ಲಖನೌ: ಇತ್ತೀಚಿಗೆ ತನ್ನ ಗ್ಲಾಮರ್ ಲುಕ್ ನಿಂದ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದ ಪಿಡಬ್ಲ್ಯೂಡಿ ಅಧಿಕಾರಿ ರೀನಾ ದ್ವಿವೇದಿ ಅವರು ಈಗ ಸೆಲೆಬ್ರಿಟಿಯಾಗಲು ಬಯಸಿದ್ದಾರೆ.
ಕಳೆದ ವಾರ ಕೈಯಲ್ಲಿ ಇವಿಎಂ ಹಿಡಿದು ಚುನಾವಣಾ ಕರ್ತವ್ಯಕ್ಕೆ ತೆರಳುತ್ತಿದ್ದ ವೇಳೆ ಹಳದಿ ಸೀರೆಯಲ್ಲಿ ಗ್ಲಾಮರ್ ಆಗಿ ಕಾಣಿಸಿಕೊಂಡಿದ್ದ ರೀನಾಗೆ ನೆಟಿಗರು ಫಿದಾ ಆಗಿದ್ದರು. ಅಲ್ಲದೆ ಮಹಿಳಾ ಅಧಿಕಾರಿಯ ಫೋಟೋಗಳು ಸಾಮಾಜಿಕ ತಾಣದಲ್ಲಿ ವೈರಲ್ ಆಗಿದ್ದವು.
ಇದೀಗ ಬಿಗ್ ಬಾಸ್ ಮುಂದಿನ ಆವೃತ್ತಿಯಲ್ಲಿ ಭಾಗವಹಿಸುವ ಆಸೆ ವ್ಯಕ್ತಪಡಿಸಿರುವ ರೀನಾ, ನನ್ನ ಕುಟುಂಬ ನನಗೆ ಬೆಂಬಲವಾಗಿದ್ದು, ಬಿಗ್ ಬಾಸ್ ಮನೆ ಸೇರುವ ಅವಕಾಶ ಸಿಕ್ಕರೆ, ಅದೊಂದು ಅತ್ಯುತ್ತಮ ಅವಕಾಶ ಎಂದು ಭಾವಿಸುವುದಾಗಿ ಹೇಳಿದ್ದಾರೆ.
