ಡ್ರೋನ್ ಖರೀದಿಸುತ್ತಿದ್ದೀರಾ?: ಎಚ್ಚರ.. ಕಸ್ಟಮ್ಸ್ ಅಧಿಕಾರಿಗಳ ವಿಚಾರಣೆ ಸಾಧ್ಯತೆ!; ನಿಯಮ ಪಾಲಿಸದ 1,213 ಡ್ರೋನ್ ಜಪ್

ನಗರದಲ್ಲಿ ಇತ್ತೀಚೆಗೆ ಡ್ರೋನ್ ಗಳ ಖರೀದಿ ವ್ಯಾಮೋಹ ಹೆಚ್ಚಾಗಿದ್ದು, ಖರೀದಿ ಭರದಲ್ಲಿ ಜನರು ನಿಯಮಗಳನ್ನು ಗಾಳಿಗೆ ತೂರಿ ಚೀನಾ ಮೂಲದ ಸಂಸ್ಥೆಗಳಿಂದ ಡ್ರೋನ್ ಖರೀದಿಸುತ್ತಿದ್ದಾರೆ. ಪರಿಣಾಮ ಅಧಿಕಾರಿಗಳು 1,213 ಡ್ರೋನ್ ಜಪ್ತಿ ಮಾಡಿದ್ದಾರೆ.

Published: 03rd December 2021 02:17 PM  |   Last Updated: 03rd December 2021 03:01 PM   |  A+A-


Chinese nano drone

ಸಂಗ್ರಹ ಚಿತ್ರ

The New Indian Express

ಬೆಂಗಳೂರು: ನಗರದಲ್ಲಿ ಇತ್ತೀಚೆಗೆ ಡ್ರೋನ್ ಗಳ ಖರೀದಿ ವ್ಯಾಮೋಹ ಹೆಚ್ಚಾಗಿದ್ದು, ಖರೀದಿ ಭರದಲ್ಲಿ ಜನರು ನಿಯಮಗಳನ್ನು ಗಾಳಿಗೆ ತೂರಿ ಚೀನಾ ಮೂಲದ ಸಂಸ್ಥೆಗಳಿಂದ ಡ್ರೋನ್ ಖರೀದಿಸುತ್ತಿದ್ದಾರೆ. ಪರಿಣಾಮ ಅಧಿಕಾರಿಗಳು 1,213 ಡ್ರೋನ್ ಜಪ್ತಿ ಮಾಡಿದ್ದಾರೆ.

ಇದನ್ನೂ ಓದಿ: ಕೆಂಪೇಗೌಡ ವಿಮಾನ ನಿಲ್ದಾಣದ ರೆಡ್ ಜೋನ್ ವಲಯದಲ್ಲಿ ಐಸಿಎಂಆರ್ ನಿಂದ ಡ್ರೋನ್ ಹಾರಾಟ: ಕೇಸು ದಾಖಲಿಸಲು ಕೋರ್ಟ್ ಅನುಮತಿಗೆ ಕಾಯುತ್ತಿರುವ ಪೊಲೀಸರು

ಚೀನಾ ಮೂಲದ ಮಳಿಗೆಗಳಿಂದ ಆನ್‌ಲೈನ್‌ನಲ್ಲಿ ಡ್ರೋನ್‌ಗಳನ್ನು ಅಗ್ಗವಾಗಿ ಖರೀದಿಸುವ ಜನರ ಬಯಕೆ, ನಿಯಮಗಳ ಸಂಪೂರ್ಣ ಅಜ್ಞಾನದಿಂದ ಕೂಡಿದ್ದು, ಇದರ ಪರಿಣಾಮವಾಗಿ ಕರ್ನಾಟಕದ ಕಸ್ಟಮ್ಸ್ ಇಲಾಖೆಯು ಕೇಂದ್ರ ಗೃಹ ಸಚಿವಾಲಯ ಮತ್ತು ರಕ್ಷಣಾ ಸಚಿವಾಲಯಕ್ಕೆ ಒಟ್ಟು 1,213 ಡ್ರೋನ್‌ಗಳನ್ನು ರವಾನಿಸಿದೆ. ಬೆಂಗಳೂರಿನ ಚಾಮರಾಜಪೇಟೆಯಲ್ಲಿರುವ ವಿದೇಶಿ ಅಂಚೆ ಕಚೇರಿಗೆ (ಎಫ್‌ಪಿಒ) ಒಂದು ವರ್ಷದ ಅವಧಿಯಲ್ಲಿ ಡ್ರೋನ್ ಗಳ ವೈಯಕ್ತಿಕ ಪಾರ್ಸೆಲ್‌ಗಳಲ್ಲಿ ತಲುಪಿವೆ.

