ಮೋದಿ ಒಂದೇ ಬಾರಿಗೆ ಅನೇಕ ರಾಷ್ಟ್ರಗಳ ಪ್ರವಾಸ ಮಾಡುವುದರಿಂದಾಗಿ ಅವರ ವಿದೇಶ ಪ್ರವಾಸದಲ್ಲಿನ ಒಟ್ಟಾರೆ ಅಥವಾ ಸರಾಸರಿ ವೆಚ್ಚದಲ್ಲಿ ಇಳಿಕೆಯಾಗಿದೆ.ಅಲ್ಲದೆ ಮೋದಿ ತಮ್ಮ ಇತರೆ ಆರು ಅಂತರಾಷ್ಟ್ರೀಯ ಭೇಟಿಗಳಿಗಾಗಿ ಏರ್ ಇಂಡಿಯಾ ಬದಲಿಗೆ ಭಾರತೀಯ ವಾಯುಪಡೆಯ ವ್ಯಾಪಾರಿ ಜೆಟ್ ಬಳಕೆ ಮಾಡಿದ್ದಾರೆ. ಇದೂ ಸಹ ಅವರ ಒಟ್ಟಾರೆ ವಿದೇಶ ಪ್ರಯಾಣದ ವೆಚ್ಚ ಕಡಿತವಾಗಲು ಕಾರಣವಾಗಿತ್ತು. ಮೋದಿಯವರು ಬೋಯಿಂಗ್ 737 ವ್ಯಾಪಾರ ಜೆಟ್ ನಲ್ಲಿ ನೇಪಾಳ, ಬಾಂಗ್ಲಾದೇಶ, ಇರಾನ್ ಮತ್ತು ಸಿಂಗಾಪುರಕ್ಕೆ ಪ್ರಯಾಣಿಸಿದ್ದರು. ಆದರೆ ಸಿಂಗ್ ಅವರ ಅವಧಿಯಲ್ಲಿ ಬಾಂಗ್ಲಾದೇಶ, ಸಿಂಗಾಪುರದಂತಹಾ ರಾಷ್ಟ್ರಕ್ಕೆ ತೆರಳಲು ಸಹ ಏರ್ ಇಂಡಿಯಾವನ್ನೇ ಬಳಸಲಾಗುತ್ತಿತ್ತು.