ಫ್ರಾನ್ಸ್ ನೊಂದಿಗೆ ರಫಾಲ್ ಯುದ್ಧ ವಿಮಾನ ಖರೀದಿ, ಪರಮಾಣು ಶಸ್ತ್ರಾಸ್ತ್ರ ಸಹಿತ ಜಲಾಂತರ್ಗಾಮಿ ನೌಕೆಗಳು, ಪರಮಾಣು ಶಸ್ತ್ರಾಸ್ತ್ರ ನಿರೋಧಕ ಜಲಾಂತರ್ಗಾಮಿಗಳು, ಕಣ್ಗಾವಲು ಜಲಾಂತರ್ಗಾಮಿಗಳು ಇಂದು ಭಾರತೀಯ ನೌಕೆ ಪಡೆಯ ಬತ್ತಳಿಕೆ ಸೇರಿವೆ. ದೇಶೀ ನಿರ್ಮಿತ ಸಿಡಿಗುಂಡು ನಿರೋಧಕ ಸಮರ ನೌಕೆಗಳು, ಅತ್ಯಾಧುನಿಕ ಟ್ಯಾಂಕರ್ ಗಳು, ರಾಡಾರ್ ವ್ಯವಸ್ಥೆ ಸೇರಿದಂತೆ ಚೀನಾ ಹಾಗೂ ಪಾಕಿಸ್ತಾನಕ್ಕೆ ನಿದ್ದೆಗೆಡಿಸುವಂತಹ ಶಸ್ತ್ರಾಸ್ತ್ರಗಳ ಖರೀದಿಗೆ ಒಪ್ಪಂದ ಹಾಗೂ ಖರೀದಿ ನಡೆದಿದ್ದು ಮನೋಹರ್ ಪರಿಕ್ಕರ್ ಅವಧಿಯಲ್ಲಿ ಎಂಬುದು ಗಮನಾರ್ಹ.