ಹಿನ್ನೋಟ 2022: ಆರೋಗ್ಯ ಕ್ಷೇತ್ರದಲ್ಲಿ ಗುರುತು ಮಾಡಿಸಿದ ವರ್ಷ, 2023ರಲ್ಲಿ ಕ್ರಾಂತಿ ಸಾಧಿಸೋಣ

ಬೆಂಗಳೂರು: ಭಾರತಕ್ಕೆ ಕೋವಿಡ್ ಸಾಂಕ್ರಾಮಿಕ ರೋಗ ಕಾಲಿಟ್ಟು 2023ಕ್ಕೆ ಮೂರು ವರ್ಷವಾಗುತ್ತಿದೆ. 2022ರ ಭಾರತದ ಆರೋಗ್ಯ ಕ್ಷೇತ್ರದತ್ತ ನಾವು ನೋಡುವುದಾದರೆ ಪ್ರಮುಖ ಘಟನಾವಳಿಗಳು ಇಂತಿದೆ. 

2022ರ ಜನವರಿ ಮತ್ತು ಫೆಬ್ರವರಿಯಲ್ಲಿ, ದೇಶವು ಕೋವಿಡ್ -19ನ ಮೂರನೇ ಅಲೆಯಿಂದ ತತ್ತರಿಸುತ್ತಿತ್ತು. ಪ್ರತಿ ವಾರ ಸಾಂಕ್ರಾಮಿಕ ರೋಗ ಹೊಂದುವವರ ಸಂಖ್ಯೆ ಕೂಡ ಮೂರನೇ ಅಲೆಯಲ್ಲಿ ಹೆಚ್ಚಾಗಿತ್ತು. ಅನೇಕ ಸಾವು-ನೋವುಗಳನ್ನು ಕರ್ನಾಟಕ ಸೇರಿದಂತೆ ಹಲವು ರಾಜ್ಯಗಳು ಕಂಡವು. 

2022ರ ಏಪ್ರಿಲ್ ನಂತರ ಕೊರೋನಾ ಸೋಂಕು ಇಳಿಕೆಯಾಗುತ್ತಾ ಸಾಗಿತು. ಅದಕ್ಕೆ ಕಾರಣ ಸರ್ಕಾರದ 5ಟಿ ಯೋಜನೆ ಅಂದರೆ ಕೊರೋನಾ ಪರೀಕ್ಷೆ, ಟ್ರ್ಯಾಕಿಂಗ್, ಟ್ರೇಸಿಂಗ್, ಟ್ರೈಜಿಂಗ್ ಮತ್ತು ತಂತ್ರಜ್ಞಾನ. ಇದು ಸಾಂಕ್ರಾಮಿಕ ರೋಗವನ್ನು ನಿಯಂತ್ರಿಸಿತು. 2022ರ ಮಾರ್ಚ್ ವೇಳೆಗೆ ಭಾರತವು ದೇಶಾದ್ಯಂತ ಕೇವಲ 22,487 ಪ್ರಕರಣಗಳನ್ನು ಹೊಂದಿತ್ತು. ಎರಡು ವರ್ಷಗಳ ಅಂತರದ ನಂತರ 27 ಮಾರ್ಚ್ ನಲ್ಲಿ ವಿದೇಶಗಳಿಂದ ವಿಮಾನಗಳು ಭಾರತಕ್ಕೆ ಬರಲಾರಂಭಿಸಿದವು. 

ನಿಧಾನವಾಗಿ ಕೋವಿಡ್-19 ಜನರ ಜೀವನದಲ್ಲಿ ಕಡಿಮೆ ಅಡೆತಡೆಗಳನ್ನು ಉಂಟುಮಾಡುತ್ತಾ ಹೋಯಿತು. ಜನರು ನಿಧಾನವಾಗಿ ಸಹಜ ಜೀವನಕ್ಕೆ ಬರಲಾರಂಭಿಸಿದರು. ಒಂದು ಕಡೆಯಿಂದ ದೂರದೂರುಗಳಿಗೆ ಪ್ರಯಾಣಿಸಲು ಆರಂಭವಾಯಿತು. ದೊಡ್ಡ ಕಾರ್ಯಕ್ರಮಗಳಿಗೆ ಹಾಜರಾಗುವುದು, ದೈಹಿಕ ಸಮಾಲೋಚನೆಗಳನ್ನು ಪುನರಾರಂಭಿಸುವುದು, ಮಕ್ಕಳು ಶಾಲೆ ಮತ್ತು ಕಾಲೇಜುಗಳಿಗೆ ಹೋಗಲು ಆರಂಭಿಸಿದರು.

