ಆ್ಯಸಿಡ್ ದಾಳಿ ಸಂತ್ರಸ್ಥೆಗೆ 2ನೇ ಸರ್ಜರಿ; ಆ್ಯಸಿಡ್ ಮಾರಾಟಗಾರನನ್ನೂ ಹೊಣೆಯಾಗಿಸಿ ಎಂದ ಮಹಿಳಾ ಆಯೋಗ!

ಬೆಂಗಳೂರಿನ ಕಾಮಾಕ್ಷಿಪಾಳ್ಯದಲ್ಲಿ ಆ್ಯಸಿಡ್‌ ದಾಳಿಗೆ ತುತ್ತಾಗಿದ್ದ ಸಂತ್ರಸ್ಥೆಗೆ ಬುಧವಾರ ಎರಡನೇ ಶಸ್ತ್ರಚಿಕಿತ್ಸೆಯನ್ನು ಯಶಸ್ವಿಯಾಗಿ ಮಾಡಲಾಗಿದೆ.

Published: 05th May 2022 03:20 PM  |   Last Updated: 05th May 2022 03:39 PM   |  A+A-


Karnataka acid attack case

ಸಾಂದರ್ಭಿಕ ಚಿತ್ರ

The New Indian Express

ಬೆಂಗಳೂರು: ಬೆಂಗಳೂರಿನ ಕಾಮಾಕ್ಷಿಪಾಳ್ಯದಲ್ಲಿ ಆ್ಯಸಿಡ್‌ ದಾಳಿಗೆ ತುತ್ತಾಗಿದ್ದ ಸಂತ್ರಸ್ಥೆಗೆ ಬುಧವಾರ ಎರಡನೇ ಶಸ್ತ್ರಚಿಕಿತ್ಸೆಯನ್ನು ಯಶಸ್ವಿಯಾಗಿ ಮಾಡಲಾಗಿದೆ.

ಇದನ್ನೂ ಓದಿ: ಆಸಿಡ್ ದಾಳಿ ಪ್ರಕರಣ: ಸಂತ್ರಸ್ತ ಯುವತಿಯ ಡೈಯಿಂಗ್ ಡಿಕ್ಲರೇಷನ್ ದಾಖಲಿಸಿಕೊಂಡ ಮ್ಯಾಜಿಸ್ಟ್ರೇಟ್

ಶಸ್ತ್ರಚಿಕಿತ್ಸೆಯು ಮೂರೂವರೆ ಗಂಟೆಗಳನ್ನು ತೆಗೆದುಕೊಂಡಿದ್ದು, ಈ ಹಿಂದೆ ನಡೆದ ಮೊದಲ ಶಸ್ತ್ರ ಚಿಕಿತ್ಸೆ ಎಂಟು ಗಂಟೆಗಳ ಕಾಲ ನಡೆಯಿತು ಎಂದು ಸಂತ್ರಸ್ಥೆ ಚಿಕ್ಕಪ್ಪ ಸುಂದ್ರೇಶ್ ಹೇಳಿದ್ದಾರೆ.  ಇದೇ ರೀತಿ ಆ್ಯಸಿಡ್ ದಾಳಿಗೊಳಗಾಗಿ ಬದುಕುಳಿದಿರುವ ಡಾ.ಮಹಾಲಕ್ಷ್ಮಿ ವೈ ಎನ್ ಹೇಳುವಂತೆ, ಇದು ಸಂತ್ರಸ್ಥೆ ಚೇತರಿಸಿಕೊಳ್ಳುವ ಹಾದಿಯಲ್ಲಿ ಹೊಂದಿಸಲು ಶಸ್ತ್ರಚಿಕಿತ್ಸೆಯ ಸರಣಿಯ ಆರಂಭವಾಗಿರಬಹುದು. ಈ ಚಿಕಿತ್ಸೆಯು ಬಹಳ ದೀರ್ಘವಾದ ಯುದ್ಧವಾಗಿದೆ. ಆಕೆ ತಾಳ್ಮೆ ಮತ್ತು ಆತ್ಮವಿಶ್ವಾಸದಿಂದ ಇರಬೇಕು ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಆಸಿಡ್ ದಾಳಿಗೆ ತುತ್ತಾದ ಯುವತಿ ಆರೋಗ್ಯ ಸ್ಥಿತಿ ಹೇಗಿದೆ? ವೈದ್ಯರು ಏನು ಹೇಳುತ್ತಾರೆ?

