ಈ ಗೋವಿನ ಪುಟ್ಬಾಲ್ ಆಟ ಕಂಡು ಬೆರಗಾದ ಯುವಕರು, ವಿಡಿಯೋ ವೈರಲ್!

ಪಣಜಿ: ಫುಟ್ಬಾಲ್ ಆಡುತ್ತಿದ್ದ ಯುವಕರ ಮಧ್ಯೆ ಬಂದ ಹಸುವೊಂದು ಫುಟ್ಬಾಲ್ ಅನ್ನು ತನ್ನ ಕಾಲಿನಿಂದ ಹಿಡಿದು ಯುವಕರಿಗೆ ಚಮಕ್ ಕೊಟ್ಟಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 

ಗೋವಾದ ಪಣಜಿಯಲ್ಲಿ ಈ ಘಟನೆ ನಡೆದಿದೆ. ಯುವಕರು ಮೈದಾನದಲ್ಲಿ ಫುಟ್ಬಾಲ್ ಆಡುತ್ತಿದ್ದಾಗ ಅಲ್ಲಿಗೆ ಬಂದ ಹಸು ತನ್ನ ಬಳಿ ಬಂದ ಚೆಂಡನ್ನು ಕಾಲಿನಿಂದ ಹಿಡಿದು ಕಾಯುತ್ತಾ ಅಲ್ಲಿಯೇ ನಿಂತಿದೆ. 

ಚೆಂಡನ್ನು ತೆಗೆದುಕೊಳ್ಳಲು ಯುವಕರು ಬಂದಾಗ ಹಸನ್ನು ಚೆಂಡನ್ನು ತನ್ನ ಕಾಲಿನಿಂದ ತಳ್ಳಿ ಮುಂದಕ್ಕೆ ಹೋಗಿದೆ. ನಂತರ ಒಬ್ಬ ಯುವಕ ಚೆಂಡನ್ನು ತೆಗೆದುಕೊಳ್ಳಲು ಮುಂದಾಗಿದ್ದಾನೆ. ಈ ವೇಳೆ ಆತನನ್ನು ಹಸು ಹೆದರಿಸಲು ಮುಂದೆ ಹೋದಾಗ ಮತ್ತೊಬ್ಬ ಬಾಲಕ ಚೆಂಡನ್ನು ಕಾಲಿನಿಂದ ಜೋರಾಗಿ ಓದೆಯುತ್ತಾನೆ. ಆಗ ಚೆಂಡು ಹೋದ ಕಡೆ ಹಸು ಓಡುತ್ತದೆ. ಮತ್ತೆ ಚೆಂಡನ್ನು ತನ್ನ ಕಾಲ ಬಳಿ ಇಟ್ಟುಕೊಳ್ಳುತ್ತದೆ. ಈ ವಿಡಿಯೋ ಇದೀಗ ವೈರಲ್ ಆಗಿದೆ.