ರಾಜ್ಯ
ಬೆಂಗಳೂರು: ನಕಲಿ ರೆಮ್ಡಿಸಿವರ್ ತಯಾರು, ಮಾರಾಟ ಆರೋಪ; ವೈದ್ಯನ ಬಂಧನ
ನಕಲಿ ರೆಮ್ ಡಿಸಿವಿರ್ ಔಷಧವನ್ನು ತಯಾರು ಮಾಡಿ ಮಾರಾಟ ಮಾಡುತ್ತಿದ್ದ ಆರೋಪದಡಿ ವೈದ್ಯನೋರ್ವನನ್ನುಕೆ. ಜಿ. ಹಳ್ಳಿ ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ.
ಬೆಂಗಳೂರು: ನಕಲಿ ರೆಮ್ ಡಿಸಿವಿರ್ ಔಷಧವನ್ನು ತಯಾರು ಮಾಡಿ ಮಾರಾಟ ಮಾಡುತ್ತಿದ್ದ ಆರೋಪದಡಿ ವೈದ್ಯನೋರ್ವನನ್ನುಕೆ. ಜಿ. ಹಳ್ಳಿ ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ.
ಅಜಯ್ ಕುಮಾರ್ ಯಾದವ್ ಬಂಧಿತ ವೈದ್ಯ. ಬಂಧಿತನಿಂದ ಪೊಲೀಸರು 8 ನಕಲಿ ರೆಮ್ ಡಿಸಿವಿರ್ ಔಷಧಿಗಳನ್ನು ವಶಕ್ಕೆ ಪಡೆದಿದ್ದಾರೆ.
ಆರೋಪಿ ಬಾಗಲೂರು ಬಳಿ ಕ್ಲಿನಿಕ್ ಹೊಂದಿದ್ದು, ಜೊತೆಗೆ ಎರಡು ಆಸ್ಪತ್ರೆಗಳಿಗೆ ವಿಸಿಟಿಂಗ್ ಡಾಕ್ಟರ್ ಆಗಿ ಭೇಟಿ ನೀಡುತ್ತಿದ್ದ ಎನ್ನಲಾಗಿದೆ.
ಖಚಿತ ಮಾಹಿತಿ ಆಧರಿಸಿ ಪೊಲೀಸರು ಕಾರ್ಯಾಚಣೆ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ.
ರೆಮ್ಡಿಸಿವಿರ್ ಬದಲಿಗೆ ಬೇರೊಂದು ಆಂಟಿಬಯೋಟಿಕ್ ಔಷಧವನ್ನು ಹಾಕಿ ಬಳಿಕ ಸೀಲ್ ಮಾಡಿ ಹೊಸ ರೆಮ್ಡಿಸಿವಿರ್ ಎಂದು ಮಾರಾಟ ಮಾಡುತ್ತಿದ್ದ ಎನ್ನಲಾಗಿದೆ.
ಆರೋಪಿ ಒಂದು ರೆಮ್ಡಿಸಿವಿರ್ ಅನ್ನು 30 ಸಾವಿರ ರೂಪಾಯಿಯಂತೆ ಮಾರಾಟ ಮಾಡುತ್ತಿದ್ದ ಎನ್ನಲಾಗಿದೆ. ಸದ್ಯ ಆರೋಪಿಯನ್ನು ವಶಕ್ಕೆ ಪಡೆದಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.