ಕೋವಿಡ್ ಸೋಂಕಿತರ ಸಂಖ್ಯೆ ಮತ್ತು ತೀವ್ರತೆಯಲ್ಲಿ ಸ್ಥಿರವಾದ ಇಳಿಕೆ ಕಾಣುತ್ತಾ ಹೋಯಿತು. ಈಗ ದೇಶದ ಆರ್ಥಿಕತೆಯು ಕೋವಿಡ್ ಪೂರ್ವ ಸ್ಥಿತಿಯತ್ತ ಸಾಗುತ್ತಿದೆ. ಜುಲೈ 2022ರಲ್ಲಿ Mpox (ಹಿಂದೆ ಇದನ್ನು ಮಂಕಿಪಾಕ್ಸ್ ಎಂದು ಕರೆಯುತ್ತಿದ್ದರು) ಕಾಣಿಸಿಕೊಂಡು ಏಕಾಏಕಿ ಸಾರ್ವಜನಿಕರಲ್ಲಿ ಸ್ವಲ್ಪ ಭಯವನ್ನು ಉಂಟುಮಾಡಿತು. ಅದೃಷ್ಟವಶಾತ್ ಬಹುತೇಕ ಮಂದಿಗೆ ಕೋವಿಡ್ ಲಸಿಕೆಯ ಎರಡೂ ಡೋಸ್ ಗಳು ಆಗಿದ್ದರಿಂದ ಹೆಚ್ಚಿನ ತೊಂದರೆಯುಂಟಾಗಲಿಲ್ಲ. 

ಕೋವಿಡ್ 19ನಿಂದ ಕಲಿತ ಪಾಠಗಳೇನು?: ಆರೋಗ್ಯ ವ್ಯವಸ್ಥೆಯನ್ನು ಸುಧಾರಿಸಲು ಈ ಸಾಂಕ್ರಾಮಿಕದಿಂದ ಕಲಿಯಬೇಕಾದ ಹಲವಾರು ಪಾಠಗಳಿವೆ. ಕೋವಿಡ್-19 ಸಾಂಕ್ರಾಮಿಕವು ಜಾಗತಿಕ ಮತ್ತು ರಾಷ್ಟ್ರೀಯ ಆರೋಗ್ಯ ವ್ಯವಸ್ಥೆಗಳ ದೌರ್ಬಲ್ಯಗಳನ್ನು ಬಹಿರಂಗಪಡಿಸಿದೆ. ನಿರಂತರವಾಗಿ ಹೆಣಗಾಡುತ್ತಿರುವ ಆರೋಗ್ಯ ವ್ಯವಸ್ಥೆಗಳು ತಮ್ಮ ಸಂಪನ್ಮೂಲಗಳನ್ನು ಸಾಂಕ್ರಾಮಿಕ ಪ್ರತಿಕ್ರಿಯೆಗೆ ವರ್ಗಾಯಿಸಿದವು. ಇದು ಸಾಂಕ್ರಾಮಿಕವಲ್ಲದ ರೋಗಗಳೊಂದಿಗಿನ ಜನರ ಮೇಲೆ ಅವರ ರೋಗನಿರ್ಣಯ, ಚಿಕಿತ್ಸೆ ಮತ್ತು ಆರೈಕೆಯನ್ನು ವಿಳಂಬಗೊಳಿಸುವ ಮತ್ತು ಅಡ್ಡಿಪಡಿಸುವ ಮೂಲಕ ಹೊರೆಯನ್ನು ಉಲ್ಬಣಗೊಳಿಸಿತು.