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಇದೇ ಮೊದಲು: ಡ್ರೋನ್ ಬಳಸಿ ಕೋವಿಡ್ ಲಸಿಕೆ ಸಾಗಣೆ

ಈ ಕುರಿತು ಮಾಹಿತಿ ನೀಡಿರುವ ವಿಶ್ವಾಸಾರ್ಹ ಮೂಲಗಳು, ಪ್ರಸ್ತುತ ಜಪ್ತಿಯಾಗಿರುವ ಡ್ರೋನ್ ಗಳ ಪೈಕಿ ಶೇ.95ರಷ್ಟು ನ್ಯಾನೊ ಡ್ರೋನ್‌ಗಳಾಗಿದ್ದರೆ, ಉಳಿದವು ಮೈಕ್ರೋ ಡ್ರೋನ್‌ಗಳಾಗಿವೆ. ನ್ಯಾನೊಗಳು ಆಟಿಕೆ ಡ್ರೋನ್‌ಗಳಂತಿದ್ದು, 50 ಗ್ರಾಂ ತೂಕವಿರುತ್ತವೆ ಮತ್ತು 30-40 ಅಡಿ ಎತ್ತರಕ್ಕೆ ಹಾರಬಲ್ಲವು. ಆದರೆ, ಸರ್ಕಾರದ ಅನುಮತಿಯಿಲ್ಲದೆ ಅವುಗಳನ್ನು ಖರೀದಿಸುವಂತಿಲ್ಲ. ಇ-ಕಾಮರ್ಸ್ ಸೈಟ್‌ಗಳ ಉತ್ಪನ್ನವನ್ನು ಅವಲಂಬಿಸಿ ಅವು ರೂ 1,000 ರಿಂದ ರೂ 5,000 ರವರೆಗಿನ ಬೆಲೆಗೆ ಲಭ್ಯವಿರುವುದರಿಂದ, ಅನೇಕರು ಅವುಗಳನ್ನು ಖರೀದಿಸಲು ಉತ್ಸುಕತೆಯನ್ನು ತೋರಿಸುತ್ತಿದ್ದಾರೆ.

ಇದನ್ನೂ ಓದಿ: ಡ್ರೋನ್ ಗಳ ಸಹಾಯದಿಂದ ಗ್ರಾಮೀಣ ಪ್ರದೇಶಗಳ ಭೂ ದಾಖಲೆಗಳ ಡಿಜಿಟಲೀಕರಣ: ಪ್ರಧಾನಿ ಮೋದಿ 

ಎಫ್‌ಪಿಒದಲ್ಲಿ ಸ್ಕ್ಯಾನರ್‌ಗಳ ಮೂಲಕ ಪಾರ್ಸೆಲ್ ಅನ್ನು ಚಲಾಯಿಸಿದಾಗ ಡ್ರೋನ್‌ಗಳು ಸುಲಭವಾಗಿ ಗೋಚರಿಸುತ್ತವೆ. ಈ ಶೈಲಿಯಲ್ಲಿ ಆಮದು ಮಾಡಿಕೊಳ್ಳಲಾದ ಡ್ರೋನ್‌ಗಳಿಗಾಗಿ ಕಸ್ಟಮ್ಸ್ ಇಲಾಖೆಯು "ಸಂಪೂರ್ಣ ಮುಟ್ಟುಗೋಲು" ಹಾಕಿಕೊಳ್ಳುತ್ತದೆ. ಅಲ್ಲದೆ ಇಲಾಖೆಯು ವಿಳಾಸದಾರರಿಗೆ ಶೋಕಾಸ್ ನೋಟಿಸ್ ನೀಡಿ ಈ ಡ್ರೋನ್ ಗಳನ್ನು ಏಕೆ ಖರೀದಿಸಲಾಗಿದೆ ಮತ್ತು ಅದಕ್ಕೆ ಅನುಮತಿ ಇದೆಯೇ ಎಂಬಿತ್ಯಾದಿ ಅಂಶಗಳ ಕುರಿತು ಖರೀದಿದಾರರನ್ನು ಪ್ರಶ್ನಿಸಲಿದೆ.  ಹೆಚ್ಚಿನ ಜನರು ನೋಟಿಸ್‌ಗೆ ಪ್ರತಿಕ್ರಿಯಿಸುವುದಿಲ್ಲ ಆದರೆ ಕೆಲವರು ಅದನ್ನು ತಮ್ಮ ಮಕ್ಕಳಿಗಾಗಿ ಖರೀದಿಸಲಾಗಿದೆ ಎಂದು ಹೇಳುತ್ತಾರೆ. ಆದರೆ ಅವರಿಗೆ ನಿಯಮಗಳು ತಿಳಿದಿರುವುಲ್ಲ. ಇಂತಹ ಪ್ರಕರಣಗಳಿಗೆ 5,000 ದಂಡವನ್ನು ಸಹ ವಿಧಿಸಲಾಗುತ್ತದೆ ಎಂದು ಅವರು ಹೇಳಿದರು.

