ನಾರಿ ಶಕ್ತಿಗೆ ಸೆಲ್ಯೂಟ್: ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆಗೆ ರಾಷ್ಟ್ರಪತಿ, ಪ್ರಧಾನಿ ಶುಭಾಶಯ ಕೋರಿಕೆ

ನವದೆಹಲಿ: ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಹಿನ್ನೆಲೆಯಲ್ಲಿ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಹಾಗೂ ಪ್ರಧಾನಿ ನರೇಂದ್ರ ಮೋದಿ ಶುಭಾಶಯ ಕೋರಿದ್ದಾರೆ.

ದೇಶದ ಹಾಗೂ ಪ್ರಪಂಚದ ಎಲ್ಲಾ ಮಹಿಳೆಯರಿಗೂ ಮಹಿಳಾ ದಿನಾತರಣೆ ಶುಭಾಶಯ ಕೋರಿರುವ ರಾಷ್ಟ್ರಪತಿಗಳು, ಮಹಿಳೆ ಸಮಾಜದ ಕನ್ನಡಿ, ನಮ್ಮ ದೇಶ ಹಾಗೂ ಅವರ ಕುಟುಂಬಕ್ಕೆ ಮಹಿಳೆಯೇ ಸ್ಪೂರ್ತಿ, ದೇಶದ ಪ್ರತಿ ಮಹಿಳೆ ಹಾಗೂ ಹೆಣ್ಣು ಮಗುವಿಗೆ ಸಮಾನತೆಯಿಂದ ಬದುಕುವ ಹಕ್ಕಿದೆ ಎಂದು ಹೇಳಿದ್ದಾರೆ,

ಇಂದಿನ ದಿನ ಮಹಿಳಾ ಶಕ್ತಿಗಾಗಿ ಸಮರ್ಪಣೆಯಾಗಿದೆ, ಜೀವನದ ಪ್ರತಿ ಹಂತದಲ್ಲಿ ಬರುವ ಎಲ್ಲಾ ಸಮಸ್ಯೆಗಳನ್ನು ಮೆಟ್ಟಿ ನಿಲ್ಲುವ ಸಾಮರ್ಥ್ಯ ಆಕೆಗಿದೆತ ಮಹಿಳಾ ಸಬಲೀಕರಣದಿಂದ ಭಾರತ ದೇಶ  ಅಭಿವೃದ್ಧಿ ಪಥದಲ್ಲಿ ಮುನ್ನಡೆಯುತ್ತದೆ ಎಂಬ ವಿಶ್ವಾಸ ನನಗಿದೆ ಎಂದು ಹೇಳಿದ್ದಾರೆ.

ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಗವಾಗಿ ಶುಭಾಶಯ ಕೋರಿರುವ ಪ್ರಧಾನಿ ನರೇಂದ್ರ ಮೋದಿ, ನಮ್ಮ  ಅದಮ್ಯ ನಾರಿ ಶಕ್ತಿಗೆ ಸೆಲ್ಯೂಟ್ ಮಾಡೋಣ ಎಂದು ಟ್ವೀಟ್ ಮಾಡಿದ್ದಾರೆ. 

ಮಹಿಳಾ ಸಬಲೀಕರಣಕ್ಕಾಗಿ  ತೆಗೆದುಕೊಂಡಿದರುವ ಹಲವು ನಿರ್ಧಾರಗಳ ಬಗ್ಗೆ ಹೆಮ್ಮೆಯಿದೆಎಂದು ಹೇಳಿದ್ದಾರೆ.