ಟೆಲಿಮೆಡಿಸಿನ್ ಮತ್ತು AI-ನೆರವಿನ ನಿರ್ಧಾರ ತೆಗೆದುಕೊಳ್ಳುವ ಸಾಧನಗಳ ಬೇಡಿಕೆಯು ಸಾಂಕ್ರಾಮಿಕ ರೋಗಕ್ಕೆ ಮುಂಚೆಯೇ ಇದ್ದವು. ಆದರೆ ಸಾಂಕ್ರಾಮಿಕವು ಅವುಗಳ ಪ್ರಗತಿಯನ್ನು ವೇಗಗೊಳಿಸಿತು. ವೈದ್ಯರ ಕ್ಲಿನಿಕಲ್ ನಿರ್ಧಾರವನ್ನು ಬೆಂಬಲಿಸುವಲ್ಲಿ ತಂತ್ರಜ್ಞಾನದ ಪಾತ್ರವು ಪ್ರಾಮುಖ್ಯತೆಯನ್ನು ಪಡೆಯುತ್ತಿದೆ. ರೋಗಿಗಳಿಗೆ ವೈದ್ಯಕೀಯ ಸೇವೆಗಳನ್ನು ನೀಡಲು ಸಹಾಯ ಮಾಡಿದೆ. ಇದು ಅಂತಿಮವಾಗಿ ಆರೋಗ್ಯ ವ್ಯವಸ್ಥೆಗಳ ಭವಿಷ್ಯವನ್ನು ರೂಪಿಸುವಲ್ಲಿ ಇನ್ನೂ ಹೆಚ್ಚಿನ ಪಾತ್ರವನ್ನು ವಹಿಸುತ್ತದೆ.
ಭಾರತದಲ್ಲಿ ಹೆಲ್ತ್‌ಕೇರ್ ವಿತರಣೆಯು ಸಾಂಕ್ರಾಮಿಕ ಸಮಯದಲ್ಲಿ ಡಿಜಿಟಲ್ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವಲ್ಲಿ ಹೊಸ ಗಮನ ಸೆಳೆದಿದೆ. ನಿರಂತರವಾಗಿ ಹೆಚ್ಚುತ್ತಿರುವ ಆರೋಗ್ಯ ತಂತ್ರಜ್ಞಾನದ ಸ್ಟಾರ್ಟ್‌ಅಪ್‌ಗಳೊಂದಿಗೆ ಟೆಲಿಕನ್ಸಲ್ಟಿಂಗ್ ಮಾರ್ಗಸೂಚಿಗಳು ಭಾರತೀಯ ಜನಸಂಖ್ಯೆಗೆ ಆರೋಗ್ಯ ಸೇವೆಯನ್ನು ಉತ್ತಮಗೊಳಿಸಲು ವಿಕಸನಗೊಂಡಿವೆ. 

Covid-19 ಗೆ ಸಂಬಂಧಿಸಿದಂತೆ ಮುಂದೆ ಏನಾಗಬಹುದು ಎಂಬುದು ಇನ್ನೂ ತಿಳಿದಿಲ್ಲ - ಸಮುದಾಯದಲ್ಲಿ ಎಷ್ಟು ಪ್ರಕರಣಗಳು ಮುಂದುವರಿಯುತ್ತವೆ, ಹೊಸ ಅಲೆಗಳು ಅಥವಾ ಹೊಸ ರೂಪಾಂತರಗಳು ಇರುತ್ತವೆಯೇ ಮತ್ತು ಹೊಸ ಲಸಿಕೆಗಳು ಅಥವಾ ಚಿಕಿತ್ಸೆಗಳು ಪ್ರಸ್ತುತ ಲಭ್ಯವಿರುವುದಕ್ಕಿಂತ ಹೆಚ್ಚು ಪರಿಣಾಮಕಾರಿಯಾಗುತ್ತವೆಯೇ ಎಂದು ಈಗಲೇ ಹೇಳುವುದು ಕಷ್ಟವಾಗಿದೆ.

