ಇಡೀ ದೇಶ ಪ್ರಸ್ತುತ ಕರೋನಾ ಸಾಂಕ್ರಾಮಿಕ ರೋಗವನ್ನು ಎದುರಿಸುತ್ತಿದೆ. ಕೊರೋನಾ ವೈರಸ್ ದೇಶದಲ್ಲಿ ಕಾಣಿಸಿಕೊಂಡ ದಿನದಿಂದ ಸ್ಯಾನಿಟೈಸರ್ ಹೆಚ್ಚು ಪ್ರಖ್ಯಾತಿ ಪಡೆದುಕೊಂಡಿದೆ. ಇದಕ್ಕೂ ಮುನ್ನ ಸಾಕಷ್ಟು ಜನರಿಗೆ ಸ್ಯಾನಿಟೈಸರ್ ಎಂದರೇನು ಎಂಬುದೇ ತಿಳಿದಿರಲಿಲ್ಲ. ಆದರೆ, ಇಂದು ಬಹಳಷ್ಟು ಮನೆಗಳಲ್ಲಿ ಅಗತ್ಯ ವಸ್ತುಗಳಲ್ಲಿ ಒಂದಾಗಿ ಹೋಗಿದೆ.
ಕೊರೋನಾ ಬಂದಾಗಿನಿಂದಲೂ ಕಚೇರಿ, ಆಸ್ಪತ್ರೆ, ಶಾಪಿಂಗ್ ಮಾಲ್'ಗಳಲ್ಲಿ ಸ್ಯಾನಿಟೈಸ್ ಹಾಕಿಕೊಂಡು ಹೋಗಲೇಬೇಕಿದೆ. ಚಿಕ್ಕಮಕ್ಕಳಿಂದ ವಯೋವೃದ್ಧರವರೆಗೂ ಸ್ಯಾನಿಟೈಸರ್ ಹಾಕಿಕೊಳ್ಳುತ್ತಿದ್ದಾರೆ.
ಕೊರೋನಾ ಬಂದ ಬಳಿಕ ಹೆಚ್ಚೆಚ್ಚು ಜನರು ಸ್ಯಾನಿಟೈಸರ್ ಬಳಕೆಯನ್ನೇನೋ ಮಾಡುತ್ತಿದ್ದಾರೆ. ಆದರೆ, ಆ ಸ್ಯಾನಿಟೈಸರ್ ಕೂಡ ಜೀವನಕ್ಕೆ ಹಾನಿಯುಂಟು ಮಾಡಲಿದೆ ಎಂಬ ವಿಚಾರ ಸಾಕಷ್ಟು ಜನರಿಗೆ ತಿಳಿದಿಲ್ಲ. ಅತಿಯಾದರೆ ಅಮೃತ ಕೂಡ ವಿಷವಾಗುತ್ತದೆ ಎಂಬ ಮಾತನ್ನು ಕೇಳಿರಬಹುದು. ಹಾಗೆಯೇ ಸ್ಯಾನಿಟೈಸರ್ ಕೂಡ ಅಗತ್ಯವಿಲ್ಲದೆ, ಸುಖಾ ಸುಮ್ಮನೆ ಮುಂಜಾಗ್ರತೆಗಳಿಲ್ಲದೆ, ಅರಿವಿಲ್ಲದೆ ಬಳಕೆ ಮಾಡಿದರೆ ಮುಂದೆ ಅಪಾಯಗಳು ಎದುರಾಗಲಿದೆ. ಹಾಗಾದರೆ, ಸ್ಯಾನಿಟೈಸರ್ ಗಳಿಂದ ಏನೆಲ್ಲಾ ಸಮಸ್ಯೆಗಳು ಎದುರಾಗುತ್ತವೆ? ಅದರಿಂದ ಸುರಕ್ಷಿತರಾಗಿರುವುದು ಹೇಗೆ...? ಆ ಬಗೆಗಿನ ಮಾಹಿತಿ ಇಲ್ಲಿದೆ...
ಸ್ಯಾನಿಟೈಸರ್ ಹೆಚ್ಚಾಗಿ ಬಳಕೆ ಮಾಡಿದರೆ ಉಂಟಾಗುವ ಸಮಸ್ಯೆಗಳಾವುವು...?
