ಕಲಬುರಗಿ: 16 ಗ್ರಾಮಗಳಲ್ಲಿ ಶೇ.100 ರಷ್ಟು ಕೋವಿಡ್‌ ಮೊದಲ ಡೋಸ್‌ ಗುರಿ ಸಾಧನೆ!

ಕಲಬುರಗಿಯಲ್ಲಿ ಕೊರೋನಾ ಲಸಿಕೆ ಅಭಿಯಾನ ವೇಗವಾಗಿ ನಡೆಯುತ್ತಿದ್ದು, 16 ಗ್ರಾಮಗಳಲ್ಲಿ ಶೇ.100ರಷ್ಟು ಜನರಿಗೆ ಮೊದಲ ಡೋಸ್ ಲಸಿಕೆ ನೀಡಲಾಗಿದೆ ಎಂದು ತಿಳಿದುಬಂದಿದೆ. 

Published: 12th October 2021 12:47 PM  |   Last Updated: 12th October 2021 01:09 PM   |  A+A-


File photo

ಸಂಗ್ರಹ ಚಿತ್ರ

The New Indian Express

ಕಲಬುರಗಿ: ಕಲಬುರಗಿಯಲ್ಲಿ ಕೊರೋನಾ ಲಸಿಕೆ ಅಭಿಯಾನ ವೇಗವಾಗಿ ನಡೆಯುತ್ತಿದ್ದು, 16 ಗ್ರಾಮಗಳಲ್ಲಿ ಶೇ.100ರಷ್ಟು ಜನರಿಗೆ ಮೊದಲ ಡೋಸ್ ಲಸಿಕೆ ನೀಡಲಾಗಿದೆ ಎಂದು ತಿಳಿದುಬಂದಿದೆ. 

ಜಿಲ್ಲೆಯ 16 ಗ್ರಾಮಗಳಲ್ಲಿ ಲಸಿಕೆ ಪಡೆದುಕೊಳ್ಳಲು ಅರ್ಹರಿರುವ ಶೇ.100 ಜನರಿಗೆ ಹಾಗೂ 162 ಕುಗ್ರಾಮಗಳಲ್ಲಿ ಶೇ.90ರಷ್ಟು ಜನರಿಗೆ ಮೊದಲ ಡೋಸ್ ಕೋವಿಡ್ ಲಸಿಕೆ ನೀಡಲಾಗಿದೆ. 

ಚಿಂಚೋಳಿ ತಾಲ್ಲೂಕಿನ ವೆಂಕಟಾಪುರ ಗ್ರಾಮ, ಆಳಂದ ತಾಲೂಕಿನ ತುಗಾಂವ್ ಮತ್ತು ಜಮಗಾ ಗ್ರಾಮಗಳು,ಕೋಡ್ಲಾ, ಬೆನಕನಹಳ್ಳಿ, ಅಲ್ಲೊಳ್ಳಿ, ಕಡಕಂಬ, ಗೌಡನಹಳ್ಳಿ, ಹೊಳಹುಗೋಳ್, ಮುಷ್ಕಾಳ್, ನಮ್ವರ್ ಮತ್ತು ಸೇಡಂ ತಾಲೂಕಿನ ಮಾಲ್ವಾರ್ ಗ್ರಾಮಗಳು, ಅಫಜಲಪುರ ತಾಲೂಕಿನ ಭೈರಮಡಗಿ ಗ್ರಾಮ, ಚಿತ್ತಾಪುರ ತಾಲ್ಲೂಕಿನ ಕಾಳಗಿಯಲ್ಲಿ ಅರ್ಹರಾಗಿರುವ ಎಲ್ಲರಿಗೂ ಮೊದಲ ಡೋಸ್ ಲಸಿಕೆ ನೀಡಲಾಗಿದೆ ಎಂದು ವರದಿಗಳು ತಿಳಿಸಿವೆ. 

ಜಿಲ್ಲೆಯ 162 ಕುಗ್ರಾಮಗಳಲ್ಲಿ  (ಕಲಬುರಗಿ ಗ್ರಾಮಾಂತರದ 51 ಗ್ರಾಮಗಳು, ಚಿತ್ತಾಪುರ ತಾಲೂಕಿನ 33 ಗ್ರಾಮಗಳು, ಅಫಜಲಪುರ ತಾಲ್ಲೂಕಿನ 16 ಗ್ರಾಮಗಳು, ಜೇವರ್ಗಿ ತಾಲೂಕಿನ 7 ಗ್ರಾಮಗಳು ಮತ್ತು ಚಿಂಚೋಳಿ ತಾಲ್ಲೂಕಿನ 29 ಗ್ರಾಮಗಳು, ಸೇಡಂ ತಾಲೂಕಿನ 24 ಗ್ರಾಮಗಳು ಮತ್ತು ಜೇವರ್ಗಿ ತಾಲ್ಲೂಕಿನ 2 ಗ್ರಾಮಗಳು) ಶೇ.90ರಷ್ಟು ಅರ್ಹ ಫಲಾನುಭವಿಗಳಿಗೆ ಮೊದಲ ಡೋಸ್ ಕೋವಿಡ್ ಲಸಿಕೆ ನೀಡಲಾಗಿದೆ.  

