ಬೆಂಗಳೂರು: 5 ತಿಂಗಳು ಚರ್ಚ್ ಸ್ಟ್ರೀಟ್ ನಲ್ಲಿ ವಾರಾಂತ್ಯಗಳಲ್ಲಿ ವಾಹನ ಸಂಚಾರ ನಿರ್ಬಂಧ 

ಬೆಂಗಳೂರು: ನಗರದ ಅತ್ಯಂತ ಜನಜಂಗುಳಿಯ ಪ್ರತಿಷ್ಠಿತ ರಸ್ತೆಯಾದ ಚರ್ಚ್ ಸ್ಟ್ರೀಟ್ ನಲ್ಲಿ ವಾರಾಂತ್ಯಗಳಲ್ಲಿ ವಾಹನ ಸಂಚಾರ ನಿರ್ಬಂಧಿಸಿ ನಗರ ಭೂ ಸಾರಿಗೆ ನಿರ್ದೇಶನಾಲಯ(ಡಿಯುಎಲ್ ಟಿ) ಆದೇಶ ಹೊರಡಿಸಿದೆ.

ಈ ನಿರ್ಬಂಧ ಕಳೆದ ನವೆಂಬರ್ 7ರಿಂದ 5 ತಿಂಗಳವರೆಗೆ ಜಾರಿಯಲ್ಲಿರುತ್ತದೆ. ಸ್ವಚ್ಛ ವಾಯು ರಸ್ತೆ ಅಭಿಯಾನದ ಭಾಗವಾಗಿ ನಿರ್ದೇಶನಾಲಯ ಈ ಆದೇಶ ಜಾರಿಗೆ ತಂದಿದೆ.

ಸದಾ ಗಿಜಿಗಿಡುವ ಜನ, ವಾಹನ ಸಂಚಾರ, ಮಾಲಿನ್ಯದ ಮಧ್ಯೆ ಆಗಾಗ ಈ ರೀತಿ ಕೆಲ ಸಮಯಗಳವರೆಗೆ ಸಂಚಾರ ನಿರ್ಬಂಧಿಸಿದರೆ ರಸ್ತೆ, ನಗರ ಸ್ವಚ್ಛವಾಗುತ್ತದೆ ಎಂದು ಸ್ಥಳೀಯ ಯುವತಿ ದಿವ್ಯ ಹೇಳುತ್ತಾರೆ. 

ಈ ನಿರ್ಬಂಧ ಇನ್ನು 5 ತಿಂಗಳು ಕಳೆದ ನಂತರ ಗಾಂಧಿ ಬಜಾರ್ ನಲ್ಲಿ ಜಾರಿಗೆ ಬರಲಿದೆ.