ವಿಜಯನಗರ ಕಾಲದ ಶಾಸನ ಪತ್ತೆ
ಉಡುಪಿ: ವಿಜಯನಗರ ಸಾಮ್ರಾಜ್ಯದ ದೊರೆ ಇಮ್ಮಡಿ ದೇವರಾಯನ ಕಾಲದ ಶಾಸನವು ಉಡುಪಿ ಜಿಲ್ಲೆಯ ಕೆಮ್ಮಣ್ಣು ಬಳಿಯ ಮೂಡುತೋನ್ಸೆಯಲ್ಲಿ ಪತ್ತೆಯಾಗಿದೆ.
ಇತಿಹಾಸ ಮತ್ತು ಪುರಾತತ್ವ ಸಂಶೋಧಕ ಶ್ರುತೇಶ್ ಆಚಾರ್ಯ ಅವರ ಸಂಶೋಧನೆಗೆ ಪುರಾತತ್ವಶಾಸ್ತ್ರಜ್ಞ ಎಸ್ ಎ ಕೃಷ್ಣಯ್ಯ ಮತ್ತು ನಿವೃತ್ತ ಶಿಕ್ಷಕ ಕೆ ಶ್ರೀಧರ್ ಭಟ್ ಅವರು ಈ ಅಪರೂಪದ ಶಾಸನವನ್ನು ಕಂಡುಹಿಡಿಯುವಲ್ಲಿ ಮಾರ್ಗದರ್ಶನ ನೀಡಿದ್ದರು. ಶಾಸನವನ್ನು ಗ್ರಾನೈಟ್ ಕಲ್ಲಿನ ಮೇಲೆ ಕೆತ್ತಲಾಗಿದೆ ಮತ್ತು ಇದು ಕನ್ನಡದಲ್ಲಿ 24 ಸಾಲುಗಳನ್ನು ಒಳಗೊಂಡಿದೆ.
ಶಾಸನವು ‘ಶ್ರೀ ಗಣಾಧಿಪತೇಯೇ ನಮಃ’ ಎಂಬ ಶ್ಲೋಕದಿಂದ ಪ್ರಾರಂಭವಾಗುತ್ತದೆ. ಇದು ಕ್ರಿ.ಶ 1431 -1353 ‘ವಿರೋಧಿಕೃತ ಸಂವತ್ಸರ’ ದಿನಾಂಕವಾಗಿದೆ. ಈ ಸಮಯದಲ್ಲಿ, ಬಾರ್ಕೂರು ಅನ್ನು ಚಂದರಸ ಒಡೆಯರು ಆಳಿದ್ದರು ಎಂದು ಹೇಳಲಾಗಿದೆ.
ಶಾಸನವು ಮೂರು ದಿನಗಳ ಉತ್ಸವವನ್ನು ಉಲ್ಲೇಖಿಸುತ್ತದೆಯಾದರೂ, ಯಾವ ಸಂದರ್ಭ ಎಂಬ ಬಗ್ಗೆ ಅಸ್ಪಷ್ಟವಾಗಿದೆ. ಶಾಸನವನ್ನು ಉಡುಗೊರೆಯಾಗಿ ನೀಡಲಾಗಿದೆ ಎಂಬುದಾಗಿ ತೋರುತ್ತದೆ. ಶಾಸನದ ಕೊನೆಯಲ್ಲಿ ಮಂಜಣ್ಣ ಸೆಟ್ಟಿ, ಅವರ ಅಳಿಯ ಕೋಮಾ ಸೆಟ್ಟಿ ಮತ್ತಿತರರ ಹೆಸರುಗಳು ಪ್ರಸ್ತಾಪವಾಗಿವೆ. ಶಾಸನದ ಕೆಳಭಾಗದಲ್ಲಿ ‘ಶಾಪಶಯ’ ಎಂಬ ವಾಕ್ಯವಿದೆ.
