ಡಿಸೆಂಬರ್ ವೇಳೆಗೆ ರಾಜ್ಯದಲ್ಲಿ ಶೇಕಡಾ 90 ರಷ್ಟು ಕೋವಿಡ್ ಲಸಿಕೆ ನೀಡಿಕೆ ಕಷ್ಟಸಾಧ್ಯ

ಅರ್ಹ ಜನಸಂಖ್ಯೆಯ ಶೇಕಡ 90 ರಷ್ಟು ಲಸಿಕೆ ಹಾಕುವ ತನ್ನ ನಿರೀಕ್ಷಿತ ಗುರಿ ತಲುಪಲು ರಾಜ್ಯ ಸರ್ಕಾರಕ್ಕೆ ಇನ್ನೂ ಕೇವಲ ಎರಡು ತಿಂಗಳು ಬಾಕಿಯಿದೆ. ಅಷ್ಟರೊಳಗೆ ಕೋವಿಡ್-19 ಎರಡು ಡೋಸ್ ಗಳೊಂದಿಗೆ ಕೇವಲ ಶೇ.82 ರಷ್ಟು ವಯಸ್ಕರಿಗೆ ಮಾತ್ರ ಲಸಿಕೆ ಹಾಕಬಹುದೆಂದು ಸ್ವತಂತ್ರ ಸಾರ್ವಜನಿಕ ಆರೋಗ್ಯ ನೀತಿ ವಿಶ್ಲೇಷಕ ಡಾ. ಚಂದ್ರಕಾಂತ್ ಲಹರಿಯಾ ಅಭಿಪ್ರಾಯಪಟ್ಟಿದ್ದಾರೆ. 

Published: 17th November 2021 07:58 PM  |   Last Updated: 18th November 2021 03:21 PM   |  A+A-


A_health_worker_administers_the_vaccine_for_COVID-191

ಆರೋಗ್ಯ ಸಿಬ್ಬಂದಿಯೊಬ್ಬರು ಲಸಿಕೆ ಹಾಕುತ್ತಿರುವ ಚಿತ್ರ

The New Indian Express

ಬೆಂಗಳೂರು: ಅರ್ಹ ಜನಸಂಖ್ಯೆಯ ಶೇಕಡ 90 ರಷ್ಟು ಲಸಿಕೆ ಹಾಕುವ ತನ್ನ ನಿರೀಕ್ಷಿತ ಗುರಿ ತಲುಪಲು ರಾಜ್ಯ ಸರ್ಕಾರಕ್ಕೆ ಇನ್ನೂ ಕೇವಲ ಎರಡು ತಿಂಗಳು ಬಾಕಿಯಿದೆ. ಅಷ್ಟರೊಳಗೆ ಕೋವಿಡ್-19 ಎರಡು ಡೋಸ್ ಗಳೊಂದಿಗೆ ಕೇವಲ ಶೇ.82 ರಷ್ಟು ವಯಸ್ಕರಿಗೆ ಮಾತ್ರ ಲಸಿಕೆ ಹಾಕಬಹುದೆಂದು ಸ್ವತಂತ್ರ ಸಾರ್ವಜನಿಕ ಆರೋಗ್ಯ ನೀತಿ ವಿಶ್ಲೇಷಕ ಡಾ. ಚಂದ್ರಕಾಂತ್ ಲಹರಿಯಾ ಅಭಿಪ್ರಾಯಪಟ್ಟಿದ್ದಾರೆ. 

ಲಸಿಕೆ ನೀಡಿಕೆ ಕುರಿತ ಲಭ್ಯವಿರುವ ರಾಜ್ಯದ ಮಾಹಿತಿಯನ್ನು ವಿಶ್ಲೇಷಿಸಿದ ಬಳಿಕ ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಜೊತೆಗೆ ಮಾತನಾಡಿದ ಡಾ. ಲಹರಿಯಾ, ಶೇ. 90 ರಷ್ಟು ಗುರಿ ಸಾಧನೆಗೆ ಪರ್ಯಾಯ ಮಾರ್ಗವಿಲ್ಲ, ಡಿಸೆಂಬರ್ ಅಂತ್ಯದೊಳಗೆ ರಾಜ್ಯದಲ್ಲಿ ಶೇ. 82 ರಷ್ಟು ವಯಸ್ಕರಿಗೆ ಮಾತ್ರ ಎರಡು ಡೋಸ್ ಪಡೆದುಕೊಳ್ಳಬಹುದು ಎಂದು ಹೇಳಿದರು.

ರಾಜ್ಯದಾದ್ಯಂತ ಶೇ. 51 ರಷ್ಟು ವಯಸ್ಕರು ಎರಡು ಡೋಸ್ ಲಸಿಕೆ ಪಡೆದಿದ್ದರೆ, ಶೇ. 88 ರಷ್ಟು ಮಂದಿ ಮೊದಲ ಡೋಸ್ ಪಡೆದಿದ್ದಾರೆ. ಆದಾಗ್ಯೂ, ಮನೆ ಮನೆಗೆ ಲಸಿಕೆಯಂತಹ ಕಾರ್ಯಕ್ರಮಗಳ ಹೊರತಾಗಿಯೂ ರಾಜ್ಯದಲ್ಲಿ ಈಗಲೂ ಲಸಿಕೆ ನೀಡುವಿಕೆ ಸವಾಲಿನ ಕಾರ್ಯವಾಗಿದೆ. 

