ಐಎಂಎ ವಂಚನೆ: ಮನ್ಸೂರ್ ಖಾನ್ ಹಸ್ತಾಂತರ ಅಸಾಧ್ಯವಲ್ಲ, ತಜ್ಞರ ಅಭಿಮತ

ಸಾವಿರಾರು ಕೋಟಿ ರು. ವಂಚಿಸಿ ದುಬೈಗೆ ಪರಾರಿಯಾಗಿರುವ ಐ ಮಾನಿಟರಿ ಅಡ್ವೈಸರಿ (ಐಎಂಎ) ಸಂಸ್ಥಾಪಕ ಮೊಹಮ್ಮದ್ ಮನ್ಸೂರ್ ಖಾನ್ ನನ್ನು ಭಾರತಕ್ಕೆ ಮರಳಿ ಕರೆತರುವುದು ಅಸಾಧ್ಯವೇನಲ್ಲ ಎಂದು....
ಮನ್ಸೂರ್ ಖಾನ್
ಮನ್ಸೂರ್ ಖಾನ್
ಬೆಂಗಳೂರು: ಸಾವಿರಾರು ಕೋಟಿ ರು. ವಂಚಿಸಿ ದುಬೈಗೆ ಪರಾರಿಯಾಗಿರುವ ಐ ಮಾನಿಟರಿ ಅಡ್ವೈಸರಿ (ಐಎಂಎ) ಸಂಸ್ಥಾಪಕ ಮೊಹಮ್ಮದ್ ಮನ್ಸೂರ್ ಖಾನ್ ನನ್ನು ಭಾರತಕ್ಕೆ ಮರಳಿ ಕರೆತರುವುದು ಅಸಾಧ್ಯವೇನಲ್ಲ ಎಂದು ತಜ್ಞರುಅಭಿಪ್ರಾಯಪಟ್ಟಿದ್ದಾರೆ. ಖಾನ್ ಬ್ಇಡುಗಡೆ ಮಾಡಿದ್ದ ಇತ್ತೀಚಿನ ವೀಡಿಯೋ ಸಂದೇಶದಲ್ಲಿ ಹೇಳಿದ್ದರ ಆಧಾರದ ಮೇಲೆ ಪರಿಣಿತರು ಈ ಅಭಿಪ್ರಾಯಕ್ಕೆ ಬಂದಿದ್ದಾರೆ. ವಾಸ್ತವವಾಗಿ, ಖಾನ್ ಬೆಂಗಳೂರಿಗೆ ಮರಳಲು ಮತ್ತು ಪೊಲೀಸರಿಗೆ ಎಲ್ಲವನ್ನೂ ವಿವರಿಸಲು ಒಪ್ಪಿಕೊಂಡಿರುವುದಾಗಿ ಹೇಳಿದ್ದಾನೆ. ಹಾಗಾಗಿ ಖಾನ್ ಹಸ್ತಾಂತರ ಪ್ರಕ್ರಿಯೆಯನ್ನು ಸರಳಗೊಳಿಸಬೇಕು ಎಂದು ಹೆಸರು ಬಹಿರಂಗಕ್ಕೆ ಇಚ್ಚಿಸದ ನಿವೃತ್ತ ಐಪಿಎಸ್ ಅಧಿಕಾರಿ ಹೇಳಿದ್ದಾರೆ.
