ನೀರಿನ ಹೊಂಡದಲ್ಲಿ ಗಜ ಪ್ರಸವ; ಹರಸಾಹಸ ಪಟ್ಟು ಆನೆ ಮರಿ ರಕ್ಷಿಸಿದ ಅರಣ್ಯ ಸಿಬ್ಬಂದಿ, ತಾಯಿ ಆನೆಯಿಂದಲೇ ಮರಿ ಸಾವು!

ನೀರಿನ ಹೊಂಡದಲ್ಲಿ ಮರಿಗೆ ಜನ್ಮ ನೀಡಿದ ಆನೆಯೊಂದು ಬಳಿಕ ತನ್ನ ಮರಿಯನ್ನೇ ಎತ್ತಿ ಬಿಸಾಡಿ ಅದರ ಸಾವಿಗೆ ಕಾರಣವಾಗಿರುವ ಘಟನೆ ಮಡಿಕೇರಿಯಲ್ಲಿ ನಡೆದಿದೆ.

Published: 30th November 2021 08:52 PM  |   Last Updated: 30th November 2021 08:53 PM   |  A+A-


Rescued elephant calf killed

ಸಂಗ್ರಹ ಚಿತ್ರ

The New Indian Express

ಮಡಿಕೇರಿ: ನೀರಿನ ಹೊಂಡದಲ್ಲಿ ಮರಿಗೆ ಜನ್ಮ ನೀಡಿದ ಆನೆಯೊಂದು ಬಳಿಕ ತನ್ನ ಮರಿಯನ್ನೇ ಎತ್ತಿ ಬಿಸಾಡಿ ಅದರ ಸಾವಿಗೆ ಕಾರಣವಾಗಿರುವ ಘಟನೆ ಮಡಿಕೇರಿಯಲ್ಲಿ ನಡೆದಿದೆ.

ಮಡಿಕೇರಿಯ ಕುಶಾಲನಗರ ಸಮೀಪದ ಹೊಸಕೋಟೆಯಲ್ಲಿ ಈ ಘಟನೆ ನಡೆದಿದ್ದು, ರಕ್ಷಿಸಲ್ಪಟ್ಟ ಆನೆ ಮರಿಯೊಂದು ತಾಯಿಯೊಂದಿಗೆ ಸೇರಿದಾಗ ಮೃತಪಟ್ಟಿದೆ. ಸೋಮವಾರ ತಡರಾತ್ರಿ ಕಾಡಾನೆಗೆ ಹೆರಿಗೆ ನೋವು ಕಾಣಿಸಿಕೊಂಡು ಖಾಸಗಿ ಎಸ್ಟೇಟ್‌ನ ನೀರಿನ ಹೊಳೆಯಲ್ಲಿ ಮರಿಗೆ ಜನ್ಮ ನೀಡಿದೆ.

ಇದನ್ನೂ ಓದಿ: ಡಿಸೆಂಬರ್ 1 ರಿಂದ ಪ್ರವಾಸಿಗರ ಸ್ವಾಗತಿಸಲು ನಂದಿ ಬೆಟ್ಟ ಸಜ್ಜು!

ಆನೆ ಮರಿ ಬಹಳ ಹೊತ್ತು ನೀರಿನಲ್ಲಿ ಇದ್ದಿದ್ದರಿಂದ ಅದು ಅಪಾಯಕ್ಕೆ ಸಿಲುಕಿತ್ತು. ಅಲ್ಲದೆ ತಾಯಿ ಆನೆ ಮತ್ತು ಮರಿ ಆನೆ ಕೂಗುತ್ತಿದ್ದವು. ಇದನ್ನು ಗಮನಿಸಿದ ಸ್ಥಳೀಯ ನಿವಾಸಿಗಳು ಕುಶಾಲನಗರ ವಿಭಾಗದ ಅರಣ್ಯ ಇಲಾಖೆ ಸಿಬ್ಬಂದಿಗೆ ಮಾಹಿತಿ ನೀಡಿದ್ದಾರೆ.

ವಿಷಯ ತಿಳಿದ ಕೂಡಲೇ ಘಟನಾ ಸ್ಥಳಕ್ಕೆ ಕುಶಾಲನಗರ ಆರ್‌ಎಫ್‌ಒ ಅಣ್ಣಯ್ಯ ಕುಮಾರ್ ಇತರ ಸಿಬ್ಬಂದಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಆನೆ ಮರಿ ನೀರಿನಲ್ಲಿ ಹೆಚ್ಚು ಹೊತ್ತು ಇದ್ದರೆ ಅದರ ಪ್ರಾಣಕ್ಕೆ ಅಪಾಯ ಎಂದು ಮರಿ ರಕ್ಷಿಸುವ ಕಾರ್ಯಾಚರಣೆಗೆ ಮುಂದಾದರು. ಈ ಹಿನ್ನೆಲೆಯಲ್ಲಿ ಮಂಗಳವಾರ ಬೆಳಗ್ಗೆ ಅರಣ್ಯ ಇಲಾಖೆಯವರು ತಾಯಿ ಆನೆಯನ್ನು ಓಡಿಸಿ ಮರಿಯನ್ನು ನೀರಿನ ಹೊಂಡದಿಂದ ಮೇಲಕ್ಕೆತ್ತಿದ್ದಾರೆ. ನಂತರ ಮರಿಯನ್ನು ಅರಣ್ಯ ಪ್ರದೇಶದಲ್ಲಿ ಇರಿಸಲಾಗಿತ್ತು. 