ಡಾ.ಮಹಾಲಕ್ಷ್ಮಿ ವೈ ಎನ್ ಅವರ ಮೇಲೆ 2001ರ ಜನವರಿ 11ರಂದು ಆ್ಯಸಿಡ್ ದಾಳಿಯಾಗಿತ್ತು. ಬಳಿಕ ಅವರು ಸ್ವತಃ ಒಂದೂವರೆ ವರ್ಷಗಳಲ್ಲಿ 22 ಪುನರ್ನಿರ್ಮಾಣ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಇದೀಗ ಸಂತ್ರಸ್ಥೆ ಆಶಾ (ಹೆಸರು ಬದಲಿಸಲಾಗಿದೆ) ಅವರನ್ನು ಭೇಟಿ ಮಾಡಲು ಯೋಜಿಸುತ್ತಿದ್ದಾರೆ. 

ಇದನ್ನೂ ಓದಿ: ತೀವ್ರ ದುಃಖದ ಮಧ್ಯೆ ದೊಡ್ಡ ಮಗಳ ಮದುವೆ ತಯಾರಿಯಲ್ಲಿ ಆಸಿಡ್ ದಾಳಿಗೆ ತುತ್ತಾದ ಸಂತ್ರಸ್ತೆಯ ಕುಟುಂಬಸ್ಥರು!

ಈ ಬಗ್ಗೆ ಮಾತನಾಡಿದ ಅವರು, ಕಾನೂನುಗಳು ಮತ್ತು ಸರ್ಕಾರವು ಈಗ ಸಂತ್ರಸ್ಥರಿಗೆ ಬೆಂಬಲ ನೀಡುತ್ತಿವೆ. ಆದರೂ ಒಂದು ಹಂತದಲ್ಲಿ, ಆಕೆ ತನ್ನನ್ನು ತಾನೇ ಅವಲಂಬಿಸಬೇಕಾಗುತ್ತದೆ. ತನಗೆ 30 ವರ್ಷ ವಯಸ್ಸಾಗಿತ್ತು, ಇದೇ ರೀತಿಯ ದಾಳಿಯು ತನ್ನನ್ನು ಶೇಕಡಾ 55 ರಷ್ಟು ಅಂಗವೈಕಲ್ಯವನ್ನು ಹೊಂದು ಮಾಡಿತ್ತು. ಆ್ಯಸಿಡ್ ದಾಳಿಯಲ್ಲಿ ತನ್ನ ಎಡ ಕಿವಿ, ಕಣ್ಣು ಮತ್ತು ಕೈ ತೀವ್ರವಾಗಿ ಗಾಯಗೊಂಡಿತ್ತು. ಆದರೆ ನಾನು ನನ್ನ ಗುರಿಯ ಮೇಲೆ ಕೇಂದ್ರೀಕರಿಸಿದೆ ಮತ್ತು ನನ್ನ ನೋವನ್ನು ಮರೆಯಲು ಜನರ ನೋವನ್ನು ಗುಣಪಡಿಸಲು ವೈದ್ಯ ವೃತ್ತಿ ಆಯ್ಕೆ ಮಾಡಿದೆ ಎಂದು ಅವರು ಅಂದಿನ ಕರಾಳ ದಿನವನ್ನು ನೆನಪಿಸಿಕೊಂಡರು. 

ಇದನ್ನೂ ಓದಿ: 72 ಗಂಟೆಯಾದರೂ ಪತ್ತೆಯಾಗದ ಆರೋಪಿ ನಾಗೇಶ್: ಆಸಿಡ್ ದಾಳಿಗೆ ತುತ್ತಾದ ಯುವತಿ ಆರೋಗ್ಯ ಸ್ಥಿತಿ

ಸರ್ಕಾರಿ ಆರೋಗ್ಯ ಕೇಂದ್ರದಲ್ಲಿ ದಿನಕ್ಕೆ ಕನಿಷ್ಠ 60ರಿಂದ 70 ರೋಗಿಗಳಿಗೆ ಚಿಕಿತ್ಸೆ ನೀಡುತ್ತೇನೆ. ಘಟನೆ ನಡೆದಾಗ ನಾಲ್ಕು ವರ್ಷದವಳಾಗಿದ್ದ ನನ್ನ ಮಗಳು ಈಗ ನಾಗರಿಕ ಸೇವಾ ಪರೀಕ್ಷೆ ಬರೆಯುತ್ತಿದ್ದಾಳೆ. ಆ್ಯಸಿಡ್ ದಾಳಿ ಸಂತ್ರಸ್ತರ ಬಗ್ಗೆ ಜನರ ಮನೋಭಾವ ಬದಲಾಗಿಲ್ಲ. ನಾವು ಸಹಾನುಭೂತಿ ಬಯಸುವುದಿಲ್ಲ, ನಮ್ಮ ಜೀವನವನ್ನು ನಡೆಸಲು ನಮಗೆ ಅವಕಾಶ ನೀಡಬೇಕು ಎಂದು ಅವರು ಹೇಳಿದರು. 

ಇದನ್ನೂ ಓದಿ: ಆಸಿಡ್ ದಾಳಿಗೆ ತುತ್ತಾದ ಸಂತ್ರಸ್ತ ಯುವತಿಯ ವೈದ್ಯಕೀಯ ವೆಚ್ಚವನ್ನು ಸರ್ಕಾರ ಭರಿಸುತ್ತದೆ: ಡಾ ಕೆ.ಸುಧಾಕರ್

ಎನ್‌ಎಚ್‌ಆರ್‌ಸಿ ಯೋಜನೆಯಡಿ 'ಆಸಿಡ್ ದಾಳಿಯ ಸಂತ್ರಸ್ತರ ಮರುಸಂಘಟನೆ ಮತ್ತು ಪುನರ್ವಸತಿ' ಕುರಿತು ಸಂಶೋಧನೆ ನಡೆಸುತ್ತಿರುವ ವಕೀಲ ಸುಮಿತ್ರಾ ಆಚಾರ್ಯ ಅವರು ಮಾತನಾಡಿ, "ಆಸಿಡ್ ದಾಳಿ ಸಂತ್ರಸ್ತರು ಇನ್ನೂ ಪ್ರಯೋಜನಗಳನ್ನು ಪಡೆಯುವಲ್ಲಿ ವಿಳಂಬವನ್ನು ಎದುರಿಸುತ್ತಿದ್ದಾರೆ. ರಾಜ್ಯದಲ್ಲಿ 80 ಸಂತ್ರಸ್ತರ ಪೈಕಿ 38 ಮಂದಿ ಮಾತ್ರ ಪಿಂಚಣಿ ಪಡೆಯುತ್ತಿದ್ದಾರೆ ಎಂದು ಹೇಳಿದರು.

ಇದನ್ನೂ ಓದಿ: ಬೆಂಗಳೂರಿನಲ್ಲಿ ಯುವತಿ ಮೇಲೆ ಆಸಿಡ್ ದಾಳಿ: ಪೂರ್ವ ಯೋಜನೆ ಮಾಡಿ ಕುಕೃತ್ಯ ಎಸಗಿದ್ದ ಆರೋಪಿ ನಾಗೇಶ್

ಆ್ಯಸಿಡ್ ಮಾರಾಟಗಾರರನ್ನೂ ಹೊಣೆಗಾರರನ್ನಾಗಿಸಿ
ಇನ್ನು ಆ್ಯಸಿಡ್ ದಾಳಿ ಘಟನೆಗಳನ್ನು ಸಮರ್ಥವಾಗಿ ನಿಭಾಯಿಸಲು ಆ್ಯಸಿಡ್ ಮಾರಾಟಗಾರರನ್ನೂ ಹೊಣೆಗಾರರನ್ನಾಗಿಸಬೇಕು ಎಂದು ಮಹಿಳಾ ಆಯೋಗ ಒತ್ತಾಯಿಸಿದೆ. 2013 ರ ಸುಪ್ರೀಂ ಕೋರ್ಟ್ ಮಾರ್ಗಸೂಚಿಗಳು ಮತ್ತು ಕರ್ನಾಟಕ ವಿಷ ನಿಯಮಗಳು (Poison Rules) 2015 ರ ಹೊರತಾಗಿಯೂ, ಆಸಿಡ್ ನ ಸುಲಭ ಲಭ್ಯತೆಯು ಮಹಿಳೆಯರ ಮೇಲಿನ ದಾಳಿಗೆ ಪ್ರಮುಖ ಅಂಶವಾಗಿದೆ ಎಂದು ಸಾಬೀತಾಗಿದೆ. ಆ್ಯಸಿಡ್ ಲಭ್ಯತೆಯನ್ನು ಕಡಿಮೆ ಮಾಡಲು ಮಹಿಳಾ ಆಯೋಗದ ಅಧ್ಯಕ್ಷೆ ಪ್ರಮೀಳಾ ನಾಯ್ಡು ಅವರು ಆಸಿಡ್ ಮಾರಾಟ ಮಾಡಿದ ವ್ಯಕ್ತಿ ಅಥವಾ ಆಶಾ ಪ್ರಕರಣದಲ್ಲಿ ಆರೋಪಿಯಾಗಿಸುವಂತೆ ಗೃಹ ಇಲಾಖೆ ಮತ್ತು ಪೊಲೀಸರಿಗೆ ಪತ್ರ ಬರೆದಿದ್ದಾರೆ.