ಮನೆ ಮನೆಗೆ ಲಸಿಕೆ ಆಂದೋಲನ ಇನ್ನೂ ಆರಂಭಿಕ ಹಂತದಲ್ಲಿದೆ. ಆದರೆ, ಕೆಲ ಜಿಲ್ಲೆಗಳಲ್ಲಿ ಸ್ವಯಂ ಸೇವಕರು ಮನೆ ಮನೆಗಳಿಗೆ ಭೇಟಿ ನೀಡುತ್ತಿದ್ದಾರೆ. ವಿಶೇಷವಾಗಿ ಗ್ರಾಮಾಂತರ ಪ್ರದೇಶದಲ್ಲಿ ಜನರು ಈಗಾಗಲೇ ಎರಡು ಡೋಸ್ ಲಸಿಕೆ ಪಡೆದಿರುವುದಾಗಿ ಹೇಳುತ್ತಾರೆ. ಆದರೆ, ಅದಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ತೋರಿಸುತ್ತಿಲ್ಲ. ಮೊದಲ ಡೋಸ್ ತೆಗೆದುಕೊಳ್ಳಲು ಅವರು ಮತ್ತೊಂದು ಫೋನ್ ಬಳಕೆ ಇದಕ್ಕೆ ಕಾರಣವಾಗುತ್ತಿದೆ. ಎನ್ ಜಿ ಒ, ಆಶಾ ಕಾರ್ಯಕರ್ತರೊಂದಿಗೆ ಸೇರಿ ಈ ಸಮಸ್ಯೆ ಬಗೆಹರಿಸಲಿದ್ದಾರೆ ಎಂದು ರಾಷ್ಟ್ರೀಯ ಆರೋಗ್ಯ ಮಿಷನ್ ರಾಜ್ಯ ನಿರ್ದೇಶಕರಾದ ಡಾ. ಅರುಂದತಿ ಚಂದ್ರಶೇಖರ್ ಹೇಳಿದ್ದಾರೆ. 

ರಾಜ್ಯದಲ್ಲಿ ಸುಮಾರು 13 ಜಿಲ್ಲೆಗಳು ಕೋವಿಡ್ ಲಸಿಕೆ ನೀಡುವಿಕೆಯಲ್ಲಿ ಹಿಂದೆ ಬಿದ್ದಿವೆ. ಕಲಬುರಗಿ, ಹಾವೇರಿ, ಮತ್ತು ರಾಯಚೂರಿನಲ್ಲಿ ಎರಡು ಡೋಸ್ ನೊಂದಿಗೆ ಕೇವಲ ಶೇ. 39 ರಷ್ಟು ಲಸಿಕೆ ಕಾರ್ಯ ನಡೆದಿದ್ದರೆ, ಶೇ.74 ರಷ್ಟು ಮಂದಿ ಮೊದಲ ಡೋಸ್ ಪಡೆದಿದ್ದಾರೆ.  ದಾವಣಗೆರೆ, ಧಾರವಾಡ, ಚಾಮರಾಜನಗರ, ಯಾದಗಿರಿ ಸೇರಿದಂತೆ ಮತ್ತಿತರ ಕಡೆಗಳಲ್ಲಿ ಎರಡನೇ ಡೋಸ್ ಪಡೆದವರ ಸಂಖ್ಯೆ ಶೇ 42 ರಿಂದ 49 ರಷ್ಟಿದೆ.

ಮನೆ ಮನೆಗೆ ಲಸಿಕೆ ನೀಡಿಕೆ ಕಾರ್ಯದೊಂದಿಗೆ ನಿಗದಿತ ಗುರಿಯನ್ನು ಸಾಧಿಸುವ ವಿಶ್ವಾಸವಿದೆ. ಜನರು ಎರಡನೇ ಡೋಸ್ ಲಸಿಕೆ ಪಡೆಯಲು ಮುಂದೆ ಬರಬೇಕು ಎಂದು ಡಾ. ಅರುಂದತಿ ವಿವರಿಸಿದ್ದಾರೆ. ಆದಾಗ್ಯೂ, ಡಿಸೆಂಬರ್ ಅಂತ್ಯದೊಳಗೆ ಶೇ 75 ರಿಂದ 80 ರಷ್ಟು ಎರಡನೇ ಡೋಸ್ ಗುರಿ ಸಾಧಿಸಲಾಗುವುದು ಎಂದು ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸೇವೆ ಆಯುಕ್ತ ಡಿ ರಂದೀಪ್ ಹೇಳಿದ್ದಾರೆ. 


Stay up to date on all the latest ರಾಜ್ಯ news
Poll
Nitish_Kumar1

2024 ರ ಲೋಕಸಭಾ ಚುನಾವಣೆಯಲ್ಲಿ ನಿತೀಶ್ ಕುಮಾರ್ ಅವರು ಸಂಯುಕ್ತ ವಿರೋಧ ಪಕ್ಷಗಳ ಪ್ರಧಾನಿ ಅಭ್ಯರ್ಥಿಯಾಗಬಹುದೇ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp