ರಾಜ್ಯದಲ್ಲೇ ಪ್ರಥಮ! ಮನೆಯಲ್ಲೇ ಇರುವ ಕೋವಿಡ್ ರೋಗಿಗಳಿಗೆ ಡಿಮ್ಹಾನ್ಸ್ ನಿಂದ ಟೆಲಿಸೈಕೋಥೆರಪಿ ಚಿಕಿತ್ಸೆ

ಹುಬ್ಬಳ್ಳಿ: ಧಾರವಾಡ  ಇನ್ಸ್ಟಿಟ್ಯೂಟ್ ಆಫ್ ಮೆಂಟಲ್ ಹೆಲ್ತ್ ಅಂಡ್ ನ್ಯೂರೋ ಸೈನ್ಸಸ್ (ಡಿಮ್ಹ್ಯಾನ್ಸ್) ರಾಜ್ಯದಲ್ಲೇ ಮೊದಲ ಬಾರಿಗೆ ಹೋಂ ಕ್ವಾರಂಟೈನ್ ಅಡಿಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಕೋವಿಡ್ 19 ರೋಗಿಗಳಿಗೆ ಟೆಲಿ ಸೈಕೋಥೆರಪಿ ಪ್ರಯೋಗದ ಮೂಲಕ ಚಿಕಿತ್ಸೆ ನಡೆಸಿದೆ. 

ಧಾರವಾಡ ಜಿಲ್ಲೆಯಲ್ಲಿ ಸುಮಾರು 1,000 ಕೋವಿಡ್ -19 ರೋಗಿಗಳಿದ್ದು, ಮುಖ್ಯವಾಗಿ ಹುಬ್ಬಳ್ಳಿ ಮತ್ತು ಧಾರವಾಡ ನಗರಗಳಲ್ಲಿ ತಮ್ಮ ಮನೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸರ್ಕಾರವು ಅದಕ್ಕೆ ಅನುಮತಿ ನೀಡಿದ ಕೂಡಲೇ, ಇಲ್ಲಿ ಅನೇಕ ಲಕ್ಷಣರಹಿತ ರೋಗಿಗಳು ತಮ್ಮ ಮನೆಗಳಲ್ಲಿ ಚಿಕಿತ್ಸೆ ಪಡೆಯ;ಉ ಆಸಕ್ತಿ ತೋರಿದ್ದಾರೆ.

ತಮ್ಮ ಮನೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿರುವವರು ಸಾಮಾಜಿಕ ಕಳಂಕ, ಕುಟುಂಬ ಸದಸ್ಯರ ತಾರತಮ್ಯ ಮತ್ತು ಇತರ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ,  ಅವರಿಗೆ ಖಿನ್ನತೆ ಕಾಡುತ್ತಿದೆ. . ಚಿಕಿತ್ಸೆಯ ಅವಧಿಯಲ್ಲಿ ಸುಮ್ಮನೆ ಕುಳಿತುಕೊಳ್ಳುವುದು ಮಾನಸಿಕ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ಅಂತಹ ರೋಗಿಗಳಿಗೆ ಸಹಾಯ ಮಾಡಲು, ಡಿಮ್ಹಾನ್ಸ್ ಟೆಲಿ ಸೈಕೋಥೆರಪಿ ಸೌಲಭ್ಯ ಪ್ರಾರಂಭಿಸಿದೆ.  ಇದರಲ್ಲಿ ವೈದ್ಯರು ಮತ್ತು ತಜ್ಞರು ರೋಗಿಗಳಿಗೆ ಫೋನ್ ಕರೆ ಮಾಡುತ್ತಾರೆ ಮತ್ತು ಅವರಿಗೆ ಸಲಹೆ ನೀಡುತ್ತಾರೆ.

ಜಿಲ್ಲಾಡಳಿತವು ಎಂಟು ಹೊಸ ಲ್ಯಾಂಡ್‌ಲೈನ್ ಸಂಪರ್ಕಗಳನ್ನು ಒದಗಿಸಿದ್ದು, ಇದರ ಮೂಲಕ ಡಿಮ್ಹಾನ್ಸ್  12 ಸಿಬ್ಬಂದಿಗಳ ತಂಡವು ರೋಗಿಗಳಿಗೆ ದೂರವಾಣಿ ಕರೆಗಳನ್ನು ಮಾಡುತ್ತಿದೆ. ಹೋಂ ಕ್ವಾರಂಟೈನ್ ಗೆ ಒಳಗಾದ 620 ರೋಗಿಗಳ ಪಟ್ಟಿಯನ್ನು ಆಡಳಿತ ಮಂಡಳಿ ನೀಡಿದೆ. ಟೆಲಿಥೆರಪಿ ಸೌಲಭ್ಯವನ್ನು ಮೂರು ದಿನಗಳ ಹಿಂದೆ ಪ್ರಾರಂಭಿಸಲಾಯಿತು ಮತ್ತು ತಂಡವು ಈಗಾಗಲೇ ಸುಮಾರು 450 ರೋಗಿಗಳಿಗೆ ಕರೆ ಮಾಡಿ ಸಲಹೆ ನೀಡಿದೆ.

