ಬೆಂಗಳೂರು: ವೃದ್ಧರು, ವಿಶೇಷಚೇತನರಿಗೆ ಮತಗಟ್ಟೆಗೆ ಆಗಮಿಸಲು ಸಹಾಯ ಮಾಡಿದ ವಿದ್ಯಾರ್ಥಿಗಳು

ಹಿರಿಯ ನಾಗರಿಕರು ಮತ್ತು ವಿಕಲಾಂಗ ಚೇತನರಿಗೆ ಮತಗಟ್ಟೆಗೆ ತೆರಳಲು ಶಿವಾಜಿನಗರದ ಸರ್ಕಾರಿ ...

Published: 19th April 2019 12:00 PM  |   Last Updated: 19th April 2019 03:38 AM   |  A+A-


Students assist an elderly voter at a polling booth in Shivajinagar

ಶಿವಾಜಿನಗರದ ಮತಗಟ್ಟೆಯಲ್ಲಿ ವೃದ್ಧರಿಗೆ ಸಹಾಯ ಮಾಡುತ್ತಿರುವ ಮಕ್ಕಳು

Posted By : SUD SUD
Source : The New Indian Express
ಬೆಂಗಳೂರು: ಹಿರಿಯ ನಾಗರಿಕರು ಮತ್ತು ವಿಕಲಾಂಗ ಚೇತನರಿಗೆ ಮತಗಟ್ಟೆಗೆ ತೆರಳಲು ಶಿವಾಜಿನಗರದ ಸರ್ಕಾರಿ ಶಾಲೆಯ ಮಕ್ಕಳು ಸಹಾಯ ಮಾಡಿ ಗಮನ ಸೆಳೆದಿದ್ದಾರೆ.

ಶಿವಾಜಿನಗರದ ವಿಕೆಒ ಸರ್ಕಾರಿ ಶಾಲೆಯ 7 ಮತ್ತು 8ನೇ ತರಗತಿ ಮಕ್ಕಳು, ಸ್ಕೌಟ್ಸ್ ಮತ್ತು ಗೈಡ್ಸ್ ನ ತಂಡದವರು ಬೆಳಗ್ಗೆ 5.45ಕ್ಕೆ ಮತಗಟ್ಟೆಗಳಿಗೆ ಆಗಮಿಸಿ ಮತಗಟ್ಟೆ ಅಧಿಕಾರಿಗಳಿಗೆ ಸಹಾಯ ಮಾಡುತ್ತಿದ್ದ ದೃಶ್ಯ ಕಂಡುಬರುತ್ತಿತ್ತು. ನಂತರ 6.45ರ ಹೊತ್ತಿಗೆ ಮತಗಟ್ಟೆಗಳಿಗೆ ಮತದಾರರು ಬರಲು ಆರಂಭಿಸಿದರು. ಮಕ್ಕಳು ಹಿರಿಯರ ಮತ್ತು ವಿಶೇಷಚೇತನರ ಬಗ್ಗೆ ವಿಶೇಷ ಕಾಳಜಿ ವಹಿಸುತ್ತಿದ್ದರು. ಈ ಮೂಲಕ ಎಲ್ಲರ ಗಮನ ಸೆಳೆದರು.

ವೀಲ್ ಚೇರ್ ನಲ್ಲಿ ಬಂದ ನನಗೆ ಈ ಸಣ್ಣ ಮಕ್ಕಳು ಸಹಾಯ ಮಾಡುತ್ತಿರುವುದು ನೋಡಿ ನನಗೆ ಅಚ್ಚರಿಯಾಯಿತು. ನನ್ನನ್ನು ಆದರಿಸಿದ ರೀತಿ ನಿಜಕ್ಕೂ ಆಶ್ಚರ್ಯಕರ. ನನ್ನನ್ನು ಆದರಿಸಿದ ರೀತಿಯಿಂದ ನಿಜಕ್ಕೂ ಸಂತೋಷಗೊಂಡೆ ಎನ್ನುತ್ತಾರೆ 80 ವರ್ಷದ ರೀಟಾ.
ಜನರಿಗೆ ಹೇಗೆ ಸಹಾಯ ಮಾಡಬೇಕೆಂದು ನನಗೆ ಶಿಕ್ಷಕರು ಹೇಳಿಕೊಟ್ಟಿದ್ದಾರೆ. ಬೆಳಗ್ಗೆ 8 ಗಂಟೆಯಿಂದ ಮತಗಟ್ಟೆಗೆ ಬರುವ ಹಿರಿಯರು ಮತ್ತು ವಿಶೇಷ ಚೇತನರಿಗೆ ಸಹಾಯ ಮಾಡುತ್ತಿದ್ದೇವೆ ಎಂದನು 8ನೇ ತರಗತಿಯ ಅಬ್ದುಲ್ಲಾ.

ನಾವು ಮಕ್ಕಳಿಗೆ ಈ ಕೆಲಸವನ್ನು ಕಡ್ಡಾಯ ಮಾಡಿರಲಿಲ್ಲ. ಆದರೆ ಈ ಮಕ್ಕಳಿಗೆ ಉತ್ಸಾಹವಿತ್ತು, ಹೀಗಾಗಿ ನಾವು ಅವರಿಗೆ ಹಿರಿಯರನ್ನು ಹೇಗೆ ನಿಭಾಯಿಸುವುದು ಮತ್ತು ಅವರ ಜೊತೆ ಯಾವ ರೀತಿ ವರ್ತಿಸುವುದು ಎಂದು ಹೇಳಿಕೊಟ್ಟೆವು ಎನ್ನುತ್ತಾರೆ ಲೇಡಿ ಮಾಸ್ಟರ್ಸ್ ಆಫ್ ಸ್ಕ್ವೌಟ್ಸ್ ಮತ್ತು ಗೈಡ್ಸ್ ನ ಮಾಲಾ.
Stay up to date on all the latest ರಾಜ್ಯ news with The Kannadaprabha App. Download now
facebook twitter whatsapp