ಈ ಬಗ್ಗೆ ಎಎನ್ ಐ ಸುದ್ದಿಸಂಸ್ಥೆ ವರದಿ ಮಾಡಿದ್ದು, ಕೇಂದ್ರ ಸರ್ಕಾರ ಸೇನೆಯ ಮೂರು ದಳಗಳಿಗೂ ತುರ್ತು ಪರಿಸ್ಥಿತಿ ನಿರ್ವಹಣೆಗಾಗಿ ತಲಾ 300 ಕೋಟಿ ರೂ ಗಳನ್ನು ಮೀಸಲಾಗಿರಿಸಿದ್ದು, ಈ ಪೈಕಿ ವಾಯುಸೇನೆ ತನ್ನ ಪಾಲಿನ 300 ಕೂಟಿ ರೂಗಳ ಹಣದಲ್ಲಿ ಇಸ್ರೇಲ್ ನಿರ್ಮಿತ ಸ್ಪೈಸ್ 2000 ಬಾಂಬ್ ಸರಣಿಯ ಹೊಸ ಅವತರಣಿಕೆಗಳನ್ನು ಖರೀದಿ ಮಾಡಲು ಮುಂದಾಗಿದೆ. ಮೂಲಗಳ ಪ್ರಕಾರ ವಾಯುಸೇನೆ ಸ್ಪೈಸ್ 2000 ಮಾರ್ಕ್ 84 ಸರಣಿಯ ಬಾಂಬ್ ಗಳನ್ನು ಖರೀದಿ ಮಾಡಲು ಉತ್ಸುಕವಾಗಿದ್ದು, ಈ ಸಂಬಂಧ ಇಸ್ರೇಲ್ ಸರ್ಕಾರದೊಂದಿಗೆ ಶೀಘ್ರ ಚರ್ಚೆ ನಡೆಸಲಿದೆ ಎಂದು ಹೇಳಲಾಗುತ್ತಿದೆ.