ಓಮಿಕ್ರಾನ್ ರೂಪಾಂತರಿ ಬಿಎಫ್.7: Omicron BF.7 ನ ಪ್ರಸ್ತುತ ರೂಪಾಂತರಿ ವೈರಸ್ ಚೀನಾದಲ್ಲಿ ವಿನಾಶವನ್ನು ಸೃಷ್ಟಿಸುತ್ತಿರುವಾಗ, ನಮ್ಮ ದೇಶದ ಲಸಿಕೆ ವ್ಯಾಪ್ತಿ ಮತ್ತು ಕಳೆದ ಮೂರು ವರ್ಷಗಳಲ್ಲಿ ನಾವು ಅಭಿವೃದ್ಧಿಪಡಿಸಿದ ನೈಸರ್ಗಿಕ ಪ್ರತಿರಕ್ಷೆಯನ್ನು ಪರಿಗಣಿಸಿ ಭಾರತದಲ್ಲಿ ಪರಿಸ್ಥಿತಿಯು ಹದಗೆಡುವುದಿಲ್ಲ ಎಂದು ಭರವಸೆ ಇಟ್ಟುಕೊಳ್ಳಬಹುದು. 

ಕೋವಿಡ್-19 ಪ್ರಕರಣಗಳ ಆರಂಭಿಕ ಪತ್ತೆ, ಪ್ರತ್ಯೇಕತೆ, ಪರೀಕ್ಷೆ ಮತ್ತು ಸಮಯೋಚಿತ ನಿರ್ವಹಣೆಯಲ್ಲಿ ಸರ್ಕಾರವು ನಿಗದಿಪಡಿಸಿದ ಮಾರ್ಗಸೂಚಿಗಳನ್ನು ಅನುಸರಿಸುವುದು ನಮಗೆ ಕಡ್ಡಾಯವಾಗಿದೆ. . ಅಲ್ಲದೆ, ಕ್ಯಾನ್ಸರ್, ಮಧುಮೇಹ, ಅಧಿಕ ರಕ್ತದೊತ್ತಡ ಮತ್ತು ಹೃದ್ರೋಗದಂತಹ ದೀರ್ಘಕಾಲದ ಕಾಯಿಲೆಗಳನ್ನು ತಡೆಗಟ್ಟಲು ಜನರು ಆರೋಗ್ಯಕರ ಜೀವನಶೈಲಿಯನ್ನು ಅನುಸರಿಸುವುದು, ದೈಹಿಕವಾಗಿ ಸಕ್ರಿಯವಾಗಿರುವುದು, ಸಾಕಷ್ಟು ನಿದ್ದೆ ಮಾಡುವುದು, ಶಾಲೆ ಮತ್ತು ಕೆಲಸದ ಸ್ಥಳಗಳಲ್ಲಿ ಆರೋಗ್ಯಕರ ಆಯ್ಕೆಗಳನ್ನು ಮಾಡುವುದು ಮುಖ್ಯವಾಗಿದೆ.

ಭಾರತವು G20 ಅಧ್ಯಕ್ಷ ಸ್ಥಾನವನ್ನು 2023ರಲ್ಲಿ ಹೊಂದುತ್ತಿರುವ ಸಂದರ್ಭದಲ್ಲಿ ಆರೋಗ್ಯಕರ ವರ್ಷವಾಗಲಿದೆ ಎಂದು ನಾವೆಲ್ಲರೂ ಆಶಿಸಿ ಆರೋಗ್ಯ ಕ್ಷೇತ್ರದಲ್ಲಿ ಹೊಸ ಕ್ರಾಂತಿ ಸೃಷ್ಟಿಸೋಣ. 

(ಲೇಖಕರು ಹಿರಿಯ ಸಲಹೆಗಾರರು - ಆಂತರಿಕ ಔಷಧ ಮತ್ತು ಹಿರಿಯ ಸಲಹೆಗಾರರು - ಕ್ರಿಟಿಕಲ್ ಕೇರ್, ಕ್ರಮವಾಗಿ, ಫೋರ್ಟಿಸ್ ಆಸ್ಪತ್ರೆ, ರಿಚ್ಮಂಡ್ ರಸ್ತೆ, ಬೆಂಗಳೂರು)