ಹೆಚ್ಚಿನ ಡ್ರೋನ್ ಖರೀದಿದಾರರು ಬೆಂಗಳೂರಿನವರು
ಈ ಡ್ರೋನ್ ಖರೀದಿದಾರರು ರಾಜ್ಯಾದ್ಯಂತ ಹರಡಿದ್ದು, ಅವರಲ್ಲಿ ಹೆಚ್ಚಿನವರು ಬೆಂಗಳೂರಿನವರಾಗಿದ್ದಾರೆ.  ಒಬ್ಬ ವ್ಯಕ್ತಿಯನ್ನು ಹೊರತುಪಡಿಸಿ, ಅಂತಹ ಉತ್ಪನ್ನಗಳ ಪುನರಾವರ್ತಿತ ಖರೀದಿದಾರರು ಇಲ್ಲ ಎಂದು ಮೂಲಗಳು ತಿಳಿಸಿವೆ. ಸರಕುಗಳನ್ನು ಇಷ್ಟು ದಿನ ಏಕೆ ತಡೆಹಿಡಿಯಲಾಗಿದೆ ಎಂದು ಕೇಳಿದಾಗ, ಅದನ್ನು ಚೆನ್ನೈ ಕಸ್ಟಮ್ಸ್ ಕಚೇರಿಗೆ ಟ್ರಕ್‌ಗಳ ಮೂಲಕ ರವಾನಿಸಬೇಕಾಗಿತ್ತು ಎಂದು ಮೂಲವೊಂದು ತಿಳಿಸಿದೆ. ಅವುಗಳನ್ನು ಪ್ಯಾಕೇಜ್ ಮಾಡಲು ಮತ್ತು ಕಳುಹಿಸಲು ನಮಗೆ ಕನಿಷ್ಠ 1 ಲಕ್ಷ ರೂಪಾಯಿ ವೆಚ್ಚವಾಗುತ್ತದೆ. ಆದ್ದರಿಂದ, ನಾವು ಅವರನ್ನು ಒಂದೇ ಬಾರಿಗೆ ಕಳುಹಿಸುತ್ತೇವೆ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ. 

ನಿಯಮ ಪಾಲನೆ-ಅನುಮತಿ ಪ್ರಮಾಣಪತ್ರ ಕಡ್ಡಾಯ
ಇನ್ನು ಡ್ರೋನ್‌ಗಳನ್ನು ಖರೀದಿಸಲು ಭಾರತದ ವೈರ್ಲೆಸ್ ಪ್ಲಾನಿಂಗ್ ಕೋ-ಆರ್ಡಿನೇಷನ್ ವಿಂಗ್‌ನಿಂದ ಸಲಕರಣೆ ಪ್ರಕಾರದ ಅನುಮೋದನೆ (ಇಟಿಎ) ಪ್ರಮಾಣಪತ್ರವು ಕಡ್ಡಾಯವಾಗಿದೆ. 10,000 ಒಂದು ಬಾರಿ ನೋಂದಣಿ ಶುಲ್ಕವನ್ನು ಪಾವತಿಸಿದ ನಂತರ https://saralsanchar.gov.in ನಲ್ಲಿ ಆನ್‌ಲೈನ್‌ನಲ್ಲಿ ನೋಂದಣಿ ಮಾಡಬಹುದು. ಈ ಕಾರ್ಯವಿಧಾನಗಳ ಬಗ್ಗೆ ಸಂಪೂರ್ಣ ಅರಿವಿನ ಕೊರತೆ ಇದೆ ಎಂದು ತಜ್ಞರು ಅಭಿಪ್ರಾಪಟ್ಟಿದ್ದಾರೆ. 


Stay up to date on all the latest ರಾಜ್ಯ news
Poll
Students greet each other, relieved that their SSLC examinations

SSLC ಪರೀಕ್ಷೆ ಫಲಿತಾಂಶ: 145 ವಿದ್ಯಾರ್ಥಿಗಳಿಗೆ ಔಟ್ ಆಫ್ ಔಟ್; ಧಾರಾಳವಾಗಿ ಅಂಕ ನೀಡಿರುವ ಈ ಮೌಲ್ಯಮಾಪನ ರೀತಿ ಸರಿಯೇ?


Result
ಸರಿ
ಸರಿಯಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp