ಐಎಎಸ್ ಅಧಿಕಾರಿಗಳು 2018ನೇ ಸಾಲಿನ ತಮ್ಮ ಸ್ಥಿರ ಆಸ್ತಿಗಳ ತೆರಿಗೆಯನ್ನು ಈ ವರ್ಷ ಜನವರಿ 31ರೊಳಗೆ ಸಲ್ಲಿಸಬೇಕಾಗಿತ್ತು. ಒಂದು ವೇಳೆ ತೆರಿಗೆ ವಿವರಗಳನ್ನು ಸಲ್ಲಿಸದಿದ್ದರೆ ಐಎಎಸ್ ಕ್ಯಾಡರ್ ನಿಯಮಗಳ ಅಡಿಯಲ್ಲಿ ನಿಯೋಜನೆ, ಸೂಕ್ಷ್ಮ ಪ್ರದೇಶಗಳಲ್ಲಿ ಅಧಿಕಾರಿಗಳ ನೇಮಕ, ತರಬೇತಿ ಕಾರ್ಯಕ್ರಮಗಳಿಗೆ ನಿಯೋಜನೆ (ಕಡ್ಡಾಯ ತರಬೇತಿ ಹೊರತುಪಡಿಸಿ), ಅಕಾಲಿಕ ವಾಪಸಾತಿ ಸೇರಿದಂತೆ ಕೇಂದ್ರ ಸರಕಾರದ ಅನುಮತಿ ಅಗತ್ಯವಿರುವ ಯಾವುದೇ ನಿಯೋಜನೆಯನ್ನು ನಿರಾಕರಿಸಲಾಗುತ್ತದೆ ಎಂದು ಸಿಬ್ಬಂದಿ ಇಲಾಖೆ ಹೊರಡಿಸಿರುವ ಪತ್ರದಲ್ಲಿ ಹೇಳಿದೆ.