ಹೆಚ್ಚೆಚ್ಚು ಸ್ಯಾನಿಟೈಸರ್ ಬಳಕೆಯಿಂದ ಚರ್ಮ ತೇವಾಂಶವನ್ನು ಕಳೆದುಕೊಳ್ಳುತ್ತದೆ
ಸಾಮಾನ್ಯವಾಗಿ ಶೇ.60ರಿಂದ ಶೇ.70ರಷ್ಟು ಆಲ್ಕೋಹಾಲ್ ಅಂಶವಿರುವ ಸ್ಯಾನಿಟೈಸರ್ ಗಳನ್ನೇ ಬಳಕೆ ಮಾಡುವಂತೆ ಸಲಹೆ ನೀಡಲಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ ಹ್ಯಾಂಡ್ ಸ್ಯಾನಿಟೈಸರ್ ಬಳಕೆ ಅತ್ಯಗತ್ಯವಾದರೂ, ಅತಿಯಾದ ಬಳಕೆ ಅದರಲ್ಲಿರುವ ಆಲ್ಕೋಹಾಲ್ ಅಂಶ ಚರ್ಮದಲ್ಲಿರುವ ನೈಸರ್ಗಿತ ತೇವಾಂಶವನ್ನು ನಾಶಪಡಿಸುತ್ತದೆ. ಚರ್ಮ ಒಳಗುವುದರಿಂದ ಸಾಕಷ್ಟು ಸಮಸ್ಯೆಗಳು ಎದುರಾಗುತ್ತವೆ.
ಎಸ್ಜಿಮಾ (ಇಸುಬು) ಸಮಸ್ಯೆ
ಸ್ಯಾನಿಟೈಸರ್ ಗಳನ್ನು ಅತಿಯಾಗಿ ಬಳಕೆ ಮಾಡುವುದರಿಂದ ಅಲರ್ಜಿಯಂತಹ ಸಮಸ್ಯೆಗಳನ್ನು ಸೃಷ್ಟಿ ಮಾಡುತ್ತದೆ. ಈ ವೇಳೆ ಇಸುಬು ಸಮಸ್ಯೆ ಕೂಡ ಎದುರಾಗುವ ಸಾಧ್ಯತೆಗಳಿರುತ್ತವೆ. ಚರ್ಮದಲ್ಲಿ ಕೆಂಪು ಗುಳ್ಳುಗಳು ಕಾಣಿಸಿಕೊಳ್ಳುವುದು, ಶುಷ್ಕತೆ, ಚರ್ಮದಲ್ಲಿ ಬಿರುಕುಗಳು ಮೂಡುತ್ತವೆ. ತುರಿಕೆಗಳಿಗೂ ಕಾರಣವಾಗುತ್ತವೆ. ಈಗಾಗಲೇ ಸಾಕಷ್ಟು ಜನರಲ್ಲಿ ಇಂತಹ ಸಮಸ್ಯೆಗಳು ಕಾಣಿಸಿರುವ ಸಾಧ್ಯತೆಗಳಿವೆ.
ಅಲರ್ಜಿ ಸಮಸ್ಯೆ
ಕೆಲ ಸ್ಯಾನಿಟೈಸರ್'ಗಳಲ್ಲಿ ಆ್ಯಂಟಿ ಬ್ಯಾಕ್ಟಿರಿಯಲ್ ಮತ್ತು ಆ್ಯಂಟಿಫಂಗಲ್ ಅಂಶವಿರುತ್ತದೆ. ಇಂತಹ ಸ್ಯಾನಿಟೈಸರ್ ಗಳನ್ನು ಹೆಚ್ಚಾಗಿ ಬಳಕೆ ಮಾಡಿದರೆ, ಆರೋಗ್ಯಕ್ಕೆ ಅಪಾಯವನ್ನು ತಂದೊಡ್ಡುತ್ತವೆ. ಅಲರ್ಜಿ ಸಮಸ್ಯೆಗಳಿಗೆ ಈ ಸ್ಯಾನಿಟೈಸರ್ ಗಳು ಕಾರಣವಾಗುತ್ತವೆ. ಪ್ರಸ್ತುತ ಶೀತದ ವಾತಾವರಣವಿದ್ದು, ಸಮಸ್ಯೆಗಳು ಮತ್ತಷ್ಟು ಉಲ್ಪಣಗೊಳ್ಳುವಂತೆ ಮಾಡುತ್ತವೆ. ಕೆಲವು ಅಧ್ಯಯನಗಳಲ್ಲಿ ಸ್ಯಾನಿಟೈಸರ್ ಗಳನ್ನು ಅತಿಯಾಗಿ ಬಳಕೆ ಮಾಡಿದರೆ ಹಾರ್ಮೋನುಗಳ ಸಮಸ್ಯೆಗಳು, ಅಸಮತೋಲನದಂತಹ ಸಮಸ್ಯೆಗಳನ್ನು ಸೃಷ್ಟಿಸುತ್ತವೆ ಎಂದು ತಿಳಿಸಿವೆ.
ಸುರಕ್ಷಿತರಾಗಿ ಇರುವುದು ಹೇಗೆ...?
Advertisement