ನವದೆಹಲಿ: ಭಾರತದಲ್ಲಿ ಹಲವು ವಿಮಾನ ಸಂಸ್ಧೆಗಳು ನಷ್ಟದಲ್ಲಿ ನಡೆಯುತ್ತಿದ್ದರೆ ಈ ಮಧ್ಯೆ ಬಿಕಿನಿ ಏರ್ ಲೈನ್ಸ್ ಭಾರತದಲ್ಲಿ ತನ್ನ ವಿಮಾನ ಸೇವೆಯನ್ನು ಆರಂಭಿಸಲು ಮುಂದಾಗಿದ್ದು ಭಾರತೀಯರಿಗಂತಾನೆ ಭರ್ಜರಿ ಆಫರ್ ಒಂದನ್ನು ನೀಡಿತ್ತು.
ಬಿಕಿನಿ ಏರ್ಲೈನ್ಸ್ ಅಂತಾನೆ ಸುದ್ದಿಯಾಗಿರುವ ವಿಯೆಟ್ನಾಂ ವಿಮಾನ ಸಂಸ್ಧೆ ಡಿಸೆಂಬರ್ 6ರಿಂದ ನವದೆಹಲಿಯಿಂದ ವಿಯೆಟ್ನಾಮ್ ನ ಹೂ ಚಿ ಮಿನ್ ಮತ್ತು ಹನೋಯ್ ನಗರಗಳ ನಡುವೆ ವಿಮಾನಯಾನ ಆರಂಭಿಸಲಿದೆ.
ಈ ವಿಮಾನಯಾನ ಆರಂಭ ಹಿನ್ನೆಲೆಯಲ್ಲಿ ಆಗಸ್ಟ್ 20, 21 ಮತ್ತು 22 ಸಂಸ್ಧೆ ಗೋಲ್ಡನ್ ಡೇಸ್ ಎಂಬ ಆಫರ್ ನೀಡಿದ್ದು ಕೇವಲ 9 ರೂಪಾಯಿಗೆ ಟಿಕೆಟ್ ಬುಕ್ ಮಾಡಬಹುದಾಗಿತ್ತು. ಅದರಂತೆ ಹಲವರು ಟಿಕೆಟ್ ಬುಕ್ ಮಾಡಿದ್ದಾರೆ.
ಡಿಸೆಂಬರ್ 6ರಿಂದ ನವದೆಹಲಿಯಿಂದ ಹೂ ಚಿ ಮಿನ್ ಸಿಟಿಗೆ ಮೊದಲ ವಿಮಾನ ಸೇವೆ ಆರಂಭಗೊಳ್ಳಲಿದೆ. ಈ ಮಾರ್ಗದಲ್ಲಿ ಸೋಮವಾರ, ಬುಧವಾರ, ಶುಕ್ರವಾರ ಮತ್ತು ಭಾನುವಾರ ವಿಮಾನ ಹಾರಾಟ ನಡೆಸಲಿದೆ.
ಡಿಸೆಂಬರ್ 7ರಂದು ನವದೆಹಲಿಯಿಂದ ಹನೋಯ್ ಗೆ ವಿಮಾನ ಸೇವೆ ಆರಂಭಗೊಳ್ಳಲಿದೆ. ವಾರದಲ್ಲಿ ಮಂಗಳವಾರ, ಗುರುವಾರ ಮತ್ತು ಶನಿವಾರ ಈ ಮಾರ್ಗದಲ್ಲಿ ವಿಮಾನಗಳು ಸಂಚರಿಸಲಿವೆ.
Advertisement