ಖಾನ್ ಎಲ್ಲಿದ್ದಾನೆನ್ನುವುದು ತಮಗೆ ತಿಳಿದಿದೆ ಎಂದು ಹಗರಣದ ತನಿಖೆ ಕೈಗೊಂಡಿರುವ ಎಸ್‌ಐಟಿ  ಹೇಳಿದೆ.ಅಲ್ಲದೆ ಆತನ ವಿರುದ್ಧ ಚಾರ್ಜ್‌ಶೀಟ್ ಹಾಕದೆ ಹಸ್ತಾಂತರ ಸಾಧ್ಯವಾಗದೆಂದು ಮೂಲಗಳು ತಿಳಿಸಿವೆ. ಆದಾಗ್ಯೂ, ಇತರ ಆಯ್ಕೆಗಳಿವೆ ಎಂದು ತಜ್ಞರು ಹೇಳುತ್ತಾರೆ. "ವಿದೇಶದಿಂದ ಆರೋಪಿಯನ್ನು ಹಸ್ತಾಂತರಿಸಲು ಚಾರ್ಜ್‌ಶೀಟ್ ಅಗತ್ಯವಿದೆ ಆದರೆ ಚಾರ್ಜ್‌ಶೀಟ್ ಸಲ್ಲಿಸುವ ಮೊದಲೇ ಹಸ್ತಾಂತರದ ಕೋರಿಕೆಯನ್ನು ಸಲ್ಲಿಸಲು ಕೆಲವು ಕಾನೂನಾತ್ಮಕ ಅವಕಾಶಗಳಿದೆ." ಎಂದು ಅವರು ಹೇಳಿದರು.
"ಆರೋಪಿ ಎಲ್ಲಿದ್ದಾನೆಂದು ತಿಳಿದಿರುವ ಕಾರಣ, ಪೊಲೀಸರು 'ಉಭಯ ಅಪರಾಧ' ವಿಧಾನವನ್ನು ಅಳವಡಿಸಿಕೊಳ್ಳಬಹುದಾದರೆ ಆತಿಥೇಯ ದೇಶದಿಂದ ಆತನನ್ನು ಹಸ್ತಾಂತರಿಸಲು ಪ್ರಯತ್ನಿಸಬಹುದು, ಅದರ ಅಡಿಯಲ್ಲಿ ಪರಾರಿಯಾದವನನ್ನು ಅಪರಾಧಿಯ ಅಪರಾಧದ ಹಿನ್ನೆಲೆಯಲ್ಲಿ ಹಸ್ತಾಂತರಿಸಬಹುದು, ಅದು ಎರಡೂ ದೇಶಗಳಲ್ಲಿ ಅಪರಾಧವೆಂದು [ಪರಿಗಣಿಸಲ್ಪಟ್ಟಿದ್ದರೆ ಮಾತ್ರ ಸಾಧ್ಯವಾಗಲಿದೆ. ಮನ್ಸೂರ್ ವಿರುದ್ಧ ಐಪಿಸಿಯಸೆಕ್ಷನ್ 420 (ಮೋಸ ), ಸೆಕ್ಷನ್ 406 (ನಂಬಿಕೆ ದ್ರೋಹ) ವಿಭಾಗಗಳಲ್ಲಿ 30,000 ದೂರುಗಳಿವೆ, ”ಎಂದು ಅವರು ಹೇಳಿದರು.