 "ಸಂಸ್ಥೆಯ ಕ್ಲಿನಿಕಲ್ ಸೈಕಾಲಜಿ, ಸೈಕಿಯಾಟ್ರಿಕ್ ಸೋಶಿಯಲ್ ವರ್ಕ್ ಮತ್ತು ಸೈಕಿಯಾಟ್ರಿಕ್ ನರ್ಸಿಂಗ್ ವಿಭಾಗದ ಸಿಬ್ಬಂದಿಯನ್ನು ಟೆಲಿ ಸೈಕೋಥೆರಪಿ ಕೆಲಸಕ್ಕಾಗಿ ನಿಯೋಜಿಸಲಾಗಿದೆ. ಪ್ರತಿ ವಿಭಾಗದ ಇಬ್ಬರು ಸಿಬ್ಬಂದಿ ಮತ್ತು ಇಬ್ಬರು ಸ್ನಾತಕೋತ್ತರ ವಿದ್ಯಾರ್ಥಿಗಳು ಹೋಂ ಕ್ವಾರಂಟೈನ್ ನಲ್ಲಿರಿವ ಕೋವಿಡ್ 19 ರೋಗಿಗಳಿಗೆ ಸಲಹೆ ನೀಡುತ್ತಾರೆ ಪ್ರತಿದಿನ ಬೆಳಿಗ್ಗೆ 9 ರಿಂದ ಸಂಜೆ 4 ರವರೆಗೆ ಈ ಸಲಹೆಗಳನ್ನು ಪಡೆಯಬಹುದಾಗಿದೆ." ಡಿಮ್ಹಾನ್ಸ್ ನಿರ್ದೇಶಕ ಡಾ.ಮಹೇಶ್ ದೇಸಾಯಿ ಹೇಳಿದ್ದಾರೆ.

"ಸಹಾಯವಾಣಿಗಳ ಹೊರತಾಗಿ, ಆಸ್ಪತ್ರೆಯು ಚಿಕಿತ್ಸೆಯನ್ನು ಸಹ ಪ್ರಾರಂಭಿಸಿದೆ, ಇದಕ್ಕೆ  ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಸಮಾಲೋಚನೆಯ ನಂತರ, ತಜ್ಞರು ರೋಗಿಗಳಿಗೆ ಇತರ ಕುಟುಂಬ ಸದಸ್ಯರು ಮತ್ತು ನೈರ್ಮಲ್ಯದಿಂದ ದೈಹಿಕ ಅಂತರವನ್ನು ಕಾಪಾಡಿಕೊಳ್ಳುವ ಅಗತ್ಯವನ್ನು ವಿವರಿಸುತ್ತಾರೆ, ಜೊತೆಗೆ ವ್ಯಾಯಾಮ ಸೇರಿದಂತೆ ವಿಶ್ರಾಂತಿಯ ಅವಧಿಯಲ್ಲಿ ಅಳವಡಿಸಿಕೊಳ್ಳುವ ತಂತ್ರಗಳ ಬಗ್ಗೆ ಸಲಹೆಗಳನ್ನು ನೀಡುತ್ತಾರೆ, ”ಎಂದು ಅವರು ಹೇಳಿದರು.

ಡಾ. ಕಣ್ಣಪ್ಪ ಶೆಟ್ಟಿಯವರನ್ನು ಟೆಲಿ ಸೈಕೋಥೆರಪಿ ಸೌಲಭ್ಯದ ನೋಡಲ್ ಅಧಿಕಾರಿಯಾಗಿ ನೇಮಿಸಲಾಗುದ್ದು  ಅವರು ಜಿಲ್ಲಾಡಳಿತ ಮತ್ತು ಸಮಾಲೋಚನಾ ತಂಡದೊಂದಿಗೆ ಸಮನ್ವಯ ಸಾಧಿಸುತ್ತಿದ್ದಾರೆ. ಆಸ್ಪತ್ರೆಗಳ ವೈದ್ಯರು ಖಿನ್ನತೆಯಿಂದ ಬಳಲುತ್ತಿರುವ ರೋಗಿಗಳ ಫೋನ್ ಸಂಖ್ಯೆಯನ್ನು ಕಳುಹಿಸಿದ ಉದಾಹರಣೆಗಳಿವೆ.ಡಿಮ್ಹಾನ್ಸ್ ತನ್ನ ಸಹಾಯವಾಣಿಗೆ ಸುಮಾರು 20-25 ಫೋನ್ ಕರೆಗಳನ್ನು ಪಡೆಯುತ್ತಿದೆ ಮತ್ತು  150 ರೋಗಿಗಳಿಗೆ  ಕರೆಗಳನ್ನು ಮಾಡುತ್ತಿದೆ.