ಬೆಂಗಳೂರು: ಮದ್ವೆ ಆಗೋದಾಗಿ ನಂಬಿಸಿ ಅತ್ಯಾಚಾರ, ಕೋಚಿಂಗ್ ಸೆಂಟರ್ ಪ್ರಾಂಶುಪಾಲನ ವಿರುದ್ಧ ದೂರು ದಾಖಲು

ಕೋಚಿಂಗ್ ಸೆಂಟರ್‌ ಪ್ರಾಚಾರ್ಯನೊಬ್ಬ ಯುವತಿಗೆ ವಿವಾಹವಾಗುವುದಾಗಿ ನಂಬಿಸಿ ಆಕೆಯ ಮೇಲೆ ಅತ್ಯಾಚಾರವೆಸಗಿ ಪರಾರಿಯಾಗಿರುವ ಘಟನೆ ರಾಮಮೂರ್ತಿನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ಸಂಗ್ರಹ ಚಿತ್ರ
ಸಂಗ್ರಹ ಚಿತ್ರ

ಬೆಂಗಳೂರು: ಕೋಚಿಂಗ್ ಸೆಂಟರ್‌ ಪ್ರಾಚಾರ್ಯನೊಬ್ಬ ಯುವತಿಗೆ ವಿವಾಹವಾಗುವುದಾಗಿ ನಂಬಿಸಿ ಆಕೆಯ ಮೇಲೆ ಅತ್ಯಾಚಾರವೆಸಗಿ ಪರಾರಿಯಾಗಿರುವ ಘಟನೆ ರಾಮಮೂರ್ತಿನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ರಾಮಮೂರ್ತಿನಗರದ ಅಂಬರ್ ಲೇಔಟ್‍ನಲ್ಲಿರುವ ಕೋಚಿಂಗ್ ಸೆಂಟರ್‌ಗೆ ವೈದ್ಯಕೀಯ ಕೋರ್ಸ್‍ಗಾಗಿ ಸಂತ್ರಸ್ತೆ ಸೇರಿಕೊಂಡಿದ್ದು ಕಾಲೇಜಿನ ಜನರಲ್ ಮ್ಯಾನೇಜರ್ ಹಾಗೂ ಪ್ರಾಂಶುಪಾಲ ನಿರಂಜನ್ ಗೌಡ ಆಕೆಯನ್ನು ಮರಳುಮಾಡಿ ಅತ್ಯಾಚಾರವೆಸಗಿದ್ದಾನೆ ಎನ್ನಲಾಗಿದೆ.

ಸಂತ್ರಸ್ತೆ ಭೌತಶಾಸ್ತ್ರ ವಿಷಯದಲ್ಲಿ ಪರಿಣಿತಿ ಹೊಂದಿದ್ದರಿಂದ ಅವಳ ಜೊತೆ ಮೊದಲು ಸ್ನೇಹ ಬೆಳೆಸಿ, ನಂತರ ಪ್ರೀತಿವಾಗುವುದಾಗಿ ನಂಬಿಸಿದ್ದ ಆರೋಪಿ, ಆಕೆಗೆ ಮನೆಪಾಠ ಹೇಳಿಕೊಡುವ ನೆಪದಲ್ಲಿ ಯುವತಿಯನ್ನು ಭೇಟಿಯಾಗಿ ಸಲುಗೆ ಬೆಳೆಸಿಕೊಂಡಿದ್ದ. ಪೀಣ್ಯ ಸಮೀಪ ತನ್ನ ಪೋಷಕರೊಡನೆ ವಾಸವಿದ್ದ ಸಂತ್ರಸ್ಥೆ  ಆತನ ಮಾತನ್ನು ನಂಬಿದ್ದಾಳೆ.ಪೋಷಕರಿಲ್ಲದ ವೇಳೆ ಮನೆಪಾಠ ಹೇಳಿಕೊಡುವ ನೆಪದಲ್ಲಿ ಆಗಮಿಸುತ್ತಿದ್ದ ಆರೋಪಿ ಆಕೆಯೊಡನೆ ಸ್ನೇಹ ಬೆಳೆಸಿ "ಮದುವೆಯಾಗುವುದಾಗಿ" ನಂಬಿಸಿ ಅತ್ಯಾಚಾರವೆಸಗಿದ್ದಾನೆ.

ಇದೀಗ ನೊಂದ ಸಂತ್ರಸ್ಥೆ ನಿರಂಜನ್ ಗೌಡ ವಿರುದ್ಧ ರಾಮಮೂರ್ತಿನಗರದ ಪೋಲೀಸರಲ್ಲಿ ದೂರು ಕೊಟ್ಟಿದ್ದಾಳೆ.ಲೀಸರು ನಿರಂಜನ್ ಗೌಡ ವಿರುದ್ಧ 376, 420 ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದು ಆರೋಪಿಗಾಗಿ ಶೋಧ ಮುಂದುವರಿಸಿದ್ದಾರೆ.

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com