ಎಸ್‌ಐಟಿ ಸ್ವತಃ ಆತಿಥೇಯ ರಾಷ್ಟ್ರದಿಂದ ಸಹಾಯ ಪಡೆಯಬಹುದು ಎಂದು ಅಧಿಕಾರಿ ಹೇಳಿದರು. “ಎಸ್‌ಐಟಿ ಕ್ರಿಮಿನಲ್ ಪ್ರೊಸೀಜರ್ (ಸಿಆರ್‌ಪಿಸಿ) ಯ ಸೆಕ್ಷನ್ 166 ಎ ಅಡಿಯಲ್ಲಿ ಸಹಾಯ ಪಡೆಯಬಹುದು. ಈ ವಿಭಾಗವು ಭಾರತದ ಗೊತ್ತುಪಡಿಸಿದ ಕ್ರಿಮಿನಲ್ ನ್ಯಾಯಾಲಯದಿಂದ ಪರಾರಿಯಾದವನು ಇರುವ ಭಾರತದ ಹೊರಗಿನ ದೇಶ ಅಥವಾ ಸ್ಥಳದಲ್ಲಿ ತನಿಖೆ ನಡೆಸಲುಪ್ರಾಧಿಕಾರಕ್ಕೆ ನೀಡಿದ ಮನವಿಯ ಪತ್ರವಾಗಿದೆ, ”ಎಂದು ಅಧಿಕಾರಿ ಹೇಳಿದರು. ಐಎಂಎನ ದಾದಾ ಪೀರ್, ನಾಸಿರ್ ಹುಸೇನ್, ನವೀದ್ ಅಹ್ಮದ್ ನಟ್ಟಮ್ಕರ್, ನಿಜಮ್ಮುದ್ದೀನ್ ಅಜೀಮುದ್ದೀನ್, ಅಫ್ಷಾನ್ ತಬಸ್ಸುಮ್, ಅಫ್ಸರ್ ಪಾಷಾ ಮತ್ತು ಅರ್ಷದ್ ಖಾನ್  ಎಂಬೌ ಏಳು ನಿರ್ದೇಶಕರನ್ನು ಸೋಮವಾರ ಬೆಂಗಳೂರಿನಜಾರಿ ನಿರ್ದೇಶನಾಲಯದಲ್ಲಿ ಹಾಜರುಪಡಿಸಲಾಗಿದೆ.
ಮನ್ಸೂರ್ ಅವರ ವೀಡಿಯೊದ ಸಮಯ ಮತ್ತು ವಿಷಯವನ್ನು ಪರಿಶೀಲಿಸುವ ಅಗತ್ಯವಿದೆ ಎಂದು ಅನಾಮಧೇಯ ಮೂಲಗಳು ಪತ್ರಿಕೆಗೆ ಹೇಳಿದೆ "ವೀಡಿಯೊದಲ್ಲಿ ಮನ್ಸೂರ್ ಬೆಂಗಳೂರಿನಿಂದ ಹೊರಡುವಾಗ 120 ಕೆಜಿ ಆಭರಣಗಳು ಮತ್ತು 600 ಕೆಜಿಚಿನ್ನವಿದೆ ಎಂದು ಆರೋಪಿಸಿದ್ದಾರೆ ಮತ್ತು ಅದರಲ್ಲಿ ಹೆಚ್ಚಿನದನ್ನು ಮಂಡಳಿಯ ನಿರ್ದೇಶಕರಾದ ನಿಜಾಮುದ್ದೀನ್ ಅಜೀಮುದ್ದೀನ್ ಅವರು ವಾಲ್ಟ್‌ನಿಂದ ಸ್ಥಳಾಂತರಿಸಿದ್ದಾರೆ ಎಂಬ ಮಾಹಿತಿ ಬಂದಿದೆ. ಮೊಹಮ್ಮದ್ ವಾಸಿಮ್ (ಮನ್ಸೂರ್ ಅವರ ಸೋದರಸಂಬಂಧಿ), ಖಾಲಿದ್ ಅಹ್ಮದ್ ಮತ್ತು ಅವರ ಮಗ ಫಹಾದ್ ಅಹ್ಮದ್, ಸಿಬ್ಬಂದಿಗಳೊಂದಿಗೆ ಮನ್ಸೂರ್‌ಗೆ ಕೂಡ ಇಡಿ ನೋಟೀಸ್ ಬಗ್ಗೆ ಅರಿವಿದೆ.ಅವನು ತನ್ನ ಅಪರಾಧವನ್ನು ಇತರರ ಮೇಲೆಹೇರುವ ಮೂಲಕ  ಅದನ್ನು ದುರ್ಬಲಗೊಳಿಸಲು ಪ್ರಯತ್ನಿಸುತ್ತಿದ್ದಾನೆಯೇ? ಇದು ತನಿಖೆ ಮಾಡಬೇಕಿದೆ, ”ಎಂದು ಅಧಿಕಾರಿ ಹೇಳಿದರು.

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com