ಬೆಂಗಳೂರು: ಕುಡಿಯುವ ಚಟಕ್ಕೆ ಬಿದ್ದ ಗಂಡನನ್ನು ಪತ್ನಿಯೇ ಕೊಲೆ ಮಾಡಿರುವ ಘಟನೆ ಬೆಂಗಳೂರಿನ ಜೆಜೆ ನಗರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.
ಮೃತನನ್ನು ಪೌರ ಕಾರ್ಮಿಕನಾಗಿದ್ದ ಮೋಹನ್ (41) ಎಂದು ಗುರುತಿಸಲಾಗಿದೆ. ಕೊಲೆಗೆ ಸಂಬಂಧಿಸಿದಂತೆ ಪತ್ನಿ ಪದ್ಮಾ (36) ಎಂಬಾಕೆಯನ್ನು ಪೊಲೀಸರು ಬಂಧಿಸಿದ್ದಾರೆ. ದಂಪತಿಗೆ ಮೂವರು ಮಕ್ಕಳಿದ್ದಾರೆ.
ಮೋಹನ್ ಕುಡಿತಕ್ಕೆ ದಾಸನಾಗಿದ್ದ, ಪ್ರತಿದಿನ ಕುಡಿದು ಮನೆಗೆ ಬರುತ್ತಿದ್ದ ಅದು ಅವನು ಪತ್ನಿಯೊಡನೆ ಜಗಳವಾಡಲು ಕಾರಣವಾಗುತ್ತಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.
“ಭಾನುವಾರ ರಾತ್ರಿ ಮೋಹನ್ ಕುಡಿದು ಮನೆಗೆ ಬಂದು ಹೆಚ್ಚು ಮದ್ಯ ಖರೀದಿಸಲು ಪತ್ನಿಯ ಬಳಿ ಹಣಕ್ಕಾಗಿ ಕೇಳಿದ್ದಾನೆ. ಆ ವೇಳೆ ಪದ್ಮಾ ಮತ್ತು ಅವಳ ಪತಿಯ ನಡುವೆ ಜಗಳವಾಗಿದೆ. ಆ ವೇಳೆ ಪದ್ಮಾ ಮೋಹನ್ ನನ್ನು ಕೆಳಗೆ ತಳ್ಳಿ ಕುತ್ತಿಗೆಗೆ ತನ್ನ ಕಾಲುಗಳಿಂದ ಒತ್ತಿಹಿಡಿದು ಅವನು ಸಾಯುವವರೆಗೆ ಬಿಡದೆ ಹಿಡಿದ್ದಾಳೆ.. ಮುಂಜಾನೆ 3.30 ರ ಸುಮಾರಿಗೆ ಈ ಘಟನೆ ನಡೆದಿದೆ ”ಎಂದು ಪೊಲೀಸರು ತಿಳಿಸಿದ್ದಾರೆ.
Advertisement