ಮನೆಕೆಲಸದವಳು ಇಲ್ಲವೆಂದರೆ ನನ್ನ ದಿನನಿತ್ಯದ ಕೆಲಸ ಎಲ್ಲ ಸ್ತಬ್ಧವಾಗುತ್ತದೆ. ಮನೆಕೆಲಸದವರು ರಜೆ ಕೇಳಿದಾಗ ಯಾವ ರೀತಿ ಸರಿ ಎನ್ನುವುದು ಎಂದು ಗೊತ್ತಾಗುವುದಿಲ್ಲ ಎನ್ನುತ್ತಾರೆ ಬ್ಯಾಂಕ್ ಉದ್ಯೋಗಿ ನಿರಂಜನಾ ಎಸ್ ಎಂ. ದೆಹಲಿ ಮೂಲದ ಬೆಂಗಳೂರಿನಲ್ಲಿರುವ ಸೋನಿಯಾ ವರ್ಮಾ, ಕೆಲಸದವಳಿಲ್ಲದೆ ನಾನು ಜೀವನ ನಡೆಸುವುದು ಕಷ್ಟವಾಗುತ್ತದೆ. ಮನೆ ಗುಡಿಸಿ, ಒರೆಸುವುದನ್ನು ಹೇಗೋ ನಿಭಾಯಿಸುತ್ತೇನೆ, ಆದರೆ ಪಾತ್ರೆ ತೊಳೆಯುವುದು ಸಾಧ್ಯವೇ ಆಗುವುದಿಲ್ಲ. ಮನೆಕೆಲಸದವಳಿಲ್ಲದಿದ್ದರೆ ನಾನು ಮನೆಯಲ್ಲಿ ಅಡುಗೆ ಮಾಡುವುದಿಲ್ಲ, ಹೊಟೇಲ್ ಊಟವನ್ನೇ ನಂಬಿಕೊಂಡಿರುತ್ತೇವೆ ಎಂದರು.