ಇನ್ನು ಕಲ್ಲುಸಕ್ಕರೆಯವರು ಮತದಾನ ಜಾಗೃತಿ ಮಾತ್ರವಲ್ಲದೆ ತಾವು ರಕ್ತದಾನ, ಪರಿಸರ ಜಾಗೃತಿಯ ಕುರಿತೂ ಜನರಿಗೆ ತಿಳುವಳಿಕೆ ನೀಡುತ್ತಿದ್ದಾರೆ. ಬಜಾಜ್ ಅವೆಂಜರ್ ಕ್ರೂಸ್ 220 ಬೈಕನ್ನೇರಿ ಸವಾರಿ ಹೊರಟಿರುವ ಇವರು ಮತದಾನದ ಜಾಗೃತಿಗಾಗಿ ಗ್ರಾಮ ಪಂಚಾಯತ್ ಕಛೇರಿ, ಸರ್ಕಾರಿ ಶಾಲೆಗಳು ಮತ್ತು ಕಾಲೇಜುಗಳಿಗೆ ಭೇಟಿ ನೀಡಿ ಕಾರ್ಯಕ್ರಮ ನೀಡುತ್ತಿದ್ದಾರೆ. ಇದರಿಂದ 100 ಶೇ ಮತದಾನವಾಗಬೇಕು ಎನ್ನುವುದನ್ನು ಅವರು ಖಾತರಿ ಪಡಿಸಿಕೊಳ್ಳುವುದಕ್ಕೆ ಪ್ರಯತ್ನಿಸಿದ್ದಾರೆ.