ನವದೆಹಲಿ: ಕ್ವಾರಂಟೈನ್ ಕೇಂದ್ರದಲ್ಲಿ ಬಹಿರಂಗವಾಗಿ ಮಲವಿಸರ್ಜನೆ ಮಾಡಿದ ಇಬ್ಬರು ತಬ್ಲಿಘಿ ಜಮಾತ್ ಸದಸ್ಯನ ವಿರುದ್ಧ ಮಂಗಳವಾರ ಎಫ್ಐಆರ್ ದಾಖಲಾಗಿದೆ ಎಂದು ದೆಹಲಿ ಪೊಲೀಸರು ಹೇಳಿದ್ದಾರೆ.
ಮೊಹಮ್ಮದ್ ಫಹ್ದ್ (25) ಹಾಗೂ ಅದ್ನಾಮ್ ಜಹೀರ್ (18) ಎಂಬುವವರ ವಿರುದ್ಧ ಎಫ್ಐಆರ್ ದಾಖಲಾಗಿದೆ. ಈ ಇಬ್ಬರೂ ತಬ್ಲಿಘಿ ಜಮಾತ್ ಸದಸ್ಯರಾಗಿದ್ದು, ಉತ್ತರಪ್ರದೇಶದ ಬರಬಂಕಿ ನಿವಾಸಿಗಳಾಗಿದ್ದಾರೆ.
ಕ್ವಾರಂಟೈನ್ ಕೇಂದ್ರಗಳಲ್ಲಿ ಸ್ಯಾನಿಟೇಶನ್ ಸಿಬ್ಬಂದಿಗಳು ಪ್ರತೀನಿತ್ಯ ಸ್ವಚ್ಛಗೊಳಿಸುವ ಕಾರ್ಯ ಮಾಡುತ್ತಾರೆ. ಮಾರ್ಚ್ 31 ರಂದೂ ಕೂಡ ಕೊಠಡಿಯನ್ನು ಸ್ವಚ್ಛಗೊಳಿಸಲು ಮುಂದಾಗಿದ್ದಾರೆ. ಆದರೆ, ಕೊಠಡಿಯ ಬಳಿ ಕ್ಯಾರಂಟೈನ್ ನಲ್ಲಿದ್ದ ವ್ಯಕ್ತಿಗಳು ಬಹಿರಂಗವಾಗಿ ಮಲವಿಸರ್ಜನೆ ಮಾಡಿದ್ದಾರೆಂದು ತಿಳಿದುಬಂದಿದೆ.
ಕ್ವಾರಂಟೈನ್ ನಲ್ಲಿರುವ ಈ ಇಬ್ಬರು ವ್ಯಕ್ತಿಗಳು ಆಸ್ಪತ್ರೆ, ಸರ್ಕಾರದ ಆರೋಗ್ಯ ಕುರಿತ ಸೂಚನೆಗಳನ್ನು ಪಾಲನೆ ಮಾಡುತ್ತಿಲ್ಲ. ತಮ್ಮ ದುರ್ವರ್ತನೆಯಿಂದ ಇತರೆ ಜನರ ಜೀವವನ್ನು ಅಪಾಯಕ್ಕೀಡು ಮಡಾುತ್ತಿದ್ದಾರೆಂದು ಎಫ್ಐಆರ್ ನಲ್ಲಿ ತಿಳಿಸಿದ್ದಾರೆಂದು ವರದಿಗಳು ತಿಳಿಸಿವೆ.
Advertisement