ಇದನ್ನೂ ಓದಿ: ಆಸಿಡ್ ದಾಳಿ: ಯುವತಿಗೆ ಉತ್ತಮ ಚಿಕಿತ್ಸೆಗೆ ವ್ಯವಸ್ಥೆ; ಆರೋಪಿಯ ಬಂಧನಕ್ಕೆ ಕ್ರಮ- ಗೃಹ ಸಚಿವ ಆರಗ ಜ್ಞಾನೇಂದ್ರ

“ನಾವು ಸ್ವಯಂ ಪ್ರೇರಿತವಾಗಿ ಈ ಪ್ರಕರಣವನ್ನು ಕೈಗೆತ್ತಿಕೊಂಡಿದ್ದೇವೆ. ಆಶಾ ಅವರ ಗಾಯದ ತೀವ್ರತೆಯನ್ನು ಗಮನಿಸಿದರೆ, ಆರೋಪಿಗಳು ಬಲವಾದ ಆ್ಯಸಿಡ್ ಬಳಸಿದ್ದಾರೆ. ಆರೋಪಿ ಇನ್ನೂ ಸಿಕ್ಕಿಬೀಳದ ಕಾರಣ, ಆಸಿಡ್ ಮಾರಾಟಗಾರನನ್ನೂ ಹೊಣೆಗಾರರನ್ನಾಗಿಸಬೇಕು. ಆದರೆ ಈ ಪ್ರಕರಣದಲ್ಲಿ ಆ್ಯಸಿಡ್ ಮಾರಾಟಗಾರ ಕೂಡ ಇನ್ನೂ ಪತ್ತೆಹಚ್ಚಲಾಗಿಲ್ಲ ಎಂದು ಅವರು ಅಸಮಾಧಾನ ವ್ಯಕ್ತಪಡಿಸಿದರು. 

ಇದನ್ನೂ ಓದಿ: ಆಲ್ಕೋಹಾಲ್ ಎಂದು ತಪ್ಪಾಗಿ ತಿಳಿದು ಕಂಠಪೂರ್ತಿ ಆಸಿಡ್ ಕುಡಿದ ವ್ಯಕ್ತಿ ಸಾವು!

ನ್ಯಾಷನಲ್ ಲಾ ಸ್ಕೂಲ್ ಆಫ್ ಇಂಡಿಯಾ ಯೂನಿವರ್ಸಿಟಿಯ ಮಹಿಳಾ ಮತ್ತು ಕಾನೂನು ಕೇಂದ್ರದ ವಕೀಲೆ ಮತ್ತು ಸಂಶೋಧನಾ ಸಲಹೆಗಾರರಾದ ಸುಮಿತ್ರಾ ಆಚಾರ್ಯ ಮಾತನಾಡಿ, “2013 ರ ಸುಪ್ರೀಂ ಕೋರ್ಟ್ ಮಾರ್ಗಸೂಚಿಗಳು ಮತ್ತು ಕರ್ನಾಟಕ ವಿಷ (ಸ್ವಾಧೀನ ಮತ್ತು ಮಾರಾಟ) ನಿಯಮಗಳು 2015 ರ ಪ್ರಕಾರ, ಪರವಾನಗಿ ಪಡೆದ ಅಂಗಡಿಯವರು ರೆಕಾರ್ಡಿಂಗ್ ಅಂದರೆ ಖರೀದಿದಾರನ ಗುರುತಿನ ಕಾರ್ಡ್ ಕಾನೂನುಬದ್ಧವಾಗಿ ಮಾನ್ಯವಾದ ವಿಳಾಸ ಪುರಾವೆ, ಫೋನ್ ನಂಬರ್, ತೆಗೆದುಕೊಂಡ ಆ್ಯಸಿಡ್ ಪ್ರಮಾಣ, ಅದನ್ನು ಖರೀದಿಸಿದ ಉದ್ದೇಶವನ್ನು ಖಚಿತಪಡಿಸಿದ ನಂತರ ಆಸಿಡ್ ಮಾರಾಟ ಮಾಡಬೇಕು. ಈ ನಿಯಮ ಉಲ್ಲಂಘಿಸುವವರ ವಿರುದ್ಧ ವಿಷ ಕಾಯ್ದೆ (ಪಾಯ್ಸನ್ ಆ್ಯಕ್ಟ್) 1919 ರ ಸೆಕ್ಷನ್ 4, 5 ಮತ್ತು 6 ರ ಅಡಿಯಲ್ಲಿ ಪ್ರಕರಣ ದಾಖಲಿಸಬಹುದು ಎಂದು ಅವರು ಹೇಳಿದರು.


Stay up to date on all the latest ರಾಜ್ಯ news
Poll
Nitish_Kumar1

2024 ರ ಲೋಕಸಭಾ ಚುನಾವಣೆಯಲ್ಲಿ ನಿತೀಶ್ ಕುಮಾರ್ ಅವರು ಸಂಯುಕ್ತ ವಿರೋಧ ಪಕ್ಷಗಳ ಪ್ರಧಾನಿ ಅಭ್ಯರ್ಥಿಯಾಗಬಹುದೇ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp