ಜುಲೈ 24ರವರೆಗೂ ಬಿಬಿಂಎಪಿ ಕೇಂದ್ರ ಕಚೇರಿಗೆ ಸಾರ್ವಜನಿಕರ ಪ್ರವೇಶ ನಿರ್ಬಂಧ!

ಬೆಂಗಳೂರು: ನಗರದಲ್ಲಿ ಕೊರೋನಾ ವೈರಸ್ ಸೋಂಕು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಜುಲೈ.24ರವರೆಗೂ ಬಿಬಿಎಂಪಿ ಕೇಂದ್ರ ಕಚೇರಿಗೆ ಸಾರ್ವಜನಿಕರ ಪ್ರವೇಶವನ್ನು ಪಾಲಿಕೆ ನಿಷೇಧಿಸಿದೆ. 

ಜುಲೈ 9 ರಿಂದ ಜುಲೈ.24ರವರೆಗೂ ಸಾರ್ವಜನಿಕರು ಬಿಬಿಎಂಪಿ ಕೇಂದ್ರ ಕಚೇರಿಗೆ ಭೇಟಿ ನೀಡುವಂತಿಲ್ಲ. ದೂರುಗಳಿದ್ದರೆ ಸಾರ್ವಜನಿಕರು ಕಚೇರಿಯ ಮುಖ್ಯದ್ವಾರದಲ್ಲಿರುವ ಪೆಟ್ಟಿಗೆಯಲ್ಲಿ ಹಾಕಬಹುದಾಗಿದೆ. ಸಂಬಂಧಪಟ್ಟಂತಹ ಅಧಿಕಾರಿಗಳು ದೂರುಗಳನ್ನು ಪರಿಶೀಲನೆ ನಡೆಸಲಿದ್ದಾರೆಂದು ತಿಳಿದುಬಂದಿದೆ. 

ಸಾರ್ವಜನಿಕರು ಇಮೇಲ್ contactusbbmp@gmail.com, ವಾಟ್ಸ್ಆ್ಯಪ್ ಸಂಖ್ಯೆ 9480685700, ಟ್ವಿಟರ್ @bbmpcomm, ಫೇಸ್ಬುಕ್ ಹಾಗೂ www.bbmp.sahaya.in. ಮೂಲಕ ಬಿಬಿಎಂಪಿ ಕಚೇರಿಯನ್ನು ಸಂಪರ್ಕಿಸಬಹುದಾಗಿದೆ. 

ಬಿಬಿಎಂಪಿ ಕಚೇರಿಯ ಸಿಬ್ಬಂದಿಗಳು ಹಲವು ಕಂಟೈನ್ಮೆಂಟ್ ಢೋನ್ ಗಳಿಗೆ ಭೇಟಿ ಹಾಗೂ ಸರ್ಕಾರಿ ಕಚೇರಿಗಳೊಂದಿಗೆ ಸಭೆಗಳನ್ನು ನಡೆಸುತ್ತಿರುತ್ತಾರೆ. ಹೀಗಾಗಿ ಸಾರ್ವಜನಿಕರ ಸುರಕ್ಷತೆ ದೃಷ್ಟಿಯಿಂದ ಈ ನಿರ್ಧಾರವನ್ನು ಕೈಗೊಳ್ಳಲಾಗಿದೆ ಎಂದು ಬಿಬಿಎಂಪಿ ಆಯುಕ್ತರು ಮಾಹಿರಿ ನೀಡಿದ್ದಾರೆ