ಈ ಗ್ರಾಮದ ವಯೋವೃದ್ಧರಾದ ವೆಂಕಟೇಶು ಮತ್ತು ಶಿವರಾಮು ಎಂಬ ಸ್ನೇಹಿತರು ಈ ಬಗ್ಗೆ ಹೀಗೆ ಹೇಳುತ್ತಾರೆ; ಇಲ್ಲಿ ದಶಕಗಳ ಹಿಂದಿನಿಂದಲೇ ಟೀ ಸ್ಟಾಲ್ ಆಗಲಿ, ಮದ್ಯದಂಗಡಿಯಾಗಲಿ ಇಲ್ಲ, ಇದರಿಂದಾಗಿ ನಮ್ಮ ಗ್ರಾಮದಲ್ಲಿ ಗಾಸಿಪ್ ಮಾತನಾಡುವುದು, ಜಗಳಗಳಾಗುವುದು, ದುಷ್ಟಟಗಳನ್ನು ಹೊಂದಿರುವವರು ಇಲ್ಲ, ಮಹಿಳೆಯರಿಗೆ ತುಂಬಾ ಗೌರವವನ್ನು ಕೊಡುತ್ತೇವೆ. ಅದು ವಯೋವೃದ್ಧರಿಂದ ಹಿಡಿದು ಪುಟ್ಟ ಮಕ್ಕಳವರೆಗೂ ಈ ನಿಯಮ ಅನ್ವಯವಾಗುತ್ತದೆ ಮತ್ತು ಎಲ್ಲರೂ ಖುಷಿಯಿಂದ ಇದ್ದಾರೆ. ಏನೇ ಸಣ್ಣಪುಟ್ಟ ಭಿನ್ನಾಭಿಪ್ರಾಯ, ಜಗಳಗಳು ಬಂದರೂ ಕೂಡ ನಮ್ಮನಮ್ಮಲ್ಲೇ ಬಗೆಹರಿಸಿಕೊಳ್ಳುತ್ತೇವೆ, ಪೊಲೀಸ್ ಠಾಣೆಯವರೆಗೆ ಹೋಗುವುದಿಲ್ಲ ಎನ್ನುತ್ತಾರೆ. ಕನಕಪುರ ಪೊಲೀಸ್ ಠಾಣೆಯ ಪೊಲೀಸರನ್ನು ಕೇಳಿದರೆ ಅವರು ಕೂಡ ಹೌದೆನ್ನುತ್ತಾರೆ.