ಕರ್ನಾಟಕ, ಬೆಂಗಳೂರು ಭಾರತದ ಜಾಗತಿಕ ವರ್ಚಸ್ಸನ್ನು ಹೆಚ್ಚಿಸಿದೆ: ಎಸ್.ಜೈಶಂಕರ್

ಬೆಂಗಳೂರು: ಭಾರತದ ಜಾಗತಿಕ ವರ್ಚಸ್ಸನ್ನು ಕರ್ನಾಟಕ ಮತ್ತು ಅದರ ರಾಜಧಾನಿ ಬೆಂಗಳೂರು ಹೆಚ್ಚಿಸಿದೆ ವಿದೇಶಾಂಗ ಸಚಿವ ಡಾ ಎಸ್ ಜೈಶಂಕರ್ ಅವರು ಶುಕ್ರವಾರ ಹೇಳಿದ್ದಾರೆ.

ನಗರದಲ್ಲಿ ನಿನ್ನೆ ನಡೆದ ಬಿಜೆವೈಎಂ ಯುವ ಸಂವಾದದಲ್ಲಿ ಜೈಶಂಕರ್ ಅವರು ಬೆಂಗಳೂರು ದಕ್ಷಿಣ ಸಂಸದ ತೇಜಸ್ವಿ ಸೂರ್ಯ ಅವರೊಂದಿಗೆ ವಿದ್ಯಾರ್ಥಿಗಳ ಪ್ರಶ್ನೆಗಳಿಗೆ ಉತ್ತರಿಸಿದರು.

ಕರ್ನಾಟಕ ರಾಜ್ಯ ಮತ್ತು ಬೆಂಗಳೂರು ನಗರ ಎರಡೂ ಭಾರತದ ಬೆಳವಣಿಗೆಯಲ್ಲಿ ನಾಯಕತ್ವದ ಪಾತ್ರವನ್ನು ವಹಿಸಿವೆ, ವಿಶೇಷವಾಗಿ ಆಧುನಿಕತೆಯನ್ನು ಅಳವಡಿಸಿಕೊಳ್ಳುವಲ್ಲಿ. “ಭಾರತದ ಬಗ್ಗೆ ಜಗತ್ತು ಹೊಂದಿರುವ ಬಹಳಷ್ಟು ಅನಿಸಿಕೆಗಳು ಬೆಂಗಳೂರು ಮತ್ತು ಕರ್ನಾಟಕದಿಂದ ಬಂದಿವೆ ಎಂದು ಹೇಳಿದರ.

ಇಂದು ಜಾಗತಿಕವಾಗಿ ಭಾರತವನ್ನು ನೋಡುವ ವಿಧಾನವು ಗಮನಾರ್ಹವಾಗಿ ಬದಲಾಗಿದೆ ಮತ್ತು ಭಾರತವು ತನ್ನ ಸಮಸ್ಯೆಗಳನ್ನು ಹೇಗೆ ಎದುರಿಸುತ್ತದೆ ಎಂಬುದಕ್ಕೂ ಇದಕ್ಕೆ. "ಜಾಗತಿಕ ಮಟ್ಟದಲ್ಲಿ ನಾವು ಕಠಿಣ ವಿಷಯಗಳಲ್ಲಿ ದೃಢವಾಗಿದ್ದರೆ, ಅದಕ್ಕೆ ಸಿಗುವ ಗೌರವವು ತುಂಬಾ ವಿಭಿನ್ನವಾಗಿರುತ್ತದೆ. ಒಂದು ದೇಶವು ತನ್ನ ಭದ್ರತೆಗೆ ಬೆದರಿಕೆಯೊಡ್ಡಿದಾಗ ಅದಕ್ಕೆ ಹೇಗೆ ಪ್ರತಿಕ್ರಿಯೆ ನೀಡುತ್ತಿದೆ ಎಂಬುದು ಅದರ ಸ್ವರೂಪವನ್ನು ವ್ಯಾಖ್ಯಾನಿಸುತ್ತದೆ.

ಜಾಗತಿಕವಾಗಿ ನಾವು ಇನ್ನು ಮುಂದೆ ವಿಚಾರಗಳನ್ನು ಸ್ವೀಕರಿಸುವವರಾಗಿರುವುದಿಲ್ಲ. ವಿಚಾರಗಳನ್ನು ನೀಡುವವರು ಒದಗಿಸುವವರು ಮತ್ತು ಪ್ರತಿಕ್ರಿಯಿಸುವವರಾಗಿ ಮಾರ್ಪಟ್ಟಿದ್ದೇವೆ, ವಿಶ್ವವು ಭಾರತವನ್ನು ಹೇಗೆ ನೋಡುತ್ತದೆ ಎಂಬುದರಲ್ಲಿ ಗಮನಾರ್ಹ ಬದಲಾವಣೆಯಾಗಿದೆ ಎಂದು ತಿಳಿಸಿದರು.