ಕೇಂದ್ರ ಮಂತ್ರಿ ಮಂಡಲ ರಚನೆ ವೇಳೆ ಎನ್ ಡಿಎ ಭಾಗವಾಗಿರುವ ಜೆಡಿಯುಗೆ ಕೇವಲ ಸಾಂಕೇತಿಕ ಪ್ರಾತಿನಿಧ್ಯ ನೀಡಲು ಒಂದು ಮಂತ್ರಿ ಸ್ಥಾನ ನೀಡುವುದಾಗಿ ಬಿಜೆಪಿ ಹೇಳಿತ್ತು. ಆದರೆ ಸಾಂಕೇತಿಕ ಪ್ರಾತಿನಿಧ್ಯ ಅಗತ್ಯವಿಲ್ಲ ಎಂದು ಜೆಡಿಯು ಬಿಜೆಪಿ ಆಹ್ವಾನವನ್ನು ತಿರಸ್ಕರಿಸಿತ್ತು. ಈ ಬೆನ್ನಲ್ಲೇ ಎನ್ ಡಿಎ ಮೈತ್ರಿಕೂಟದಿಂದ ಮತ್ತೊಮ್ಮೆ ಜೆಡಿಯು ಹೊರನಡೆಯಲಿದೆ ಎಂಬ ಊಹಾಪೋಹ ಉಂಟಾಗಿತ್ತು. ಇದನ್ನೇ ಆಧಾರವಾಗಿಟ್ಟುಕೊಂಡು ಜೆಡಿಯು ಮಾಜಿ ಮಿತ್ರ ಪಕ್ಷ ಆರ್ ಜೆಡಿ ಮತ್ತೊಮ್ಮೆ ಜೆಡಿಯು ಜೊತೆ ಮೈತ್ರಿ ಬೆಳೆಸಲು ಯತ್ನಿಸಿತ್ತು.