ಇದನ್ನೂ ಓದಿ: ಆನೆ ನಡೆದದ್ದೇ ದಾರಿ: ಆಳೆತ್ತರದ ರೈಲ್ವೆ ಕಂಬಿ ದಾಟಿ ಕಾಡಿನಿಂದ ಹೊರಗೆ ಬಂದ ಗಜರಾಜ, ವಿಡಿಯೋ!

ಆನೆ ಮರಿ ತುಂಬಾ ಹೊತ್ತು ನೀರಿನಲ್ಲಿ ಇದ್ದುದರಿಂದ ಅದು ತುಂಬಾ ಸುಸ್ತಾಗಿ ನಿತ್ರಾಣಗೊಂಡಿತ್ತು. ಇತ್ತ ತಾಯಿ ಆನೆ ಇತರೆ ಆನೆಗಳೊಂದಿಗೆ ತನ್ನ ಮರಿಯ ವಾಸನೆಯನ್ನು ಪತ್ತೆ ಹಚ್ಚಿ ಅದರ ಬಳಿಗೆ ಮರಳಿದೆ. ಈ ವೇಳೆ ಮರಿ ಆನೆ ನಿಷ್ಚಲವಾಗಿರುವುದನ್ನು ಕಂಡು 2-3 ಬಾರಿ ಮರಿಯನ್ನು ಅಲುಗಾಡಿಸಿದೆ. ಈ ವೇಳೆ ಸುಸ್ತಾಗಿ ನಿತ್ರಾಣವಾಗಿದ್ದ ಮರಿ ಆನೆ ಕದಲದೇ ಬಿದ್ದಿತ್ತು. ಮರಿ ಆನೆ ನಿಶ್ಚಲವಾಗಿರುವುದನ್ನು ಕಂಡ ತಾಯಿ ಆನೆ ಅದನ್ನು ಸೊಂಡಿಲಿನಿಂದ ಎತ್ತಿ ಮತ್ತೆ ನೀರಿನ ಹೊಂಡಕ್ಕೆ ಎಸೆದಿದೆ. ಈ ವೇಳೆ ಆನೆ ಮೃತಪಟ್ಟಿಗೆ ಎಂದು ಆರ್ ಎಫ್ ಒ ಅಣ್ಣಯ್ಯ ಹೇಳಿದ್ದಾರೆ. 

ಇದನ್ನೂ ಓದಿ: ಅಪ್ಪು ಮುದ್ದಾಡಿದ್ದ ಆನೆ ಮರಿಗೆ ಪುನೀತ್ ಹೆಸರು: ಅಗಲಿದ ನಟನಿಗೆ ಅರಣ್ಯ ಇಲಾಖೆಯಿಂದ ವಿಶೇಷ ಗೌರವ

ಇನ್ನು ಮರಿ ಆನೆಯನ್ನು ನೋಡಲು ಬಂದಿದ್ದ ಆನೆಗಳ ಹಿಂಡಿನಲ್ಲಿ ಹಿರಿಯ ಆನೆ ಇರಲಿಲ್ಲ. ಹೀಗಾಗಿ ಈ ಆನೆಗೆ ಇದು ಪ್ರಸವ ಮೊದಲನೆ ಪ್ರಸವವಾಗಿರಬಹುದು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಪ್ರಸ್ತುತ ಮರಿ ಆನೆಯ ದೇಹವನ್ನು ವಶಪಡಿಸಿಕೊಂಡಿರುವ ಅರಣ್ಯ ಇಲಾಖೆ ಸಿಬ್ಬಂದಿ ಮರಣೋತ್ತರ ಪರೀಕ್ಷೆ ನಡೆಸಿ ಬಳಿಕ ಕಾಡಿನೊಳಗೆ ಅಂತ್ಯಸಂಸ್ಕಾರ ನಡೆಸಿದ್ದಾರೆ.


Stay up to date on all the latest ರಾಜ್ಯ news
Poll
MoE to launch bachelor degree programme for Agniveers

ಕೇಂದ್ರ ಸರ್ಕಾರದ ಅಗ್ನಿಪಥ್ ಯೋಜನೆಯನ್ನು ಸರಿಯಾಗಿ ಯೋಜಿಸಲಾಗಿಲ್ಲ ಎಂಬ ಟೀಕೆಗಳನ್ನು ನೀವು ಒಪ್ಪುತ್ತೀರಾ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp