ಇದೇ ರೀತಿ ಪುಣೆ, ಔರಂಗಾಬಾದ್ ಮತ್ತು ನಾಗ್ಪುರಗಳಲ್ಲಿ ಸಹ ಪ್ರತಿಭಟನೆಗಳು ನಡೆಯುತ್ತಿವೆ. ದೆಹಲಿಯಲ್ಲಿ ಕೂಡ ವೈದ್ಯರು ತಮ್ಮ ಕೆಲಸಗಳನ್ನು ನಿಲ್ಲಿಸಿ ಮುಷ್ಕರ ನಿರತರಾಗಿದ್ದಾರೆ. ತುರ್ತು ಸೇವೆಯನ್ನು ಹೊರತುಪಡಿಸಿ ಹೊರರೋಗಿ ವಿಭಾಗ, ವಾರ್ಡ್ ಭೇಟಿ ಮತ್ತು ನಿತ್ಯದ ಆಪರೇಷನ್ ಥಿಯೇಟರ್ ಸೇವೆ ದಿನದ ಮಟ್ಟಿಗೆ ಮುಚ್ಚಿದೆ.ದೆಹಲಿಯ ಏಮ್ಸ್ ಮತ್ತು ಸಫ್ದರ್ ಜಂಗ್ ಆಸ್ಪತ್ರೆ ವೈದ್ಯರು ತಮ್ಮ ತಲೆಗೆ ಬ್ಯಾಂಡೇಜ್ ಗಳನ್ನು ಕಟ್ಟಿ ಎಲ್ಲಾ ವೈದ್ಯಕೀಯ ಸೇವೆಗಳನ್ನು ನಿಲ್ಲಿಸಿ ಪ್ರತಿಭಟನೆಯಲ್ಲಿ ತೊಡಗಿದ್ದಾರೆ.