ನಮ್ಮ ಮೆಟ್ರೋ ರೈಲು
ಬೆಂಗಳೂರು: ಡಿಸೆಂಬರ್ ಅಂತ್ಯಕ್ಕೆ ಬೈಯಪ್ಪನಹಳ್ಳಿ-ವೈಟ್‌ಫೀಲ್ಡ್ ಮೆಟ್ರೋ ಮಾರ್ಗ ಸಿದ್ಧವಾಗಲಿದೆ ಎಂದು ಬಿಎಂಆರ್ ಸಿಎಲ್ ತಿಳಿಸಿದೆ.
ಬೈಯಪ್ಪನಹಳ್ಳಿ-ವೈಟ್‌ಫೀಲ್ಡ್ ಮಾರ್ಗದ ಲೋಕಾರ್ಪಣೆಗೆ ಎದುರಾಗಿದ್ದ ಮೂರು ಪ್ರಮುಖ ಅಡೆತಡೆಗಳನ್ನು ಇತ್ತೀಚೆಗೆ ತೆರವುಗೊಳಿಸಲಾಗಿದ್ದು, ಮೆಟ್ರೊದ ಹಂತ-II ರ ರೀಚ್-1A ಮತ್ತು 1B ಮಾರ್ಗಗಳನ್ನು ಡಿಸೆಂಬರ್ ಅಂತ್ಯದ ವೇಳೆಗೆ ಸುಗಮವಾಗಿ ತೆರೆಯಲು ದಾರಿ ಮಾಡಿಕೊಟ್ಟಿದೆ. 15.25 ಕಿಮೀ ಉದ್ಧದ ಮಾರ್ಗವು 13 ಮೆಟ್ರೋ ನಿಲ್ದಾಣಗಳನ್ನು ಮತ್ತು ಕಾಡುಗೋಡಿಯಲ್ಲಿ ಹೊಸ ಡಿಪೋವನ್ನು ಹೊಂದಿರುತ್ತದೆ.
ಈ ಬಗ್ಗೆ ಮಾಹಿತಿ ನೀಡಿದ ಬಿಎಂಆರ್‌ಸಿಎಲ್‌ನ ವ್ಯವಸ್ಥಾಪಕ ನಿರ್ದೇಶಕ ಅಂಜುಮ್‌ ಪರ್ವೇಜ್ ಅವರು, ಕೆಆರ್ ಪುರಂ ನಿಲ್ದಾಣದ ಬಳಿ ಬಿಎಂಆರ್‌ಸಿಎಲ್‌ಗೆ ಅಗತ್ಯವಿರುವ 3,500 ಚದರ ಮೀಟರ್ ಭೂಮಿಗೆ ರೈಲ್ವೆ ಮಂಡಳಿ ತಾತ್ವಿಕ ಒಪ್ಪಿಗೆ ನೀಡಿದೆ. ನಾವು ಅವರಿಗೆ ಸಮಾನ ಭೂಮಿಯನ್ನು ವಿನಿಮಯವಾಗಿ ನೀಡುತ್ತಿದ್ದೇವೆ ಎಂದು ಹೇಳಿದರು.
ಇದನ್ನೂ ಓದಿ: ಬೆಂಗಳೂರು ಮೆಟ್ರೊ ವಿಮಾನ ನಿಲ್ದಾಣ ಮಾರ್ಗದಲ್ಲಿ ಚಿಕ್ಕಜಾಲ ನಿಲ್ದಾಣಕ್ಕೆ ಬೇಡಿಕೆ
ಇನ್ನು ಭೂಸ್ವಾಧೀನ ವಿಭಾಗದ ಪ್ರಧಾನ ವ್ಯವಸ್ಥಾಪಕ ಎಂ.ಎಸ್‌.ಚನ್ನಪ್ಪಗೌಡರ ಮಾತನಾಡಿ, ‘ಸುಮಾರು ಒಂದು ವರ್ಷದಿಂದ ನಾವು ಮನವಿ ಮಾಡುತ್ತಾ ಬಂದಿದ್ದು ಇದೊಂದು ದೊಡ್ಡ ಪ್ರಗತಿಯಾಗಿದೆ. ಬಿಎಂಆರ್‌ಸಿಎಲ್‌ಗೆ ಹಸ್ತಾಂತರಿಸಲು ಸಮನಾದ ಭೂಮಿಯನ್ನು ಗುರುತಿಸಿದ್ದೇವೆ. ಇದು ಬಿಡಿಎ ಸ್ವಾಧೀನದಲ್ಲಿದೆ ಮತ್ತು ಅದನ್ನು ವರ್ಗಾಯಿಸಲು ಅವರು ಒಪ್ಪಿಕೊಂಡಿದ್ದಾರೆ. ಇದು ಟಿನ್ ಫ್ಯಾಕ್ಟರಿ ಮತ್ತು ಕೆಆರ್ ಪುರಂ ನಡುವಿನ ರಸ್ತೆಯನ್ನು ಮಾರತ್ ಹಳ್ಳಿ ಮತ್ತು ವೈಟ್‌ಫೀಲ್ಡ್ ಕಡೆಗೆ ಹಾಕಲು ಅನುಕೂಲವಾಗುತ್ತದೆ. ಉಳಿದ ಭೂಮಿಯನ್ನು ಈಗಾಗಲೇ ಖಾಸಗಿಯವರಿಂದ ಪಡೆದುಕೊಂಡಿದ್ದು, ಅಗಲೀಕರಣ ಕಾಮಗಾರಿ ಆರಂಭಿಸಲಾಗಿದೆ ಎಂದರು.
ಬೆನ್ನಿಗಾನಹಳ್ಳಿ ಬಳಿ ಸೇಲಂ ರೈಲು ಮಾರ್ಗದಲ್ಲಿ ಮೆಟ್ರೋ ಜಾಲವನ್ನು ಮುಂದಕ್ಕೆ ಕೊಂಡೊಯ್ಯಲು ಬೆಂಗಳೂರು ರೈಲ್ವೆ ವಿಭಾಗವು ಬಿಎಂಆರ್‌ಸಿಎಲ್‌ಗೆ ಹಸಿರು ನಿಶಾನೆ ತೋರಿಸಿದೆ. "ನಾವು ಲೈನ್‌ನಿಂದ 65 ಮೀಟರ್ ಎತ್ತರದಲ್ಲಿ ನಮ್ಮ ಎತ್ತರದ ರಚನೆಯನ್ನು ಸ್ಥಾಪಿಸಬೇಕಾಗಿದೆ ಮತ್ತು ರೈಲ್ವೆ ನಮಗೆ ಅನುಮತಿ ನೀಡಿದೆ" ಎಂದು ಪರ್ವೇಜ್ ಹೇಳಿದರು. ರೈಲ್ವೆ ಮಾರ್ಗದ ಮೇಲೆ 8 ಮೀಟರ್‌ಗಿಂತ ಹೆಚ್ಚಿನ ಎತ್ತರದ ತೆರವು ನಿರ್ವಹಿಸಬೇಕಾಗಿದೆ ಎಂದು ಅಧಿಕಾರಿಯೊಬ್ಬರು ಸೇರಿಸಿದ್ದಾರೆ.
