ರೋಗಿಯು ತನಗೂ ಮತ್ತು ಪ್ರಪಂಚದ ಇತರ ಭಾಗಕ್ಕೂ ಅಪಾಯವಾಗಿರುತ್ತಾನೆ.
ಮೂಲ ಬರಹದ ಅಂಕಣಕಾರರು:
ಡಾ. ಕಾವೇರಿ ನಂಬೀಸನ್
ಶಸ್ತ್ರಚಿಕಿತ್ಸಕ ಮತ್ತು ಬರಹಗಾರ
ಕರ್ನಾಟಕದ ಕೊಡಗು ಜಿಲ್ಲೆಯಲ್ಲಿ ಪ್ರ್ಯಾಕ್ಟಿಸ್ ಮಾಡುತ್ತಿದ್ದಾರೆ
(kavery.nambisan@gmail.com)
ಡಾ. ಡ್ಯಾರೆಲ್ ಡೆಮೆಲ್ಲೊ
ಮುಂಬೈನ ಕಂಡಿವಲಿಯ ಪ್ರಮುಖ ಟೆಲಿಮೆಡಿಸಿನ್ ವೈದ್ಯರಾಗಿದ್ದಾರೆ
(ಡಾ. ಡೆಮೆಲ್ಲೊ 7,000 ಕ್ಕೂ ಹೆಚ್ಚು ಕೋವಿಡ್ ರೋಗಿಗಳಿಗೆ ಚಿಕಿತ್ಸೆ ನೀಡಿದ್ದಾರೆ)
(darrelldemello@gmail.com)
Advertisement