ಬೆಂಗಳೂರು: ನಮ್ಮ ಮೆಟ್ರೋ ರೈಲು ನಿಗಮದ ಹಸಿರು ಮಾರ್ಗ (ನಾಗಸಂದ್ರ-ಯಲಚೇನಹಳ್ಳಿ)ದಲ್ಲಿ ಸೋಮವಾರದಿಂದ ಆರು ಬೋಗಿಗಳ ಎರಡು ರೈಲುಗಳ ಸಂಚಾರ ಆರಂಭವಾಗಲಿದೆ.
ಒಟ್ಟಾರೆ 6 ಬೋಗಿಗಳ ಎರಡು ರೈಲುಗಳು ಹಸಿರು ಮಾರ್ಗದಲ್ಲಿ ಕಾರ್ಯಾಚರಣೆ ನಡೆಸಲಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಭಾನುವಾರ ಹೊರತು ಪಡಿಸಿದರೆ ಉಳಿದ ದಿನಗಳು 53 ಸುತ್ತಿನ ಪ್ರಯಾಣವನ್ನು ಈ ರೈಲುಗಳು ಮಾಡಲಿವೆ. ಬೆಳಿಗ್ಗೆ ಮತ್ತು ಸಂಜೆ ಗರಿಷ್ಠ ಸಮಯದಲ್ಲಿ ಆರು ಬೋಗಿಗಳ ರೈಲು ನಿಗದಿತ ಸಮಯದಲ್ಲಿ ಸಂಚಾರ ನಡೆಸಲಿವೆ.
ನಾಗಸಂದ್ರ-ಪೀಣ್ಯದಿಂದ ಯಲಚೇನಹಳ್ಳಿ ಮಾರ್ಗದಲ್ಲಿ ಬೆಳಿಗ್ಗೆ 7.50ರಿಂದ ರಾತ್ರಿ 8.28 ಸಮಯಕ್ಕೆ ಸಂಚರಿಸಲಿದ್ದು, ಯಲಚೇನಹಳ್ಳಿಯಿಂದ ನಾಗಸಂದ್ರ-ಪೀಣ್ಯದವರೆಗೆ ಬೆಳಿಗ್ಗೆ 8.31ರಿಂದ ರಾತ್ರಿ 8.37ಗಂಟೆವರೆಗೆ ಸಂಚರಿಸಲಿವೆ ಎಂದು ಬೆಂಗಳೂರು ಮೆಟ್ರೋ ರೈಲು ನಿಗಮ ತಿಳಿಸಿದೆ.
Advertisement