ಇನ್ನುಳಿದಂತೆ 344 ಗ್ರಾಮಗಳಲ್ಲಿ ಶೇ 70-90ರಷ್ಟು ಲಸಿಕೆ ಹಾಕಲಾಗಿದ್ದು, ಮತ್ತು ಜಿಲ್ಲೆಯ 357 ಹಳ್ಳಿಗಳಲ್ಲಿ ಶೇ 50-70ರಷ್ಟು ಲಸಿಕೆ ಹಾಕಲಾಗಿದೆ. ಜೇವರ್ಗಿಯ 66 ಗ್ರಾಮ, ಕಲಬುರಗಿ ಗ್ರಾಮಾಂತರದ 47 ಹಳ್ಳಿಗಳು ಸೇರಿ ಒಟ್ಟು 286 ಗ್ರಾಮಗಳಲ್ಲಿ ಶೇ.50 ರಷ್ಟು ಲಸಿಕೆ ಗುರಿ ಸಾಧಿಸಲಾಗಿದೆ. 

ಮೂಲಗಳ ಪ್ರಕಾರ 18,87,597 ರ ಒಟ್ಟು ಅರ್ಹ ಜನಸಂಖ್ಯೆಯಲ್ಲಿ, 12,00,495 ಜನರು (ಶೇ.64) ತಮ್ಮ ಮೊದಲ ಡೋಸ್ ಪಡೆದುಕೊಂಡಿದ್ದು. 4,97,323 ಜನರು (ಶೇ.41) ಎರಡನೇ ಡೋಸ್ ಪಡೆದುಕೊಂಡಿದ್ದಾರೆಂದು ತಿಳಿದುಬಂದಿದೆ. 

ಕಲಬುರಗಿಯಲ್ಲಿ ಒಟ್ಟಾರೆ ಕಲಬುರಗಿ ಶೇ.78ರಷ್ಟು (2,95,500 ಜನರು) ಜನರು ತಮ್ಮ ಮೊದಲ ಡೋಸ್ ಲಸಿಕೆ ಪಡೆದುಕೊಂಡಿದ್ದು, ಅತ್ಯಂತ ಕಡಿಮೆ ಶೇ.59 ರಷ್ಟು ಅರ್ಹ ಜನರು (1,78,161 ಜನರು) ಚಿತ್ತಾಪುರ ತಾಲೂಕಿನಲ್ಲಿ ತಮ್ಮ ಮೊದಲ ಡೋಸ್ ಲಸಿಕೆಯನ್ನು ತೆಗೆದುಕೊಂಡಿದ್ದಾರೆ.

ಕಲಬುರಗಿ ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಶರಣಬಸಪ್ಪ ಗಣಜಲಖೇಡ್ ಅವರು ಮಾತನಾಡಿ, ಜಿಲ್ಲೆಯ 1.8 ಲಕ್ಷ ಜನರು ಬೇರೆಡೆ ವಲಸೆ ಹೋಗಿದ್ದಾರೆ. ಅವರ ಲಸಿಕೆ ಸ್ಥಿತಿಯ ವಿವರಗಳನ್ನು ಸಂಗ್ರಹಿಸಲಾಗುತ್ತಿದೆ. ಎಲ್ಲಾ ವಿವರಗಳನ್ನು ಪಡೆದ ಬಳಿಕ ಒಟ್ಟಾರೆ ಲಸಿಕೆ ಪ್ರಮಾಣ ಸುಧಾರಿಸಲಿದೆ ಎಂದು ಹೇಳಿದ್ದಾರೆ. 


Stay up to date on all the latest ರಾಜ್ಯ news
Poll
Priyanka Gandhi

ಪ್ರಿಯಾಂಕಾ ಗಾಂಧಿ ಚುನಾವಣೆಗೆ ಸ್ಪರ್ಧಿಸುವುದರಿಂದ ಉತ್ತರ ಪ್ರದೇಶದಲ್ಲಿ ಕಾಂಗ್ರೆಸ್‌ನ ಭವಿಷ್ಯ ಸುಧಾರಿಸುತ್ತದೆ ಎಂದು ನೀವು ಭಾವಿಸುತ್ತೀರಾ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp