ವಿದ್ಯುತ್ ಕಳ್ಳತನ: ಕಾಂಗ್ರೆಸ್ ಮಾಜಿ ಸಚಿವ ಮುನಿಯಪ್ಪ ಪತ್ನಿಗೆ ರೂ.24 ಲಕ್ಷ ದಂಡ

ವಿದ್ಯುತ್ ಕಳ್ಳತನ ಮಾಡಿದ ಹಿನ್ನಲೆಯಲ್ಲಿ ಕಾಂಗ್ರೆಸ್ ಪಕ್ಷದ ಮಾಜಿ ಸಚಿವ ಕೆಹೆಚ್.ಮುನಿಯಪ್ಪ ಅವರ ಪತ್ನಿಗೆ ರೂ.24 ಲಕ್ಷ ದಂಡ ವಿಧಿಸಲಾಗಿದೆ. 
ಕಾಂಗ್ರೆಸ್ ಪಕ್ಷದ ಮಾಜಿ ಸಚಿವ ಕೆಹೆಚ್.ಮುನಿಯಪ್ಪ
ಕಾಂಗ್ರೆಸ್ ಪಕ್ಷದ ಮಾಜಿ ಸಚಿವ ಕೆಹೆಚ್.ಮುನಿಯಪ್ಪ

ಬೆಂಗಳೂರು: ವಿದ್ಯುತ್ ಕಳ್ಳತನ ಮಾಡಿದ ಹಿನ್ನಲೆಯಲ್ಲಿ ಕಾಂಗ್ರೆಸ್ ಪಕ್ಷದ ಮಾಜಿ ಸಚಿವ ಕೆಹೆಚ್.ಮುನಿಯಪ್ಪ ಅವರ ಪತ್ನಿಗೆ ರೂ.24 ಲಕ್ಷ ದಂಡ ವಿಧಿಸಲಾಗಿದೆ. 

ಸಂಜಯನಗರದ ಬಿಇಎಲ್ ರಸ್ತೆಯಲ್ಲಿರುವ ಎರಡು ಅಂತಸ್ಥಿನ ಕಟ್ಟಡಕ್ಕೆ ಮುನಿಯಪ್ಪ ಅವರ ಪತ್ನಿ ರಂಗರತ್ನಮ್ಮ ಅವರು ಮಾಲೀಕರಾಗಿದ್ದು, ಕಟ್ಟದಲ್ಲಿ ಜಿಮ್ ಹಾಗೂ ರೆಸ್ಟೋರೆಂಟ್ ಗಳನ್ನು ನಡೆಸಲಾಗುತ್ತಿದೆ. ಒಂದು ಮೀಟರ್'ನ್ನು ಅಳವಡಿಸಿದ್ದ ಬೆಸ್ಕಾಂ ಕಟ್ಟಡಕ್ಕೆ ವಿದ್ಯುತ್ ನೀಡಿತ್ತು. ಬಳಿಕ ಈ ವಿದ್ಯುತ್ ಸಂಪರ್ಕವನ್ನು ಹಂಚಿಕೆ ಮಾಡಿಕೊಳ್ಳಲಾಗಿದೆ. ಆದರೆ, ಹೆಚ್ಚಾಗಿ ಬಳಕೆ ಮಾಡಿರುವ ವಿದ್ಯುತ್'ಗೆ ಹಣವನ್ನು ಕಟ್ಟಿಲ್ಲ. 

ಕಳೆದ 11 ತಿಂಗಳುಗಳಿಂದಲೂ ಮುಖ್ಯ ಲೈನ್ ನಿಂದಲೇ ವಿದ್ಯುತ್'ನ್ನು ನೇರವಾಗಿ ಬಳಕೆ ಮಾಡಿಕೊಳ್ಳಲಾಗಿದೆ. ವಿದ್ಯುತ್ ಕಳ್ಳತನ ಮಾಡಿದ ಹಿನ್ನಲೆಯಲ್ಲಿ ರಂಗರತ್ನಮ್ಮ ಅವರಿಗೆ ಬೆಸ್ಕಾಂ ನಿಯಮಗಳ ಅನ್ವಯ ದಂಡ ವಿಧಿಸಾಲಿಗ್ದದಾರು. ತಿಂಗಳೊಳಗಾಗಿ ರೂ.24 ಲಕ್ಷ ದಂಡ ಕಟ್ಟುವಂತೆ ಅಧಿಕಾರಿಗಳು ಸೂಚಿಸಿದ್ದಾರೆ. 

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com