ಕೊಡಗು ಎಸ್ಪಿಗೆ ನೊಟೀಸ್ ಜಾರಿ ಮಾಡಿದ ಕಾರ್ಮಿಕ ಇಲಾಖೆ 

ಮಡಿಕೇರಿ: ವಲಸೆ ಕಾರ್ಮಿಕರ ಬೃಹತ್ ಪರಿಶೀಲನೆ ಪ್ರಕ್ರಿಯೆ ಬಗ್ಗೆ ಸ್ಪಷ್ಟನೆ ಕೋರಿ ರಾಜ್ಯ ಕಾರ್ಮಿಕ ಇಲಾಖೆ ಕೊಡಗು ಪೊಲೀಸ್ ಸೂಪರಿಂಟೆಂಡೆಂಟ್ ನೊಟೀಸ್ ಜಾರಿ ಮಾಡಿದ್ದಾರೆ.

ಕೊಡಗು ಜಿಲ್ಲೆಯ ಕಾರ್ಮಿಕ ಇಲಾಖೆ ಅಧಿಕಾರಿಗಳು ಈ ಆದೇಶವನ್ನು ಎಸ್ಪಿಗೆ ಹಸ್ತಾಂತರಿಸಿದ್ದಾರೆ. ಪರಿಶೀಲನೆ ಪ್ರಕ್ರಿಯೆಯ ವಿಸ್ತೃತ ವರದಿಯನ್ನು ಸಲ್ಲಿಸುವಂತೆ ಎಸ್ಪಿ ಡಾ ಸುಮನ್ ಡಿ ಪನ್ನೇಕರ್ ಅವರಿಗೆ ಆದೇಶಿಸಲಾಗಿದೆ. ಅಲ್ಲದೆ ಯಾವ ಕಾನೂನಿನಡಿ ಈ ಪ್ರಕ್ರಿಯೆಯನ್ನು ಮಾಡಲಾಗಿದೆ ಎಂದು ಸಹ ನೊಟೀಸ್ ನಲ್ಲಿ ಕೇಳಲಾಗಿದೆ. 

ಕಳೆದ ವರ್ಷ ಕೂಡ ಈ ಪ್ರಕ್ರಿಯೆ ಮಾಡಲಾಗಿತ್ತೇ, ಕಾರ್ಮಿಕರ ವಿರುದ್ಧ ದೂರುಗಳು ಬಂದಿದ್ದವೇ?, ದೂರುಗಳು ಬಂದಿದ್ದರೆ ಅದರ ಪ್ರತಿ ಇವೆಯೇ ಎಂದು ಕೂಡ ಕೇಳಲಾಗಿದೆ. 

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಎಸ್ಪಿ, ಕಾರ್ಮಿಕ ಇಲಾಖೆಯಿಂದ ನೊಟೀಸ್ ಬಂದಿದ್ದು ಭದ್ರತೆಯ ಕಾರಣಗಳಿಂದ ಪರಿಶೀಲನೆ ಮಾಡಲಾಗಿದೆ. ಇಲಾಖೆಗೆ ವರದಿ ನೀಡಲು ಸಮಯಾವಕಾಶ ಕೇಳಿದ್ದೇವೆ ಎಂದರು.